Roving Journalist
JF Roving Journalist
- Apr 18, 2017
- 2,884
- 12,134
Tume hii ina majukumu muhimu kama kusimamia sheria na kushughulikia malalamiko. Muundo na taratibu za Tume zimekamilika na zinazingatia haki za faragha na usalama wa taarifa za watu.
Tume hii ni muhimu katika kukuza uchumi wa kidigitali na kuhakikisha usalama wa taarifa za ndani na nje ya nchi.
Usikose kushiriki katika tukio hili muhimu.
MKILIA: WANAOKUSANYA NA KUCHAKATA TAARIFA BINAFSI WAJISAJILI NA WAPATE KIBALI
Akizungumza katika Uzinduzi wa Tume ya Ulinzi wa Taarifa Binafsi, Kaimu Mkurugenzi Mkuu wa Tume hiyo, Emmanuel Mkilia amesisitiza Watu Binafsi na Taasisi zinazokusanya na kuchakata Taarifa Binafsi wanatakiwa kujisajili na kupata vibali vya kuendelea kufanya wanachokifanya.
Aidha, amesema “Tume ilianzishwa rasmi Mei Mosi, 2023 na itatekeleza majukumu yake Tanzania Bara na Zanzibar kwenye masuala ya Muungano.”
Waziri wa Habari, Mawasiliano na Teknolojia ya Habari, Nape Nnauye tume ya Ulinzi wa Taarifa Binafsi ni chombo muhimu katika kuimarisha Misingi ya Demokrasia, Utawala Bora na Utawala wa Sheria na hivyo kuzidi kuvutia wawekezaji kutoka Nje.
Rais Samia Suluhu Hassan akizungumza katika uzinduzi wa Tume ya Ulinzi wa Taarifa Binafsi (PDPC), leo Aprili 3, 2024 katika Ukumbi wa JNICC, Dar es Salaam amesema baadhi ya taarifa zinaweza kutumika kuhujumu Jamii.
Amesema “Wakati mwingine taarifa ya Mtu inaweza kusababisha unyanyapaa, vurugu, vita na hata mauaji.”
Rais Samia Suluhu Hassan ametoa maelekezo kwa Tume ya Ulinzi wa Taarifa Binafsi kuhakikisha Taasisi zote za Umma na Binafsi zinasajiliwa na zinatekeleza Sheria ya Taarifa ya Ulinzi Binafsi kabla au ifikapo Desemba 2024.
Amesema hayo wakati akiizindua tume hiyo, leo Aprili 3, 2024 katika Ukumbi wa JNICC, Dar es Salaam.
Rais wa Jamhuri ya Muungano wa Tanzania, Samia Suluhu Hassan akimsikiliza Waziri wa Habari, Mawasiliano na Teknolojia ya Habari Mhe. Nape Nnauye mara baada ya kuwasili katika Kituo cha Mikutano cha Kimataifa cha Julius Nyerere Jijini Dar es Salaam tarehe 03 Aprili, 2024.
Baadhi ya Mabalozi wanaowakilisha nchi zao Tanzania wakiwa kwenye hafla ya uzinduzi wa Tume ya Ulinzi wa Taarifa Binafsi pamoja na Mifumo ya Usajili na Malalamiko ya ukiukwaji wa misingi ya Ulinzi wa Taarifa Binafsi katika Kituo cha Mikutano cha Kimataifa cha Julius Nyerere Jijini Dar es Salaam tarehe 03 Aprili, 2024.
Waziri wa Habari, Mawasiliano na Teknolojia ya Habari, Nape Nnauye akiwa na Mkuu wa Mkoa wa Dar es Salaam, Albert Chalamila wakati wa hafla ya uzinduzi wa Tume ya Ulinzi wa Taarifa Binafsi pamoja na Mifumo ya Usajili na Malalamiko ya ukiukwaji wa misingi ya Ulinzi wa Taarifa Binafsi katika Kituo cha Mikutano cha Kimataifa cha Julius Nyerere Jijini Dar es Salaam tarehe 03 Aprili, 2024.
Katibu Mkuu wa Wizara ya Habari, Mawasiliano na Teknolojia, Mohammed Khamis Abdulla akitoa hotuba ya ukaribisho na utambulisho kwenye hafla ya uzinduzi wa Tume ya Ulinzi wa Taarifa Binafsi.
Balozi Adadi Mohamed Rajabu, Mwenyekiti wa Bodi Tume ya Ulinzi wa Taarifa Binafsi
Rais wa Jamhuri ya Muungano wa Tanzania, Samia Suluhu Hassan akigusa screen ya iPad kuashiria uzinduzi wa Tume ya Ulinzi wa Taarifa Binafsi pamoja na Mifumo ya Usajili na Malalamiko ya ukiukwaji wa misingi ya Ulinzi wa Taarifa Binafsi katika Kituo cha Mikutano cha Kimataifa cha Julius Nyerere Jijini Dar es Salaam tarehe 03 Aprili, 2024.
Rais wa Jamhuri ya Muungano wa Tanzania, Samia Suluhu Hassan akipokea zawadi ya picha iliyotengenezwa na kufumwa kwa nyuzi kutoka kwa Waziri wa Habari, Mawasiliano na Teknolojia ya Habari Mhe. Nape Nnauye mara baada ya kuzindua Tume ya Ulinzi wa Taarifa Binafsi pamoja na Mifumo ya Usajili na Malalamiko ya ukiukwaji wa misingi ya Ulinzi wa Taarifa Binafsi katika Kituo cha Mikutano cha Kimataifa cha Julius Nyerere Jijini Dar es Salaam tarehe 03 Aprili, 2024.
