Featured content

Makamu Mwenyekiti wa CHADEMA, John Heche amesema pamoja na Mwenyekiti wa chama hicho, Tundu Lissu kuwa kizuizini mwaka mmoja, amekataa kuwapigia magoti ili aachiliwe huru. Heche amesema mojawapo ya masharti ilikuwa akubali kuacha siasa na kuishi nje ya nchi, lakini amekataa. Amesisitiza kuwa Lissu amechagua kubaki kizuizini kuliko kuacha kuwatetea Watanzania au kusaliti misingi ya haki na demokrasia anayoisimamia.

Chama cha Wamiliki wa Mabasi Tanzania (TABOA) kimesema huduma za usafiri zitaendelea kutolewa kama kawaida kufuatia mazungumzo kati yake na Serikali. Katibu Mkuu wa TABOA, Priscus John, amesema uamuzi huo umefikiwa baada ya kukutana na Waziri wa Uchukuzi, Makame Mbarawa, na viongozi wa chama hicho. Ikumbukwe April 8, 2026, Priscus alitoa taarifa kwa wananchi ambao hawajafanya 'booking' mpaka Aprili 12 wasifanye, kwani hawawezi kuendelea kutoa huduma baada ya bei za mafuta kupanda

Mkurugenzi wa Udhibiti Uchumi wa Mamlaka ya Udhibiti Usafiri Ardhini (LATRA), Abdallah Mhagama, amesema kanuni na sheria zinazosimamia utoaji wa huduma za usafiri ziko wazi, na zinaweka masharti kwa watoa huduma ikiwemo kutofanya migomo, akibainisha kuwa mgomo wowote utakaofanyika ni kinyume cha sheria utachukuliwa kuwa batili kwa mujibu wa masharti ya leseni zilizotolewa kwa watoa huduma hao. Amesema endapo dereva atashiriki mgomo, mamlaka itashughulika na kila mmoja kwa kuwafungia Leseni.

Rais Samia ametangaza hatua mpya za kubana matumizi ya mafuta serikalini, akibainisha kuwa matumizi hayo yamekuwa makubwa kutokana na wingi wa magari yanayotumika katika safari za kikazi. Amesema juhudi hizo zitaanza katika ofisi yake mwenyewe. Amesema kuwa popote atakapokwenda, maafisa wote wataingia kwenye basi moja (kibasi). Msafara utabakiwa na gari la Rais (escort), magari ya polisi, na gari la akiba pekee, huku maafisa wengine wote wakisafiri kwa pamoja ili kuokoa gharama.

Mwenyekiti wa Tume ya Uchunguzi wa Vurugu za Uchaguzi Mkuu wa Oktoba 2025, Jaji Mstaafu Mohamed Chande Othman, amesema tume hiyo iko huru na haiikingiliwa na mamlaka yoyote, akikanusha madai kuwa muda wa kazi yake umeongezwa ili kuruhusu kuhaririwa kwa ripoti yake. Tume hiyo iliyoundwa na Rais Samia, Novemba 20, 2025 kuchunguza matukio yaliyojitokeza wakati na baada ya Uchaguzi Mkuu, ingawa mpaka sasa imeongezewa muda mara mbili

Rais wa Marekani Donald Trump amesema amekubali kusitisha mashambulizi dhidi ya Iran kwa muda wa wiki mbili, kufuatia pendekezo la wapatanishi katika mgogoro huo. Trump amesema uamuzi huo umefikiwa baada ya mazungumzo na viongozi wa Pakistan, akiwemo Waziri Mkuu Shehbaz Sharif, ambao waliomba muda zaidi kwa juhudi za kidiplomasia.

Mamlaka ya Uteuzi imeridhia maombi ya muda wa ziada kwa Tume ya Kuchunguza Matukio ya Uvunjifu wa Amani Wakati na Baada ya Uchaguzi Mkuu wa Oktoba 2025 hivyo imeiongezea tena muda wa siku ishirini na moja (21) na kuitaka ikamilishe kazi kabla au ifikapo Aprili 24, 2026. Mamlaka hiyo imeeleza sababu za kuongeza muda huo kwa Tume ni pamoja na kuiwezesha Tume kukamilisha uchambuzi wa ushahidi, taarifa na maoni yaliyopokelewa, kutoa fursa kwa wataalamu wa uchunguzi wa kisayansi kufanyia kazi...

Habari... Nipo mkoa wa Tabora nataka kufanya biashara ya kuku na kupeleka Dar es salaam au Dodoma je wapi ni sahihi? Faida za Dodoma Bei inaweza kuwa juu kutokana na nature ya watu wanaoishi huku(Target costumer ni mostly employed) Ukaribu na Tabora kwa usafiri wa roli. Faida ya Dar es salaam, Faida za ni uhakika wa wateja. Changamoto ni safari ndefu lakini pia usafiri kuku kuibiwq nk Je nipeleke kuku wapi?

Akitoa salamu za Pasaka kawaasa wasitaafu wapumzike wasitumie viongozi waliopo madarakani kuwaumiza watu. Ujumbe umfikie.

Waziri Mkuu, Mwigulu Nchemba ameliomba Bunge kuidhinisha jumla ya Tsh. Trilioni 12.5 kwa ajili ya matumizi ya kawaida ya Ofisi ya Waziri Mkuu na taasisi zilizo chini yake kwa Mwaka wa Fedha 2026/2027, wakati akiwasilisha Hotuba ya Bajeti ya Ofisi yake Bungeni, Aprili 1, 2026.

Spika wa Bunge, Mussa Zungu amemuagiza Waziri wa Nishati, Deogratius Ndejembi kukutana na Kamati ya Bunge ya Nishati ili kujua hatma ya hali na mwenendo wa kupanda kwa bei ya mafuta nchini. Hatua hiyo imefuatia baada ya Mamlaka ya Udhibiti wa Huduma za Nishati na Maji (EWURA) kutangaza bei mpya za mafuta hapa nchini zilizoanza kutumika kuanzia Aprili 1, 2026, ambapo Petroli kwa Dar es Salaam imepanda kutoka Tsh. 2,864 hadi Tsh. 3,820 kwa Lita moja.

Mamlaka ya Udhibiti Usafiri Ardhini (LATRA), imewataka wadau wote wa sekta ya usafirishaji nchini, kutopandisha nauli kwa kigezo cha kupanda kwa bei za mafuta na badala yake wafuate utaratibu rasmi utakaowekwa na watakaopandisha hawatasita kuwachukulia hatua kali za kisheria. Mkurugenzi Mkuu wa LATRA, CPA Dkt. Habibu Suluo, amesema Aprili 8 kutafanyika kikao cha wadau jijini Dar es Salaam kujadili jambo hilo

Msanii wa Bongo Fleva, Diamond Platnumz, amesema anaogopa kuzungumzia masuala yanayohusu Serikali wakati wa mahojiano katika kituo chake cha Redio, Wasafi FM, akidai kuwa kusema ukweli kunaweza kumletea madhara.

Msemaji Mkuu wa Serikali, Gerson Msigwa amefafanua kuwa gharama za ujenzi wa Uwanja wa Mpira wa Arusha zimeongezeka kutoka makadirio ya Tsh. Bilioni 187 hadi Tsh. Bilioni 338 kutokana na Shirikisho la Soka Afrika (CAF) kusema tuongeze vitu ili kukidhi mahitaji.

Ripoti ya Mdhibiti na Mkaguzi Mkuu wa Hesabu za Serikali (CAG), Charles Kichere, imebaini kuwa deni la serikali limefikia Tsh. Trilioni 110 kufikia Juni 30, 2025. Ongezeko hili la Tsh. Trilioni 12.7, sawa na asilimia 13 ndani ya mwaka mmoja, likijumuisha deni la ndani la Tsh. Trilioni 35.5 na deni la nje la Tsh. Trilioni 74.55. Akizungumza Machi 30, 2026, Kichere ameeleza kuwa ukuaji wa deni hilo umechangiwa zaidi na kuongezeka kwa mikopo ya nje.

Shirika la kutetea Haki za Binadamu la Amnesty International limetoa onyo kuwa Mashindano ya Kombe la Dunia 2026 yanayotarajiwa kufanyika kuanzia Juni 11 hadi Julai 19, 2026 nchini Marekani, Canada na Mexico, yanaweza kugeuka kuwa "jukwaa la ukandamizaji." Amnesty imelitaka Shirikisho la Soka la Kimataifa (FIFA) na nchi waandaaji kuchukua hatua za dharura kulinda Haki za Binadamu za Wachezaji, Mashabiki na Jamii zinazozunguka mashindano hayo.

Mdhibiti na Mkaguzi Mkuu wa Hesabu za Serikali (CAG), Charles Kichere akisoma ripoti ya ofisi yake ya Mwaka 2024/2025, Machi 30, 2026 amesema alibaini upungufu katika mradi wa ujenzi wa Uwanja wa Mpira wa Arusha, ambapo ulikadiriwa kugharimu Tsh. Bilioni 187 lakini mkataba ukasainiwa kwa Tsh. Bilioni 338. Uwanja huo unatarajiwa kutumika katika michuano ya Kombe la Mataifa ya Afrika (AFCON) 2027, itakayofanyika kwa pamoja Kenya, Tanzania, na Uganda kati ya Juni 19 hadi Julai 18, 2027.

Mbunge wa zamani wa Jimbo la Kilwa Kusini mkoani Lindi kupitia Chama cha CUF, Selemani Said Bungara maarufu Bwege, amefariki dunia, Machi 30, 2026, alipokuwa akipatiwa matibabu katika hospitali binafsi iliyopo Kigamboni, jijini Dar es Salaam. Enzi za uhai wake Bwege amewahi kutumikia vyama vya Siasa vya CUF, ACT Wazalendo na hivi karibuni ilidaiwa alikuwa mbioni kujiunga na CHADEMA, ingawa mchakato rasmi wa kukabidhiwa kadi ya chama hicho ulikuwa haujakamilika.

Mahakama ya Usuluhishi wa Michezo (CAS) imetangaza kuwa itatoa uamuzi wa rufaa ya Senegal "haraka iwezekanavyo" kufuatia hatua ya nchi hiyo kupinga kuvuliwa taji la Mataifa ya Afrika (AFCON), uamuzi uliofanywa na Shirikisho la Soka Afrika (CAS) mnamo Machi 18, 2026. Awali, Januari 18, 2026, Senegal ilitwaa ubingwa kwa ushindi wa goli 1-0, na baada ya maamuzi ya Shirikisho la mpira wa miguu barani Afrika (CAF), Morocco ilipewa ushindi wa mezani wa Magoli 3-0 kwa maelezo Senegal kukiuka Kanuni za

Shiriki nasi katika Mjadala huu kupitia Instagram Live ya JamiiForums, utakaoongozwa na mwandishi wa habari, Imani Luvanga, wazungumzaji ni Nuzulack Dausen wa Nukta Africa pamoja na Mpoki Thompson, Mhariri Mkuu Mwananchi Communication.