Leo ni kumbukumbu ya miaka 25 ya Kifo cha Baba wa Taifa Mwalimu Julius K Nyerere, unakumbuka nini kuhusu huyu mzee?

[Mohamed Said]

Maneno haya ya Hayati Mwalimu J.K Nyerere ni sehemu ya hotuba yake aliyoitoa mkoani Mbeya kwenye kilele cha sikukuu ya wafanyakazi Duniani, Mei, 1995

"mimi nadhani sheria imekosea kuzuia wagombea binafsi. Nataka nieleze sababu kwa nini nadhani kukosea huku ni kwa msingi na si kwa juu juu. Hili jambo limekosewa ni la msingi. Ndiyo maana napenda kulisema kwa nini ni la msingi. Linahusu haki yangu na yako ya kupiga kura.

Hii ni haki ya uraia. Madhali wewe ni raia wa Tanzania [huna kichaa, huko generzani, umetimiza umri unaotakiwa wa miaka kumi na minane] una haki ya kupiga kura. Ni haki yako ya uraia. Iko mfukoni mwako! Hii haki ya kuomba upigiwe kura pia ni haki ya uraia; ni haki yako. Unaomba ubunge au cho chote kile upigiwe kura na hata unaomba urais, ni haki yako ya uraia;
huwezi kunyimwa. Mąadam wewe ni raia wa Tanzania kisiasa una haki ya kuomba uwe rais. Ukiwa katika chama ama hupo katika chama. Unayo haki inayotokana na uraia wako ya kupiga kura na ya kupigiwa kura ambayo haiwezi kudaiwa na mtu ambaye si raia wa Tanzania.

Aidha, raia wa Tanzania hawezi akanyang'anywa haki hii ya kuomba uongozi wa nchi yake tangu ngazi ya kijiji mpaka ngazi ya taifa. Iwapo wapo wasio na uwezo huo wa kutaka kuwa rais, hiyo ni shauri nyingine. Lakini haki ninayo wakataohukumu kama nina uwezo au sina uwezo ni wananchi. Mimi sasa hivi niko hapa nawaelezeni jinsi ya kuwahukumu wenye uwezo na wasio na uwezo. Lakini sisemi hawana haki.

Haki hiyo ndiyo inayowafanya ninyi wafanyakazi, ninyi wafanyakazi mnazo haki za wafanyakazi, mkasema "lakini mmoja mmoja hatuwezi, lazima tushirikiane". Kwa hiyo, mnashirikiana wote kwa pamoja. Hivyo ni vizuri zaidi.

Tunasema ni vizuri tuiombe na tujaribu kuitumia haki ile ya kuunda vyama. Mnaweza mkaunda vyama. Sijui wangapi wameweza kuingia katika vyama maana tunayo haki hiyo. Sasa hivi mnasema viko kumi na vitatu. Sina hakika kama vimechukua Watanzania wote. Watanzania wengine hawamo CCM, hawapo wapi na hawana chama chochote. Hata hivyo, nikikataa kuingia katika chama isiwe sababu ya kuninyang'anya haki yangu ya kupiga au kupigiwa kura. Ninayo tu na naweza nikaamua kuitumia mwenyewe tu!

Lakini, msije mkanielewa vibaya kuhusu kile ninachotaka kusema kwamba raia ye yote wa Tanzania anaweza kusema
"mimi mgombea urais". Tutamwambia: "Ah! Unaweza bwana peke yako kweli utasimama hivi kwa Tanzania peke yako utapitapita huku na kule watakupigia kura?"

Unaweza kumlaumu na kumhukumu useme. "Wewe ni mjinga". Lakini huwezi kusema huna haki hiyo. Ni haki yake. Anaweza kuwa mjinga. Labda kuwa ni mtu anayedhani kwamba "Watanzania wakishaona uso wangu, hata kama sina kitu, watanichagua". Anaweza kuwa si mgombea makini, lakini ni haki yake.

Sasa sheria inawanyima raia wa Tanzania haki hiyo. Mtu mmoja akaenda mahakamani kudai haki hiyo akasema "sheria hii si haki". Jaji mmoja akahukumu akasema "naam, si haki". Mimi

nakubaliana na maamuzi yale ya Jaji kabisa. Jaji alikuwa sahihi, hata kama alihukumu vile kwa bahati, kwa sababu haki hii iko katika Katiba. Ingekuwa haiko katika Katiba, ungekuwapo ubishi, lakini imo ndani ya Katiba. Kwa hiyo, Jaji akasema: "Naam, hawawezi kumnyima haki".

Sasa serikali wakafanyaje? Badala ya kukubali uamuzi wa Jaji, kwa kweli walichokifanya kwa kweli ni kuifuta. Ndiyo, hamwezi kufuta haki za raia. Hamna uwezo wa kufuta haki za raia. Ndugu Waziri, hamna uwezo wa kufuta haki za raia. Hamuwezi kweli kabisa kabisa. Serikali haiwezi ikasema haki hii inakera kidogo. Inakera kisiasa tu lakini na sio kimaadili.

Sheria hii inawekera kisiasa halafu mnaifuta, mtatunga kesho sheria nyingine itawakera, mtaifuta. Mtafuta ngapi? Sasa mimi nina ugomvi huo. Na ni ugomvi wa kasoro kubwa, si kasoro ndogo. Ingekuwa kasoro ndogo, nisingejua.

Hatuwezik umnyima raia haki yake. Mimi napenda watu watumie hii haki yao ndani ya vyama. Kama vile nilivyosema, mfanyakazi unayo haki ya mshahara na kudai mshahara mzuri. Unaweza kudai peke yako tu hivyo hivyo. Unayo haki, ijapokuwa haiwezi kukupa nguvu.

Mfanyakazi kutoingia kwenye chama hakumpotezei haki yake ya kudai mshahara mzuri hata kidogo. Kunampunguzia ile nguvu ya kufanikiwa peke yake. Lakini, anayo haki bado, inabaki ni haki yake. Huyu raia wa Tanzania akisimama peke yake tu, hana uwezo ule

Tujifunze kutoka historia ya uchaguzi wa 1961

Sasa mfano mmoja nautumia mwisho kabisa. Mwaka wa elfu moja tisa mia na siti na moja tulikuwa na uchaguzi mkuu. Akatupinga kijana wetu mmoja anaitwa Herman Sarwatt. Ndiyo, si ulikuwa uchaguzi wa vyama vingi? TANU ilikuwa imechukua viti vingi bila kupingwa.

Kiti cha Mbulu tulikuwa tumemweka chief mmoja anaitwa Chief Amri Dodo. Mwanachama wetu mmoja alikuwa anaitwa Herman Sarwatt akasema. Alaa! Hiki chama changu hakina akili hata kidogo. Hawa viongozi wangu hawana akili! Hawa machifu ndio zamani wakitaka kutufunga wakati tukigombana na mkoloni. Leo wanamchukua Chief Dodo aliyetaka kutufunga sisi ndiye awe mbunge wetu katika jimbo la Mbulu?

Sasa sisi tulikuwa tumekwisha kumchukua huyu kuwa ndiye mgombea rasmi wa TANU. Kijana yule akatupinga.

Mimi nilitokea hapa Mbeya na nilisafiri kutoka Mbeya kwenda Mbulu kumtetea yule mgombea wa TANU. Nikashindwa.
Wananchi wa Mbulu hawana uanachama tena, wengi tu wakasema "TANU wamekosea". Wakampa kura Sarwatt. Wakafanya hivyo, Mwanachama wa TANU akasimama mwenyewe akatushinda! Ilikuwa haki yake. Hatukuiondoa.

Mimi nadhani kwamba kwa kuwa sasa tunarudisha vyama vingi, vile vile tunarudisha haki zote zile zilizokuwapo za raia pamoja na haki; siyo haki ya kuunda vyama bali pia wagombea binafsi kusimama kama Sarwatt alivyofanya."

Nakumbuka marehemu mzee Mkapa wkt anatangaza Kwa hisia Kali.nilikua mdogo but I remember mpk leo ilikua moja ya siku mbaya sana Kwa nchi,m.mungu awarehemu

Mto...
Utampata historia ya Mkapa na ya Mwalimu kama ilivyokuwa mwak wa 1968:


View: https://youtu.be/GR0DQyhAdHs?si=A09tkEY3pLBnwSL9

 

[mzabzab]

Aloooh! Mumbe hawa wanawake wanaishi long time...so toka husband aende six feet mke anadunda miaka 25 and still kicking

 

[msimamia kucha]

Leo ni mwaka mmoja na wiki Moja kamili tangu Hamas walipofanya Shambulio la Ukombozi ambapo hadi Leo Wazungu wamevurugana hata wasijue la Kufanya

Katika kumbukumbu ya Mwalimu Nyerere tuwaombee pia Wazalendo wa Hamas wanapigania Uhuru

Ahsanteni Sana 😂😂🌹

Mkuu Wahuni wa Hamas wanahusika vipi kwenye huu Uzi?wale ni wahuni tu ndo mana wanashughulikiwa KIHUNI huko Gaza.

 

[Mbuli yaza]

Brain rot.

Shambullo la ukombozi ndio kuvamia kweny makazi ya watu, kuua na kubaka wanawake?

ushangae

 

[Matrix19]

Kaacha katiba mbovu.

Katiba ndio msingi wa utawala bora.

Kwangu mimi siku hii naiadhimisha kama hasara kubwa nchi ilipata kwa Oscar Kambona kutokuwa rais.

 

[John Wickzer Mulholland]

View attachment 3124456
Mwalimu Julius Kambarage Nyerere, Baba wa Taifa na Rais wa kwanza wa Tanganyika (baadaye Tanzania), alikuwa kiongozi mwenye ushawishi mkubwa barani Afrika na duniani. Katika kumbukumbu ya miaka 25 ya kifo chake, haya ni mambo 7 muhimu kuhusu Nyerere:

1. Muanzilishi wa Taifa la Tanzania: Nyerere aliiongoza Tanganyika kupata uhuru mwaka 1961 na baadaye kuunganisha Tanganyika na Zanzibar mwaka 1964, kuunda Jamhuri ya Muungano wa Tanzania.

2. Falsafa ya Ujamaa: Nyerere aliendeleza sera ya Ujamaa na Kujitegemea kupitia Azimio la Arusha la 1967. Alisisitiza usawa wa kijamii, umiliki wa pamoja wa mali, na maendeleo ya vijijini kupitia vijiji vya Ujamaa.

3. Kiongozi wa Pan-Africanism: Nyerere alikuwa mstari wa mbele katika harakati za ukombozi wa Afrika, akitoa msaada wa kisiasa, kifedha, na kijeshi kwa nchi za Kiafrika zilizokuwa zinapigania uhuru dhidi ya ukoloni na ubaguzi wa rangi.

4. Elimu kwa Wote: Alikuwa mtetezi mkubwa wa elimu, akiweka msisitizo kwenye elimu ya msingi kwa kila mtoto wa Kitanzania. Aliona elimu kama njia ya kuleta maendeleo na kupunguza umaskini.

5. Diplomasia ya Amani: Nyerere aliendesha diplomasia ya amani na majadiliano katika kutafuta suluhu za migogoro, na baadaye alihusika kama mpatanishi katika migogoro ya nchi kama Burundi na Rwanda.

6. Kuachia Madaraka: Mnamo mwaka 1985, Nyerere aliamua kuachia madaraka kwa hiari, akiwa ni miongoni mwa viongozi wachache wa Afrika wakati huo waliofanya hivyo. Alibaki kuwa mshauri wa kitaifa na kimataifa baada ya kustaafu.

7. Urithi wa Maadili: Nyerere alifahamika kwa uadilifu wake binafsi na upinzani dhidi ya rushwa na ubinafsi. Alisisitiza maadili ya uongozi bora, uzalendo, na huduma kwa jamii badala ya maslahi binafsi.

Urithi wa Mwalimu Nyerere unaendelea kuishi kupitia mchango wake katika siasa, uchumi, na maendeleo ya kijamii Tan
zania na barani Afrika.

Leo ni miaka 25 ya kumbukizi ya kifo cha Mtumishi wa Mungu Julius Kambarage Nyerere, huku Kanisa Katoliki likiendelea na mchakato wa mkumtangaza kuwa Mwenye Heri na hatimae Utakatifu. TUMUOMBEEEE!!

Baadhi ya mabaya au ubovu wa Mwl. Nyerere:-
1. Kuiga, Kuanzisha na kuendeleza Sera na Itikadi Mbaya kabisa ya Siasa za Ukomunisti/Ujamaa hapa Tanzania.

Huu ndio ulikuwa mwanzo wa Kujenga Msingi mbovu wa Taifa la hovyo kabisa lililopo hivi sasa.
Itikadi na Sera ya Ukomunisti/Ujamaa ikaja kushindwa vibaya Sana huku yeye mwenyewe akishuhudia kwa macho yake kushindwa kwa itikadi yake aliyoileta hapa Tanzania kutoka kwa marafiki zake wa China, Urusi na Cuba.

2. Kutengeneza Taifa la Watu waoga, Wanyonge, dhaifu wa fikra wasiojitambua na Wala wasioweza kuhoji. Taifa la watu 'misukule'.

3. Kutengeneza au kuunda nchi isiyokuwa na Mipango-miji, hususani kupitia kwenye Sera yake mbaya kabisa ya ujamaa/Ukomunisti. Sera au Itikadi hiyo ya Ujamaa/Ukomunisti ndio ilikuwa chanzo Cha Kuanzishwa kwa Azimio la Arusha na Operesheni Vijiji, the Worse Operation that completely destroyed the Country and Town Planning process within the Country.
Arusha Declaration and Operation Vijiji also led to the Death of Real Estate Industry and its development.

Kupitia Itikadi hiyo ya Ujamaa/Ukomunisti, Azimio la Arusha na Operesheni Vijiji, Watu wengi sana walinyang'anywa Ardhi zao pamoja na majumba yao waliyokuwa wakimiliki. Nyumba nyingi sana za Watu zilitaifishwa, Leo hii nyumba hizo zinamilikiwa na Shirika la Nyumba (NHC).

4. Kutuletea Katiba ya nchi ambayo ni mbaya kabisa, isiyofaa na ambayo imesababisha na inaendelea kusababisha madhara makubwa sana kwa Raia. Katiba mbaya ambayo imewatengeneza Watawala wa nchi hii kuwa 'Miungu Watu.'