Simulizi: Harakati za Jason Sizya

[Bishop Hiluka]

50

Mara nikawaona wanaume watatu, wawili walikuwa wameshika marungu mikononi na mmoja alikuwa na panga, walikuwa wanakuja mbio eneo lile na nilipokuwa naondoka wakanizingira huku wakinitazama kwa hasira kama fisi wenye uchu walioona mzoga uliotaka kuwatoroka.

Nilipowaangalia vizuri nikagundua kuwa mmoja wao alikuwa mgambo kutokana na aina ya mavazi aliyoyavaa na wawili walikuwa wamevaa mavazi ya kawaida. Wote walinitazama kwa hasira na uchu wa kunishambulia.

Wakati nikitafakari jinsi ya kujinasua kutoka pale mara nikamwona mwanamume mwingine mrefu ambaye pia alikuwa ameshika panga mkononi akimkokota Kabula kwa nguvu na kumleta pale nilipokuwa nimesimama. Muda huo Kabula alikuwa analia kwa uchungu, kilio cha kwikwi.

Pasipo kuambiwa na mtu niliweza kugundua kuwa huyo ndiye mume wa Kabula, na hapo nikajikuta nikiishiwa nguvu na kubaki nimesimama wima bila kutingishika kama niliyekuwa nimepigiliwa miguu yangu kwa misumali.

Yule mwanamume alimsukuma Kabula kwa hasira pale nilipokuwa nimesimama. Kabula alianguka chini karibu na miguu yangu huku mtandio wake ukimdondoka chini na kumwacha na dela jepesi lililoonesha maungo yake. Alipoanguka, Kabula aliinua uso wake kuniangalia katika namna ya kunilaumu kuwa nimemponza. Aliendelea kulia kilio cha kwikwi.

Yule mume wa Kabula alinitazama kwa hasira akiwa hayaamini macho yake. Mke anauma jamani! Namaanisha mke ambaye kila mtu anayekufahamu basi anamfahamu na yeye kama ubavu wako, mwanamke unayelala naye kitanda kimoja ukimwamini kabisa kuwa ni mtu salama katika maisha yako halafu unakuja kugundua kuwa vile anavyokukumbatia na kukupa mahaba motomoto usiku mkiwa mmezima taa basi anamkumbatia na kumfanyia baharia fulani, tena mchana kweupe na pengine yeye anafanyiwa zaidi yako…

Nilipomtazama mume wa Kabula kwa umakini nilimwona akiwa ameghadhabika sana na alikuwa anajiandaa kunivamia, bahati mbaya hakujua kilichokuwa kinaendelea kwenye akili yangu muda huo. Kufumba na kufumbua, nilichomoka kwa kasi ya ajabu kama farasi wa mashindano na kutimka kama mkizi nikiwa nimejiandaa kwa lolote.

Wakati natoka nduki nilimpiga kikumbo mume wa Kabula kabla hajaniwahi na kumwangusha chini kama peto la pamba, msukumo wa nguvu ulimtupa chini kwa mshindo mkubwa na kumfanya kugaragara huku akitifua ardhi na kusababisha vumbi litimke. Wale wanaume wengine hawakukubali kuniacha niondoke kirahisi namna ile, walichomoka kunifuata kabla sijatokomea.

Nilipata shida kukimbia kwenye matuta makubwa ya lile shamba la mihogo na kupenya katikati ya mihogo iliyostawi, nyasi na vichaka. Mwanamume mmoja alirusha rungu lake likapita milimita chache juu ya kichwa changu na kuangukia mbele yangu. Yule mgambo akawahi kupita kwa mbele yangu kabla sijafika kwenye ile njia nyembamba iliyokuwa inaelekea kule barabarani.

Kabla sijajua nini cha kufanya yule mgambo akaruka kama mkizi na kunikumba, sote tukapiga mwereka chini. Akawahi kusimama huku hasira zikiwa zimempanda kichwani kama mbogo aliyejeruhiwa. Nikaona sasa anatafuta sifa, nami sikutaka kumpa hizo sifa. Nilisimama haraka nikiwa tayari kwa mapambano, na hapo mume wa Kabula naye akawa amefika nilipokuwa na kusimama kunikabili. Kwa sekunde kadhaa tulibaki tumetazamana.

Kisha kufumba na kufumbua nikamkabili mume wa Kabula akiwa bado hajakaa sawa na kumtupia mapigo mawili ya kushtukiza ya ngumi kavu za tumbo, akaguna kwa maumivu makali. Kisha nikaruka juu huku nikijipinda na kuachia teke kwa yule mgambo lililompata sawasawa kwenye kinena chake. Pigo hilo lilimrusha na kumtupa kwenye mihogo huku akitoa ukelele mkali kutokana na maumivu makali yasiyoelezeka. Alipoanguka akatulia pale chini kama mfu huku akionekana kuyasikilizia maumivu.

Kuona hivyo wale wanaume wengine wakaanza kupiga yowe la kuomba msaada baada ya kuhisi kuwa wasingeweza kunidhibiti wakiwa peke yao. Ili kupata upenyo wa kutoroka ilibidi nimvae mmoja wao aliyekuwa amesimama mbele yangu akiwa amenyanyua panga lake, nikampiga kichwa kikavu kilichompata barabara katikati ya macho na pua yake na kumvunja mshipa wa pua. Pigo hilo lilimfanya mwanamume huyo kupepesuka na kuanguka chini huku akipiga yowe kali la maumivu.

Damu zilianza kumtoka kwenye pua yake mfano wa mrija wa maji uliopasuka. Akaishika pua yake na kuiminya akijaribu kuzuia damu isiendelee kumtoka, kisha nikaanza kutimua mbio kuondoka eneo lile. Bahati mbaya sikujua nielekee uelekeo gani maana jiografia ya eneo lile ilinipa shida, na wakati nikiifuata njia moja nikashtukia nikipigwa na kitu kizito nyuma ya kichwa changu na kunifanya nihisi mwili wangu ukiyumba, maana pigo hilo lilinipata barabara na kunipa kisulisuli kilichonifanya kudondoka chini.

Muda huohuo nikaona watu wakiongezeka na sikuweza kujua idadi yao, nilishtukia tu wakinivamia pale chini nilipoanguka na kuanza kunishushia vipigo vya kila namna mwilini mwangu kama mchanga, udongo na vumbi. Mateke na vipigo vingine vikanigeuza na kunilaza chali. Muda huohuo akatokea Eddy na kuwataka wasichukue sheria mkononi kwani zipo taratibu za kufuatwa.

Kutokana na mwonekano wake na mavazi aliyokuwa ameyavaa wanakijiji wale wakasita kuendelea kunishushia vipigo. Wakaninyanyua na kutuongoza mimi na Kabula ambaye muda wote alikuwa analia tu, wakatupeleka kwenye ofisi ya Mtendaji wa Kijiji kwa ajili ya hatua zaidi.

Nilikuwa namwonea huruma Kabula kwa kuwa nilijua kuwa nimemponza kutokana na ubazazi wangu na nilijua ni kitu gani kilikuwa kinafukuta katika moyo wake, alikuwa anafanania na mtu anayeomba wakati urudi nyuma ili aweze kurekebisha makosa yake lakini kamwe wakati haurudi nyuma. Nilijizuia nisimwangalie maana sikuijua hatma ya ndoa yake baada ya fumanizi hilo.

Wakati tukielekea ofisi ya mtendaji wa kijiji niliwasikia baadhi yao wakisema kuwa adhabu yangu ingekuwa kali sana kwani kitendo nilichokifanya kilikuwa kimemshushia hadhi mtoto wa ‘Ntemi’ (kiongozi wa jadi) wa eneo lile ambaye ni mume wa Kabula. Nilitamani iwe ndoto lakini haikuwa hivyo, ukweli nilikuwa nimefumaniwa na mke wa mtoto wa Chifu wa eneo.

Tulifika kwenye Ofisi ya Mtendaji wa Kijiji na kuwakuta wazee watatu wakitusubiri kwani taarifa za fumanizi letu zilikwisha wafikia kabla hata hatujafika ofisini hapo. Muda wote tangu tulipokuwa tunatoka kule vichakani hadi tunafika pale kwenye ofisi ya mtendaji wa kijiji, Eddy alikuwa ameongozana nasi akiwa kimya kabisa. Sikujua alikuwa anawaza nini muda huo!

Watu wote walikuwa wananitazama kwa jicho kali sana kana kwamba nilikuwa nimesababisha maafa makubwa sana pale kijijini. Nilitamani ardhi ipasuke ili nijifiche chini ya ardhi kukwepa macho ya jamii lakini nilitambua kuwa muujiza huo hauji ovyo ovyo… kwa sababu ilikwisha andikwa kuwa mwisho wa ubaya wowote ule ni aibu!

Nilikalishwa sakafuni, nikamwona mzee mmoja akiinuka na kuanza kuzunguka zunguka pale ofisini huku akinitazama kwa macho makali. Nilimtazama kwa hofu kubwa.

“Sijui tukupe adhabu gani bwana mdogo ili iwe fundisho kwa wapita njia wengine wenye uchu kwa wake wa watu!” yule mzee alisema akionekana kufura kwa hasira.

Kisha niliambiwa nivue mkanda wa suruali, viatu na nitoe vitu vyote mfukoni na kuvikabidhi pale ofisini. Nilikubali kutoa vitu vyangu, na hapo nikavua mkanda wangu na kutoa pochi yangu, kisu kidogo cha kukunja, simu mbili moja ikiwa ni ile Tecno Camon 16 Pro niliyomnyang’anya Tabia au Chausiku kule Nzega na viatu vyangu, ila nilikataa kuvikabidhi vitu vyangu kwa wale wazee bali nilimkabidhi Eddy.

Itaendelea...

 

[Bishop Hiluka]

51

Baada ya hapo yule mzee alitoa ishara fulani kwa yule mgambo wa kijiji niliyekuwa nimempa kichago kule shambani, mgambo yule muda wote alikuwa ananiangalia kwa hasira mno. Na kwa kutaka sifa alinikwida na kunichukua msobemsobe akisaidiwa na mgambo mwingine tuliyemkuta hapo ofisini huku macho ya watu yakinitazama kwa namna ya kunizodoa.

Wengine walikuwa na hasira juu yangu na wapo ambao waliniangalia kwa huzuni. Hata hivyo niligundua kuwa wasichana na wanawake walinitazama kwa matamanio. Nilikwenda kufungiwa kwenye chumba kidogo kilichokuwa kwenye kibanda madhubuti cha zege kando ya ile ofisi ya mtendaji wa kijiji. Kwa mtazamo wa haraka tu nilibaini kuwa lile banda lilikuwa chumba maalumu cha kuweka mahabusu pale kijijini.

Kilikuwa chumba cha mchemraba chenye urefu wa mita 2 na upana wa mita 2 na kwenda juu pia kilikuwa na mita 2. Kwa vipimo hivyo ilimaanisha kuwa kilikuwa na takriban mita 8 za ujazo wa hewa. Kilikuwa na dirisha dogo lenye uzio wa nyavu na nondo imara likiruhusu mwanga kidogo uingie mle ndani, na kilikuwa na mlango imara wa mbao ngumu za mti wa mtiki na kwenye sakafu chini ya ule mlango kulikuwa na upenyo mwembamba kwa ajili ya kupenyeza sahani ya chakula ndani ya chumba hicho cha mahabusu.

Pia kulikuwa na upenyo mwingine kwenye ule mlango wa mbao ngumu na kwenye kona moja ya chumba hicho kulikuwa na ndoo ndogo ya plastiki kwa ajili ya kujisaidia. Ukuta ndani ya kile chumba cha mahabusu ulikuwa umeandikwa kwa mkaa au kusuguliwa na vitu vye ncha, niliweza kusoma majina mbalimbali ya watu ambao nilihisi kuwa waliwahi kufungiwa mle ndani na pia kulikuwa na maneno mengine ya matusi.

Nilisimama mle ndani ya kile chumba nikijaribu kusoma yale maneno, hata hivyo nilijikuta nikiwaza kuhusu hatua ambayo ingechukuliwa dhidi yangu kwa kuzini na mke wa mtoto wa Mtemi wa eneo lile, lakini sikuweza kubashiri ni adhabu gani waliyotaka kunipa. Sikutaka kukaa chini, nilisogea kwenye lile dirisha dogo nikajinyanyua kuchungulia nje, na kwa kupitia upenyo uliopo niliwaona wale wazee watatu, Eddy, Kabula na mumewe, na wamama wengine wawili wakiwa na kikao kizito.

Nikamwona mzee mmoja akiongea kwa msisitizo huku akimwangalia Kabula ambaye muda wote alikuwa kajiinamia kwa huzuni. Kuna wakati mume wa Kabula alionekana kuongea kwa hasira au uchungu mkubwa huku akitokwa na machozi na kuna wakati wale wazee walionekana kuingilia kati kumsihi atulie. Nilihisi kuwa kile kilikuwa kikao cha usuluhisi kati ya Kabula na mumewe na hivyo nikaendelea kufuatilia kwa umakini japo wasiwasi ulikuwa umenitawala moyoni.

Baada ya kikao kirefu cha takriban dakika ishirini, nilimshuhudia Kabula akinyanyuka kwa unyonge huku akilia kwa uchungu na kumwangukia mumewe miguuni katika namna ya kumwomba msamaha kisha mumewe alimwinua na kumkumbatia, na hapo nikajua kuwa walikuwa wanapatanishwa. Kisha niliwaona wakikokotana wakaondoka taratibu toka eneo lile huku wakiwaacha wale wazee pamoja na Eddy wakiendelea kuzungumza.

Na muda huo nilimwona Eddy akiongea kwa msisitizo. Nilijaribu kubashiri alichokuwa anakiongea lakini sikuweza kubaini kwani sikuwa nisikia chochote zaidi ya kuona ishara za mikono na sura zao tu. Wakati nikiwa bado nashangaa mara nikawaona wale wamama wawili wakiondoka na wakati huo wanaume wengine wawili wakifika na kuketi, hawa walikuwa ni yule mume wa Kabula na mgambo wa kijiji, na wote wakawa wanamsikiliza Eddy kwa umakini sana.

Nilihisi yalikuwa mazungumzo yenye mvutano mkubwa baina yao kwani kuna wakati Eddy alionekana kuwa mpole huku akisikiliza kwa umakini wakati wale wazee wakiongea mmoja baada ya mwingine na kuna wakati Eddy alikuwa anaongea kwa msisitizo huku wale wazee wakiwa kimya wakimtumbulia macho. Na kuna wakati nilihisi hakukuwa na masikilizano kati yao kwani wote walikuwa wanaongea.

Niliendelea kusimama pale kwenye upenyo kwa muda mrefu nikifuatilia kila hatua iliyoendelea kule ofisini lakini kuna muda nilijikuta nachoka kusimama kwani mazungumzo yao yalichukua muda mrefu sana na yalionekana yenye mvutano mkubwa kati ya pande zote.

Wakati nataka kujiondoa pale dirishani mara nikamwona Eddy akibetua kichwa chake na kuinuka kisha aliondoka haraka toka eneo lile na kuwaacha wale wazee wakiendelea kujadiliana. Sikujua Eddy alielekea wapi kwani sikuweza kumwona tena.

Hata hivyo, pamoja na hofu niliyokuwa nayo lakini uwepo wa Eddy eneo lile ulinifariji mno, niliamini kuwa asingeweza kuniacha peke yangu bila kujua hatma yangu, na angekuwa tayari kunipigania kwa hali yoyote hadi dakika ya mwisho kwani damu ni nzito kuliko maji.

Licha ya mvutano niliouhisi katika mazungumzo yao lakini niliamini Eddy angeweza kutumia busara zaidi kutokana na elimu ya falsafa, thiolojia na taaluma yake ya sheria ili kuyamaliza mambo yale kistaarabu kwa kuwa kesi za ugoni mara nyingi ziliamuriwa kwa mtu kulipishwa faini, na pengine kuchapwa viboko kadhaa mbele ya umma.

Hata hivyo sikutaka ifikie hatua ya kuchapwa viboko mbele ya watu kwani nisingekubaliana na jambo hilo. Nisingekubali jambo lolote baya linitokee na ningepambana hadi dakika ya mwisho.

Taratibu niliketi pale sakafuni ili nisubiri hatma yangu huku matumaini ya kuendelea na safari yetu ya Buzwagi kwenye usaili siku hiyo yakiwa yamepotea kabisa. Sikujua kama basi la Makenga lilikuwa bado lipo pale barabarani kama tulivyoliacha au lilikwisha ondoka.

Mara nikamkumbuka Rehema, sikujua huko alikokuwa alikuwa anafikiria nini juu yangu baada ya kutoniona kwa muda wote huo. Nilihisi kuwa huenda alidhani nilikuwa nimemkimbia tena. Nilianza kujiuliza maswali mengi yasiyokuwa na majibu, na hadi muda huo sikujua kilichokuwa kinaendelea, na sikujua kama Swedi alikuwa amenipigia simu maana simu yangu, kama ilivyokuwa kwa vitu vingine, nilimkabidhi Eddy.

* * *

Endelea kufuatilia...

 

[Bishop Hiluka]

Wadau the_legend Norshad bobefu zoefu Pablo PAKAYA Ibney blackstarline Bryece Tate Mkuu Bigjahman moneytalk marybaby nipo2 ram kisukari Smart911 Madame S carbamazepine Astelia Culture Me culture gal Prisoner of hope Mine eyes kuku mweus thA goD Thadei Ole Mushi hearly Shunie Tumosa Mine eyes Kudo Kudasai kudraty kuduman201036 swahiba Senior ludaga mdawagala Toyota escudo Clkey macson3 boga la kiangazi LEGE legend Babushka Smart911 Richard irakunda skfull popie krizzy kanny hearly nipo2 MWINDAJI HARAMU kakhulu Katavi Norami mbududa iron2012 popie Bugsy Bia tamu og cha kwanza Kacheda mjasiliamali Laki Si Pesa cocochanel big jambo mludego Shupavu Kacheda mjasiliamali Mweweso Songa Heri esiankiki mnadhimu mkuu wa jf red apple the-sniper MR KUO dan oseko Jackal Jamaa Fulani Mjuaji Jam the Great mtugani wa wapi huyo chiqutitta ndukulusudicho ADK aggyd BAHARI J Litro 👩
Hata kama mko kimya kazi yangu ni kuwaletea simulizi...

 

[Boogman]

Wadau the_legend Norshad bobefu zoefu Pablo PAKAYA Ibney blackstarline Bryece Tate Mkuu Bigjahman moneytalk marybaby nipo2 ram kisukari Smart911 Madame S carbamazepine Astelia Culture Me culture gal Prisoner of hope Mine eyes kuku mweus thA goD Thadei Ole Mushi hearly Shunie Tumosa Mine eyes Kudo Kudasai kudraty kuduman201036 swahiba Senior ludaga mdawagala Toyota escudo Clkey macson3 boga la kiangazi LEGE legend Babushka Smart911 Richard irakunda skfull popie krizzy kanny hearly nipo2 MWINDAJI HARAMU kakhulu Katavi Norami mbududa iron2012 popie Bugsy Bia tamu og cha kwanza Kacheda mjasiliamali Laki Si Pesa cocochanel big jambo mludego Shupavu Kacheda mjasiliamali Mweweso Songa Heri esiankiki mnadhimu mkuu wa jf red apple the-sniper MR KUO dan oseko Jackal Jamaa Fulani Mjuaji Jam the Great mtugani wa wapi huyo chiqutitta ndukulusudicho ADK aggyd BAHARI J Litro
Hata kama mko kimya kazi yangu ni kuwaletea simulizi...

Tunafukuza mwizi kimya kimya

 

[Mkushi w jani]

View attachment 2176155
51

Baada ya hapo yule mzee alitoa ishara fulani kwa yule mgambo wa kijiji niliyekuwa nimempa kichago kule shambani, mgambo yule muda wote alikuwa ananiangalia kwa hasira mno. Na kwa kutaka sifa alinikwida na kunichukua msobemsobe akisaidiwa na mgambo mwingine tuliyemkuta hapo ofisini huku macho ya watu yakinitazama kwa namna ya kunizodoa.

Wengine walikuwa na hasira juu yangu na wapo ambao waliniangalia kwa huzuni. Hata hivyo niligundua kuwa wasichana na wanawake walinitazama kwa matamanio. Nilikwenda kufungiwa kwenye chumba kidogo kilichokuwa kwenye kibanda madhubuti cha zege kando ya ile ofisi ya mtendaji wa kijiji. Kwa mtazamo wa haraka tu nilibaini kuwa lile banda lilikuwa chumba maalumu cha kuweka mahabusu pale kijijini.

Kilikuwa chumba cha mchemraba chenye urefu wa mita 2 na upana wa mita 2 na kwenda juu pia kilikuwa na mita 2. Kwa vipimo hivyo ilimaanisha kuwa kilikuwa na takriban mita 8 za ujazo wa hewa. Kilikuwa na dirisha dogo lenye uzio wa nyavu na nondo imara likiruhusu mwanga kidogo uingie mle ndani, na kilikuwa na mlango imara wa mbao ngumu za mti wa mtiki na kwenye sakafu chini ya ule mlango kulikuwa na upenyo mwembamba kwa ajili ya kupenyeza sahani ya chakula ndani ya chumba hicho cha mahabusu.

Pia kulikuwa na upenyo mwingine kwenye ule mlango wa mbao ngumu na kwenye kona moja ya chumba hicho kulikuwa na ndoo ndogo ya plastiki kwa ajili ya kujisaidia. Ukuta ndani ya kile chumba cha mahabusu ulikuwa umeandikwa kwa mkaa au kusuguliwa na vitu vye ncha, niliweza kusoma majina mbalimbali ya watu ambao nilihisi kuwa waliwahi kufungiwa mle ndani na pia kulikuwa na maneno mengine ya matusi.

Nilisimama mle ndani ya kile chumba nikijaribu kusoma yale maneno, hata hivyo nilijikuta nikiwaza kuhusu hatua ambayo ingechukuliwa dhidi yangu kwa kuzini na mke wa mtoto wa Mtemi wa eneo lile, lakini sikuweza kubashiri ni adhabu gani waliyotaka kunipa. Sikutaka kukaa chini, nilisogea kwenye lile dirisha dogo nikajinyanyua kuchungulia nje, na kwa kupitia upenyo uliopo niliwaona wale wazee watatu, Eddy, Kabula na mumewe, na wamama wengine wawili wakiwa na kikao kizito.

Nikamwona mzee mmoja akiongea kwa msisitizo huku akimwangalia Kabula ambaye muda wote alikuwa kajiinamia kwa huzuni. Kuna wakati mume wa Kabula alionekana kuongea kwa hasira au uchungu mkubwa huku akitokwa na machozi na kuna wakati wale wazee walionekana kuingilia kati kumsihi atulie. Nilihisi kuwa kile kilikuwa kikao cha usuluhisi kati ya Kabula na mumewe na hivyo nikaendelea kufuatilia kwa umakini japo wasiwasi ulikuwa umenitawala moyoni.

Baada ya kikao kirefu cha takriban dakika ishirini, nilimshuhudia Kabula akinyanyuka kwa unyonge huku akilia kwa uchungu na kumwangukia mumewe miguuni katika namna ya kumwomba msamaha kisha mumewe alimwinua na kumkumbatia, na hapo nikajua kuwa walikuwa wanapatanishwa. Kisha niliwaona wakikokotana wakaondoka taratibu toka eneo lile huku wakiwaacha wale wazee pamoja na Eddy wakiendelea kuzungumza.

Na muda huo nilimwona Eddy akiongea kwa msisitizo. Nilijaribu kubashiri alichokuwa anakiongea lakini sikuweza kubaini kwani sikuwa nisikia chochote zaidi ya kuona ishara za mikono na sura zao tu. Wakati nikiwa bado nashangaa mara nikawaona wale wamama wawili wakiondoka na wakati huo wanaume wengine wawili wakifika na kuketi, hawa walikuwa ni yule mume wa Kabula na mgambo wa kijiji, na wote wakawa wanamsikiliza Eddy kwa umakini sana.

Nilihisi yalikuwa mazungumzo yenye mvutano mkubwa baina yao kwani kuna wakati Eddy alionekana kuwa mpole huku akisikiliza kwa umakini wakati wale wazee wakiongea mmoja baada ya mwingine na kuna wakati Eddy alikuwa anaongea kwa msisitizo huku wale wazee wakiwa kimya wakimtumbulia macho. Na kuna wakati nilihisi hakukuwa na masikilizano kati yao kwani wote walikuwa wanaongea.

Niliendelea kusimama pale kwenye upenyo kwa muda mrefu nikifuatilia kila hatua iliyoendelea kule ofisini lakini kuna muda nilijikuta nachoka kusimama kwani mazungumzo yao yalichukua muda mrefu sana na yalionekana yenye mvutano mkubwa kati ya pande zote.

Wakati nataka kujiondoa pale dirishani mara nikamwona Eddy akibetua kichwa chake na kuinuka kisha aliondoka haraka toka eneo lile na kuwaacha wale wazee wakiendelea kujadiliana. Sikujua Eddy alielekea wapi kwani sikuweza kumwona tena.

Hata hivyo, pamoja na hofu niliyokuwa nayo lakini uwepo wa Eddy eneo lile ulinifariji mno, niliamini kuwa asingeweza kuniacha peke yangu bila kujua hatma yangu, na angekuwa tayari kunipigania kwa hali yoyote hadi dakika ya mwisho kwani damu ni nzito kuliko maji.

Licha ya mvutano niliouhisi katika mazungumzo yao lakini niliamini Eddy angeweza kutumia busara zaidi kutokana na elimu ya falsafa, thiolojia na taaluma yake ya sheria ili kuyamaliza mambo yale kistaarabu kwa kuwa kesi za ugoni mara nyingi ziliamuriwa kwa mtu kulipishwa faini, na pengine kuchapwa viboko kadhaa mbele ya umma.

Hata hivyo sikutaka ifikie hatua ya kuchapwa viboko mbele ya watu kwani nisingekubaliana na jambo hilo. Nisingekubali jambo lolote baya linitokee na ningepambana hadi dakika ya mwisho.

Taratibu niliketi pale sakafuni ili nisubiri hatma yangu huku matumaini ya kuendelea na safari yetu ya Buzwagi kwenye usaili siku hiyo yakiwa yamepotea kabisa. Sikujua kama basi la Makenga lilikuwa bado lipo pale barabarani kama tulivyoliacha au lilikwisha ondoka.

Mara nikamkumbuka Rehema, sikujua huko alikokuwa alikuwa anafikiria nini juu yangu baada ya kutoniona kwa muda wote huo. Nilihisi kuwa huenda alidhani nilikuwa nimemkimbia tena. Nilianza kujiuliza maswali mengi yasiyokuwa na majibu, na hadi muda huo sikujua kilichokuwa kinaendelea, na sikujua kama Swedi alikuwa amenipigia simu maana simu yangu, kama ilivyokuwa kwa vitu vingine, nilimkabidhi Eddy.

* * *

Endelea kufuatilia...

Upo vzur ndgu yaan ukiamua kuachia unaachia hadi wasomaj wako tunafalijika

 

[Bishop Hiluka]

52

Si Bure, Umelogwa!

Saa 12:05 jioni…

SIKUJUA ni kwa muda gani nilikuwa nimejikunyata pale sakafuni ndani ya kile chumba cha mahabusu, muda wote mawazo mengi yalikuwa yanapita kichwani kwangu. Nilikuwa nawaza hili na lile na sikuacha kujishangaa kutokana na tabia yangu ya kutopenda kupitwa na kila msichana mzuri aliyekatiza mbele yangu.

Sikujua kama ilikuwa ni sababu ya ujana au nilikuwa na pepo la ngono! Na sikujua hali hiyo ingeendelea katika maisha yangu hadi lini kwani haikuwa mara yangu ya kwanza kufumaniwa. Nilishafumaniwa mara kadhaa nikiwa na wake au wachumba wa watu na wakati mwingine ilitokea nikawagonganisha wasichana na kusababisha ugomvi mkubwa kutokea kati yao.

Kwa mfano, jioni moja tulivu iliyopambwa na mawingu mepesi na mvua za rasharasha mwanadada Ikupa Mwakipesile alikuja nyumbani kwangu, wakati huo nilikuwa bado naishi eneo la Gongoni jirani na nyumbani kwa wazazi wangu, kabla sijahamia Ng’ambo. Ikupa alikuwa amevaa amevaa sketi fupi nyekundu yenye miraba myeupe na blauzi ya bluu ya mikono mirefu. Mimi nilikuwa nimevaa bukta nyeusi na vesti nyeupe.

Ikupa alikuwa msichana wa aina yake, si mwembamba wala mnene, alikuwa mfupi ila mwenye umbile lililovutia mno na macho makubwa mazuri yaliyolegea kama mtu mwenye usingizi. Alikuwa na shingo nzuri iliyokaa vyema katikati ya mabega yake ya kike na kifua chake kilibeba matiti ya wastani yenye chuchu nyeusi zilizochongoka mbele na zilizokuwa na hasira ya kutoboa blauzi alilovaa.

Tumbo lake lilikuwa dogo na kiuno chake kilikuwa chembamba kiasi kilichobeba nyonga nene kiasi. Nywele zake zilikuwa nyingi zilizosukwa vyema sambamba na sura yake ya kitoto yenye mvuto wa asilimia mia moja. Alikuwa na nyusi na kope ndefu zilizong’ara na kuyafanya macho yake yawe wazi nusu huku pua yake ndogo kiasi ikiiacha midomo yake ijidai kwa kuhifadhi meno meupe yaliyojipanga vizuri na kuachia kijimwanya kidogo kwa mbele. Hakuwa mweupe bali maji ya kunde na aliipenda rangi ya ngozi yake.

Mimi na Ikupa tulikuwa tumefahamiana ndani ya muda mfupi lakini kwa jinsi alivyotokea kunihusudu ilikuwa kama tulikuwa tumefahamiana kwa miaka, na kwa kauli yake alikiri kuwa alihisi kama alichelewa sana kunifahamu kutokana na mahaba mazito niliyompa na jinsi yalivyomlevya na kumfanya ahisi kuchanganyikiwa.

Jioni hiyo ilikuwa ni mara ya pili kwa Ikupa kuja nyumbani kwangu baada ya mara ya kwanza kumpa ile kitu roho inataka, akanogewa. Muda huo tulikuwa tumeketi sebuleni kwenye sofa kubwa tukinywa na kuzungumza mambo yaliyotufaa sisi wawili tu huku tukisindikizwa na sauti ya chini ya muziki laini kutoka kwenye redio kubwa iliyokuwepo pale sebuleni.

Tulikuwa tunakunywa mvinyo mwekundu aina ya Dompo, bidhaa ya Dodoma Wine. Sikuwa na haraka ya kumnyandua maana nilijua ni kuku wangu tu na sikuwa na haja ya kumshikia manati.

“Jason, naomba uniambie ukweli… hivi kweli huna mchumba wewe?" Ikupa aliniuliza huku akinitazama moja kwa moja machoni.

“Hapana sijajaliwa kumpata,” nilimjibu Ikupa kwa sauti tulivu.

“Mmm… ya kweli hayo?” Ikupa aliniuliza huku akinikazia macho.

“Ndiyo si ungemwona humu ndani, au pengine ungeona kitu chochote kinachoashiria uwepo wa mwanamke,” nilimwambia katika kumtoa wasiwasi.

“Siamini, ila ukweli nafsi yangu inajuta kujiingiza kwenye mapenzi na wewe. Umeuteka sana moyo wangu na sasa siwezi tena kuwa peke yangu,” Ikupa aliniambia huku akikilaza kichwa chake kifuani kwangu.

“Nakuhakikishia kuwa kwa sasa wewe ndiye mchumba wangu… ndiye mwanamke wa maisha yangu,” nilisema huku taratibu nikipitisha mkono wangu nyuma yake na kumkumbatia na hapo nikaona tabasamu hafifu likichanua usoni kwake.

“Kweli mpenzi?” Ikupa aliinua uso wake kunitazama machoni, alionekana kutoniamini kabisa.

“Kweli kabisa nakuhakikishia,” nilisema huku nikiachia tabasamu.

“Utanioa? Harusi yetu itafanyika lini?” Ikupa aliniuliza huku akinitazama machoni, nilihisi alikuwa anajaribu kunisoma kama nilikuwa namwambia ukweli au nilikuwa namwongopea.

“Nitapenda tulizungumzie hilo suala siku chache zijazo,” nilimwambia huku nikizipapasa nywele zake.

“Jason, naamini kwamba wewe ndiye mume wangu na baba wa watoto wangu,” Ikupa alisema huku akijilaza tena kifuani kwangu.

“Kabisa! Hata mimi naamini bila wewe maisha kwangu si chochote tena, mpenzi,” nilisema kwa msisitizo ingawa moyoni nilijua kuwa yote niliyoyasema yalikuwa uongo mtupu.

“Niahidi kuwa tutakuwa pamoja hata baada ya kifo, mi nawe ni moyo mmoja katika miili tofauti, naomba usiniache,” Ikupa alisema kwa sauti ya chini iliyoashiria dalili zote za kujikabidhi kwangu.

“Nakuahidi… asubuhi kwangu haitakamilika bila uwepo wako, nitapenda kukuona mchana na jioni kadhalika maana wewe ni maumivu yasiyochosha, nitakupenda daima,” nilisema kwa sauti ya chini iliyojaa mahaba, na hapo nikahisi kuwa aliniamini kwa asilimia zote.

“Wewe ni zaidi ya paradiso kwangu na dunia yangu ipo mikononi mwako, uko kama mashairi nami ni muziki, wewe ni…” niliendelea kumchombeza kwa maneno matamu lakini nikakatizwa na sauti ya ya mtu aliyeanza kugonga mlango wa sebuleni kwangu.

“Nani?” Ikupa aliniuliza kwa sauti ndogo iliyojaa wasiwasi huku akijiondoa kifuani kwangu na kukaa vizuri kwenye sofa huku akiinua bilauri yake na kupiga funda dogo la mvinyo na kuirudisha bilauri mezani.

Sikumjibu bali niliyapeleka macho yangu pale mlangoni huku akili yangu ikisumbuka kufahamu mgongaji angekuwa nani. Niliwaza harakaharaka lakini sikupata jibu kwa kuwa sikuwa na miadi na mtu yeyote siku hiyo.

Nilitaka nimwambie mgongaji afungue mlango na kuingia ndani lakini nikakumbuka kuwa nilikuwa nimeufunga kwa funguo. Sikuwa na namna ya kufanya ila kusimama pale kwenye sofa na kuelekea mlangoni kivivuvivu.

Lahaula! Kitendo cha kufungua mlango kikanifanya nipigwe na butwaa na mapigo ya moyo wangu yakaanza kwenda kasi isivyo kawaida. Mgongaji alikuwa Diana Msaki, msichana mwingine ambaye pia niliwahi kubanjuka naye mara moja. Na kama nisingekuwa makini huenda ningedondoka sakafuni kwa mshtuko wa moyo.

Diana alikuwa mweupe kidogo na mrefu na jioni hiyo alivaa gauni jepesi jekundu la kata mikono lililolichora vyema umbo lake na kuishia sentimita chache juu ya magoti yake. Miguuni alikuwa amevaa viatu vyekundu vyenye visigino virefu.

Macho yangu yalifanya ziara makini nikimtazama kuanzia juu na hapo nikakutana na tabasamu laini usoni mwake. Kope zake zilikuwa zimekolea wanja kisawasawa, macho yake makubwa yalikuwa yananitazama kwa umakini huku tabasamu lake la chati likijitokeza usoni.

Nilibaki nimesimama pale mlangoni nikiwa sijui nifanye nini, Diana alinisukuma akaingia ndani na hapo mafuta mazuri aliyojimwagia yalisambaa sebule yote.

Itaendelea...

 

[Bishop Hiluka]

53

Ikupa alishtuka sana alipokutanisha macho yake na Diana, vivyo hivyo Diana naye alibaki katika sintofahamu kuona uwepo wa msichana mwingine pale sebuleni japo hawakuwa wanafahamiana wala kuonana kabla. Ikupa alisimama huku anamtazama Diana kwa wasiwasi wakati alipokuwa anapiga hatua fupi fupi kuelekea kwenye sofa dogo na kuketi.

Akili yangu ilifanya kazi haraka na hapo ikabidi nijiongeze ili nisiumbuke, nikajivika ujasiri na kuurudishia mlango huku nikiangua kicheko kilichowafanya wote wanitazame kwa mshangao. Nikachukua rimoti na kuongeza sauti ya muziki kisha nikamfuata Diana na kumwinua, nikaanza kucheza naye.

Ikupa alishtuka sana, akatuangalia kwa macho yaliyojaa maswali, alionekana kutaka kuuliza kitu lakini maswali yote yaliisha baada ya kumshika mkono na kumvutia pale tulipokuwa, naye akajiunga kucheza muziki kwa dakika chache, kisha niliuzima kabisa muziki na kukaa kwenye sofa huku wale wasichana nao wakikaa. Niliwatazama Diana na Ikupa kwa uchangamfu wa hali ya juu.

“Ama kweli mwanamke ni pambo la nyumba, uwepo wenu umeifanya nyumba yangu kuwa kama paradiso,” nilisema kisha nikashusha pumzi za ndani kwa ndani.

“Ikupa, huyu anaitwa Diana ni wifi yako,” nilimwambia Ikupa kwa kujiamini na hapo nikaliona tabasamu pana likichanua usoni kwa Ikupa. Alinyoosha mkono wake kumpa Diana.

Nilimgeukia Diana na wakati huohuo nikayarudia maneno yale yale niliyomwabia Ikupa. Diana naye alitabasamu huku akinyoosha mkono wake kumpa Ikupa.

Sasa nilikuwa nimetoa utambulisho wenye utata kidogo na nilitarajia ningeibua maswali ambayo sikujua kama ningeweza kuyajibu, na hivyo nilitafuta haraka namna ya kufanya ili wasigunduane kuwa nilikuwa nimegonganisha magari.

“Diana, wewe si mgeni hapa, naomba ukajichukulie mwenyewe kinywaji ukipendacho na halafu uje tusherekee,” nilimwambia Diana huku nikiwa nimechangamka.

Bila kusita Diana alinyanyuka na kuelekea jikoni ambako vinywaji viliifadhiwa. Nilipoona Diana ameondoka nilimsogelea Ikupa na kumshika kiuno kisha niliongea kwa sauti ya chini.

“Kuwa huru mpenzi wangu, huyu wifi yako hana noma,” nilisema kisha nikambusu.

“Sawa, mpenzi maana nilishaanza kuogopa,” Ikupa alisema na kushusha pumzi.

Jibu lile lilinifurahisha sana na hapo nikapanga kucheza na akili zao wote ili wasigundue kuwa wote walikuwa wanachangia penzi na mwanamume mmoja. Niliamini kuwa mwanamke ni kiumbe anayeongozwa na hisia bila kufikiri kwa haraka, sikujua kwa nini hawakuhoji zaidi na badala yake waliyasadiki maneno yangu na kila mmoja kujiona bora!

“Wifi yako ana tabia ya kupekenyua pekenyua vitu vyangu ngoja nimuwahi kabla hajaanza kufukunyua kila sehemu,” nilisema huku nainuka na kuanza kupiga hatua ndefu kuelekea jikoni, lakini kabla sijafika nikakutana naye kwenye korido akirudi.

Sikuzubaa nikamshika mkono na kurudi naye jikoni huku nikiichukua ile chupa ya mvinyo aliyoishika Diana na kuiweka pembeni, sikupoteza muda nilimvuta kwa karibu na kuanza kumpa mabusu motomoto huku mapigo yangu ya moyo yakienda mbio kuliko kawaida.

“Mpenzi, kwa nini umekuja bila kunitaarifu kama unakuja, ona sasa nakosa uhuru wa kuwa na wewe kutokana na heshima yangu kwa wifi yako,” nilimwambia Diana huku nikimuegemeza kwenye ukuta na kuanza kupitisha ulimi wangu kwenye shingo yake.

“Samahani mpenzi wangu, sikufahamu kama ningekukuta una mgeni,” Diana alijibu huku anahema kwa nguvu kutokana na ashki.

Tukaanza kunyonyana denda huku kila mmoja akionekana kuwa na humu na mwenzake japo hatukuwa na uhuru. Kisha nilianza kulipandisha juu gauni jepesi la Diana na kumvua nguo yake ya ndani huku na yeye akiishusha bukta yangu.

Kidole changu kimoja nilikiingiza katika mgodi wake na kuanza kukichezesha kitendo kilichomfanya Diana aanze kutoa miguno ya raha huku naye akianza kuuchua mtalimbo wangu. Sikutaka kupoteza muda nikaunyanyua mguu wake na kuushika na mkono mmoja kisha mtalimbo wangu ukazama ndani ya mgodi na kuanza kuuchimba.

Diana alianza kutoa miguno huku mara kwa mara nikimnyonya denda ili kuepuka kelele zake zisikike kule sebuleni japo nilikuwa nimeufunga mlango. Nilizidisha kasi ya kuchimba kisima na kumfanya Diana alie kama mtoto mdogo.

Ghafla tulijikuta tunakatisha mechi yetu baada ya kusikia nyayo za mtu zikija hadi pale nje ya mlango wa jikoni kisha kitasa cha mlango kikanyongwa na mlango ukasukumwa. Diana alilishusha gauni lake na kuiokota nguo yake ya ndani haraka. Nami niliipandisha bukta yangu haraka haraka na sote tukasimama kuangalia pale mlangoni kwa wasiwasi.

Hata hivyo tulikuwa tumechelewa kwani Ikupa alikuwa ameuona mchezo wote, aliufunga mlango akasimama huku akitutazama, midomo yake ilikuwa inatetemeka kutokana na hasira.

“Ama kweli Mungu hamfichi mnafiki… hiki kinyago ulichoniambia ni wifi yangu kumbe ni malaya wako! Kwa nini unanifanyia hivi Jason?” Ikupa aliongea kwa hasira huku machozi yakianza kumtoka.

“Jiheshimu wewe mwanamke, miye kinyago?” Diana alisema kwa hasira kisha akanigeukia. “Jason, kwani huyu katuni mfupi ni nani?”

Sikujibu bali nilibaki kimya nikiwakodolea macho. Diana na Ikupa walitazamana kwa chuki na kila mmoja alionekana kupandwa na ghadhabu. Nikamwona Ikupa akajiandaa kumvamia Diana, na hapo nikajua balaa lilikuwa linakaribia kuanza na hivyo nilimfuata haraka Ikupa ili kumtoa nje lakini nilichelewa kwani alikuwa mwepesi mno.

Alichupa hadi mbele ya Diana na kurusha ngumi iliyompata sawa sawa usoni. Diana hakuvumilia. Alimvamia Ikupa, wakakumbatiana na kuanza kupigana. Diana alimshika Ikupa nywele na kumvuta, naye Ikupa alimshika mwenziwe ziwa akalibinya. Wote wakapiga kelele za maumivu.

Walipigana mieleka chumba kizima, wakisukumana na kuparamia vyombo na jokofu. Diana alionesha kuanza kuchoka baada ya muda mfupi sana nikajua kuwa hakuwa na pumzi. Ikupa alimkaba koo, akamtingisha shingo na kumsukuma ukutani. Alijigonga na kuanguka chini, damu zikaanza kumtoka taratibu puani.

Hakutosheka. Alimfuata na kumtia teke la mbavu lililomfanya atoe ukulele mkali kutokana na maumivu makali. Alipotaka kumtia teke lingine nikawahi kumshika.

“Niache Jason!” Ikupa alimaka kwa hasira huku akihema. “Niache nimkomeshe mbuzi huyu.”

Itaendelea...

 

[Bishop Hiluka]

54

“Hebu tulia basi, Ikupa,” nilijaribu kumpoza huku nikimtoa kwa nguvu na kumpeleka sebuleni.

Hata hivyo, huo haukuwa mwisho wa timbwili kwani Diana aliamka akatufuata kule sebuleni na kutaka kulianzisha. Ilibidi nitumie uanaume wangu kuwatoa wote wawili ndani ya nyumba yangu, mchezo ukahamia nje na kuvuta macho ya watu waliojaa kutazama sinema ya bure…

Tukio lingine lilinitokea miezi mitatu baadaye nilipokwenda nyumbani kwa Sandra Mapalala eneo la Kanyenye mjini Tabora. Sandra alikuwa mwanadada ambaye mwanamume yeyote angekuwa tayari kutoa roho yake ili ampate.

Hakuwa mrefu sana lakini kamwe usingeweza kimwita mfupi, alikuwa na nywele nyeusi mno zisizohitaji dawa, midomo myembamba, meno yaliyokaa vema kinywani na mwili ulioviringika kiutulivu kiasi ambacho hata yeye mwenyewe aliumia alipowaza kuwa iko siku angefumba macho na kuwa maiti!

Sandra alikuwa anafanya kazi katika Benki ya Biashara hapo Tabora, na nilifahamiana naye kwa kuwa mara kwa mara nilikwenda pale benki na kumkuta. Taratibu tukazoeana na baadaye kuwa marafiki wa kawaida ingawa sikuacha kumchombeza kwa maneno matamu. Mwanzoni Sandra hakuonesha dalili zozote za kuwa tayari kuingia kwenye uhusiano na mimi kwa madai kuwa alikuwa na mchumba aliyempenda na kumheshimu sana.

Sikukata tamaa, niliendelea kumwaga sera kila tulipokutana japokuwa bado hakuonesha kuwa tayari. Nilishangaa siku moja alinipigia simu na kuniambia kuwa baada ya kutafakari kwa muda mrefu hatimaye alikuwa amekubali ombi langu, akanialika nyumbani kwake jioni ya siku ile.

Nilipofika nyumbani kwake mambo yalianzia pale pale sebuleni tulipoketi, kwani alikuwa akiishi peke yake kwenye nyumba kubwa aliyokuwa amepangishiwa na taasisi. Kilichonishangaza, Sandra hakuonekana kuwa na furaha na kila mara alikuwa anatulia kama aliyekuwa anasikiliza sauti fulani au kutarajia jambo alilokuwa akilihofia.

Hata hivyo, sikutaka kujisumbua na hali ile kwani nilipaswa kuitumia fursa iliyojitokeza kufanya mambo yangu. Sikumchelewesha nilipeleka mkono wangu kwenye tumbo lake na kuanza kukipapasa kitovu chake laini chenye kishimo kidogo. Kisha mkono wa pili ulikwenda moja kwa moja kiunoni na kuigusa nyonga yake laini yenye mifupa miteke iliyopakana na mzigo imara wa makalio yake.

“Jason…” Sandra aliniita kwa sauti laini lakini iliyokuwa imebeba kitu kama huzuni hivi. Sikujali kwa kuwa tayari damu yangu ilikuwa inachemka mwilini huku mapigo ya moyo wangu yakienda mbio.

“Ndiyo, mpenzi wangu,” niliitikia kwa sauti iliyokuwa na kila aina ya kiashiria cha kuhemkwa na tamaa za kimwili.

“Usiwe na haraka, ngoja kwanza!” Sandra aliniambia kwa utulivu huku akiipitisha mikono yake nyuma ya shingo yangu.

Sikutaka kumsikiliza bali mikono yangu iliendelea kujivinjari kwenye mwili wake. Niliupeleka mkono wangu mmoja kwenye chuchu zake laini zilizosimama kwa utulivu juu ya kifua. Sandra akasisimkwa na kufumba macho yake.

Kama mtu aliyepandwa na wazimu, alianza kunitoa nguo zangu kwa pupa na kuzitupilia mbali. Kisha na yeye akatoa za kwake na hapo kila mmoja akabakiwa na nguo ya ndani tu. Kisha akanivuta na ndimi zetu zikaingia kazini zikitekenyana taratibu mdomoni. Nilishtushwa na mlio wa gari lililosimama ghafla huko nje. Na hapo nikamwoa Sandra akijiondoa haraka kutoka mikononi mwangu. Kitendo chake kikanifanya nihisi kuwa mambo hayakuwa sawa.

“Kuna nini, Sandra?” nilimuuliza huku nikimkazia macho baada ya kumwona akiinuka kutoka pale kwenye kochi tulipokuwa tumekaa. Uso wake ulipambwa na wasiwasi mkubwa.

“Hata sijui, Jason… nadhani atakuwa… atakuwa…” alikuwa anataka kuongea kitu lakini nikamwona akisita mara kadhaa na kuniangalia usoni kwa wasiwasi mkubwa.

“Atakuwa nan…” nilishindwa kumalizia swali langu baada ya kukatishwa na sauti ya mlango wa mbele uliofunguliwa taratibu. Nami nikajiweka tayari kwa lolote. Mwanamume mmoja mrefu na mpana aliingia na kusimama ghafla pale sebuleni baada ya kutuona tukiwa katika hali ile.

Alitutazama kwa kitambo kisha akaufunga ule mlango na kuja moja kwa moja kusimama mbele yetu. Na hapo nikajua kuwa tayari kimenuka! Nilimtazama yule mwanamume nikijaribu kukumbuka ni wapi nilipopata kumwona. Nilikuwa na uhakika sura yake haikuwa ngeni machoni kwangu na niliwahi kumwona mahali fulani. Lakini ni wapi?

“Jimmy, umesahau nini nyumbani kwangu?” Sandra alimuuliza yule mwanamume huku akimkazia macho. Sauti yake ilijaa hasira.

Yule mwanamume alimtazama Sandra kwa kitambo kidogo, midomo ilikuwa inamteteneka kwa hasira, kisha aliyahamishia macho yake kwangu. Tulipotazamana nikamkumbuka na yeye alionesha kunifahamu. Aliitwa Jimmy Matiku, mfanyabiashara na mmiliki wa maduka makubwa ya nguo katikati ya mji. Nikakumbukia kuwa niliwahi kukutana na Sandra mara mbili katika moja ya maduka ya nguo yaliyokuwa yanamilikiwa na Jimmy.

“Hii ni aina gani ya makaribisho kwa mpenzi wako?” Jimmy alimuuliza Sandra huku akijishika kiuno. “Au ni kwa sababu ya Jason ndiyo maana unaniletea dharau?” Jimmy alisema kwa sauti tulivu lakini akionekana kudhibiti hasira zake, alikuwa amekunja uso wake na kutengeneza matuta madogo madogo mfano wa kilimo cha ngono.

“Mimi sina utani Jimmy. Nakuuliza umesahau nini nyumbani kwangu? Kama unanidai sema nikulipe uondoke zako na uniache na maisha yangu!” Sandra akamuuliza tena Jimmy kwa hasira.

“Silazimiki kujibu maswali ya kipuuzi toka kwako… kama ni malipo ungemlipa Jason ili aondoke zake,” Jimmy aliongea kwa hasira akiwa amemtulizia macho Sandra kabla hajayahamishia tena kwangu. Sauti yake ilikuwa nzito iliyoashiria kila dalili za shari. “By the way, huyu ni nani?”

“Anaitwa Jason, ni mwanaume kama wewe!” Sandra alijibu kwa jeuri huku akinitupia jicho.

“Najua anaitwa Jason na ni mwanaume kama mimi, lakini nataka kujua ni nani kwako na mumeanza lini?” Jimmy aliuliza tena huku akionekana kujiandaa kwa shari. Nilijua wakati wowote balaa lingezuka.

“We wamtakia nini?” Sandra alijibu tena kwa jeuri na kuongeza. “Si wewe uliyesema it’s over between us, sasa kipi kilichokurudisha tena nyumbani kwangu? Tafadhali naomba uondoke!” Sandra alisema kwa kufoka.

“Nikisema siendi kokote utafanya nini? Au huyu fala anakupa nini ambacho nimeshindwa kukupa!” Jimmy alisema huku akiyageuza tena macho yake kwangu.

Nilihisi hasira zikinikaba kooni na damu ikinichemka na kukimbia kwa kasi kwenye mishipa yangu ya damu sababu ya kuitwa fala mbele ya Sandra. Miye fala? Nilimwangalia Jimmy alivyokuwa akiongea kwa kujiamini sana, nilimfahamu kuwa alikuwa fiti katika sanaa ya mapigano lakini hata mimi sikuwa mnyonge, nilijipa moyo kwamba ningemmudu na asingenishinda kwa pambano la aina yoyote. Jimmy alikuwa mbabe na asiyehofia kulianzisha balaa wakati wowote.

Itaendelea...

 

[Bishop Hiluka]

55

“Jason ananipa kile ambacho wewe umeshindwa kuni…!” Sandra aliongea kwa jeuri lakini akakatishwa na kibao kikali cha ghafla kilichotua barabara kwenye shavu lake la kushoto na kumwangusha sakafuni. Akapiga yowe kali la maumivu.

“Shut up!” Jimmy alifoka kwa hasira.

Sikuvumilia. Niliruka kama mkizi na kumkumba Jimmy, wote tukapiga mwereka sakafuni. Nikawahi kusimama na kumkwida. Muda huo hasira zilikuwa zimenipanda kichwani kama mbogo aliyejeruhiwa.

Kama nilivyotegemea, Jimmy alikuwa mwepesi na mjuzi wa mapigano, alinitupia mapigo mawili ya kushtukiza ya ngumi kavu za tumbo na kabla sijakaa sawa, alirusha teke lililonipata sawasawa tumboni na kuzidi kunipa maumivu makali yasiyoelezeka. Nikajikunja. Akanifuata kama mbogo lakini nikamuwahi kwa kumfanyia mashambulizi ya nguvu kwa kuruka na kumvaa kwa shambulizi la kushtukiza lililomfanya apepesuke.

Akiwa bado anashangaa nilimrukia tena na kabla hajajua afanye nini nikamkaba kabali ya nguvu, alijaribu kukukuruka kutaka kujitoa kwenye kabali hiyo lakini nikazidisha kabali yangu na kumfanya aanze kuishiwa nguvu. Sandra akaanza kupiga kelele za hofu akinisihi nimwachie Jimmy lakini sikutaka kumsikiliza. Akanifuata na kunishika kwa nguvu ili kuniachanisha na Jimmy.

“Niache nimfundishe adabu ili siku nyingine ajifunze kuwa mwanamke hapigwi!” nilisema kwa hasira huku nikihema kwa nguvu.

“Jason, sitaki muuane nyumbani kwangu,” Sandra aliniambia kwa hasira na kumvuta Jimmy, nikamwachia. Kisha alimshika mkono na kumwongoza kuelekea chumbani.

Nilisimama pale sebuleni huku nikiyasikilizia maumivu ya mwili, damu ilikuwa inanitoka puani na kichwa kilianza kuniuma. Kule chumbani nilimsikia Jimmy akimfokea sana Sandra na kumlaumu sana kuwa yeye ndiye chanzo cha matatizo yote na alikuwa anamtusi lakini sikumsikia kabisa Sandra kujibu lolote.

Kwa kitambo kirefu nilisimama pale sebuleni nikiukodolea macho mlango wa chumbani walikoingia. Sikumsikia tena Jimmy akilalamika na wala sikumsikia Sandra akifoka ila niliwasikia wote wawili wakinong’ona na mfululizo wa mabusu motomoto yaliyohanikizwa na miguno ya chini chini.

Sikuona tena kama nilistahili kuendelea kuwepo pale kutokana na jinsi nilivyohisi moyoni, maana nilianza kupata mateso makubwa sana moyoni! Kwa unyonge nilivaa nguo zangu na kutoka humo ndani, nikaelekea nyumbani kwangu eneo la Ng’ambo…

______

Nilizinduliwa kutoka kwenye mawazo yangu baada ya kuhisi komeo la mlango wa kile chumba cha mahabusu likifunguliwa. Nikashtuka na kuinua macho yangu kumtazama mtu aliyefungua ule mlango. Nikawaona wale mgambo wawili wa kijiji wakiwa wamesimama mbele yangu huku wakinitazama kwa hasira. Yule mgambo niliyempa kichapo kule shamba alionekana kunitamani sana, alikuwa ameshika rungu mkononi.

“Haya, wewe unayejifanya kidume wa kubambia wake za watu, inuka utufuate!” yule mgambo niliyempa kichapo alisema kwa ukali huku akinitazama kwa macho makali. Niliinuka kwa unyonge nikatoka na kuwafuata taratibu hadi ndani ya ile ofisi ya mtendaji wa kijiji.

Niliwakuta wale wazee watatu pamoja na Eddy wakiwa wameketi kwenye viti kwa utulivu. Wote waligeuza shingo zao kunitazama kwa umakini nilipokuwa naingia. Eddy alikuwa amejiegemeza kwenye kiti huku akinitazama pasipo kuonesha tashwishwi yoyote, uso wake ulikuwa umetulia kama maji mtungini. Nikatweta.

Hali ya ndani ya ile ofisi ilikuwa ya ukimya mzito sana na sikuweza kujua nini kilichokuwa kinaendelea hapo, na hivyo nilijikuta nagwaya sana. Mzee mmoja ambaye nilitambua kuwa ndiye Mtendaji wa Kijiji alinionesha kiti kwa ishara ya mkono akinitaka nikae, sikubisha, niliketi taratibu huku nikiwa na wasiwasi mkubwa.

Sikuwa nimemwona mumewe Kabula na hivyo nilidhani kuwa ile kesi ilikuwa imemalizwa kwa upande mmoja. Niliwatupia jicho la wizi wale wazee lakini sikuona tashwishwi yoyote kwenye nyuso zao. Walikuwa watulivu mno kama vile hakukuwa na jambo lolote lililotokea!

Kwa takriban dakika mbili hali ya ukimya iliendelea kutamalaki mle ofisini kisha Mtendaji wa Kijiji alinitazama kwa umakini sana na kutingisha kichwa chake kwa huzuni, halafu akamgeukia Eddy.

“Bwana mdogo, nadhani tumeshamalizana. Mchukue ndugu yako na mwende zenu ila tusije tukamwona tena hapa kijijini!” Mtendaji wa Kijiji alimwambia Eddy kwa msisitizo kisha aliyahamishia macho yake kwangu na kuanza kunipa nasaha huku akinitaka nimshukuru sana kaka yangu Eddy kwa kuwa amefanya kazi kubwa ya kunipigania na kuniombea msamaha.

Yule mzee aliniambia kuwa kutokana na taratibu za pale kijijini nilitakiwa kutoa mbuzi wawili; mmoja kwa ajili ya adhabu (faini) na mwingine mweupe kwa ajili ya sadaka, rangi nyeupe ilichukuliwa kuwa ni alama ya kujisafisha (usafi).

Si hivyo tu, nilitakiwa nibaki pale kijijini na nishiriki katika kumchoma mbuzi huyo wa sadaka karibu na pango lililopo katika mlima wa matambiko (lugulu lwa maholelo) na moshi ukielekea juu mbinguni basi ni dalili ya kuwa Sebha (Mungu) ameikubali sadaka yangu, na baada ya kutolewa na kupokelewa kwa sadaka hiyo, nyama ya mbuzi huyo ikatwe katwe vipande na wapewe watu maarufu pale kijijini na mume wa Kabula ikiwa ni ishara ya kuomba msamaha.

Yule mzee aliendelea kuniambia kuwa kwa sababu Eddy aliomba sana msahama na kuwaeleza hali halisi kuwa tulitakiwa haraka Kahama kwa ajili ya usaili wa kazi, hivyo alikubaliwa kutoa fedha kiasi kilichotakiwa ili kiweze kununua mbuzi hao wawili na kiasi kingine kwa ajili ya gharama za kuwatibu watu niliowajeruhi, na hivyo wazee wale hawakuwa na pingamizi na kuanzia muda huo waliniruhusu kuondoka.

Yule mzee hakuishia hapo, aliongea maneno mengi kama aliyetiwa ufunguo, maneno ambayo sikuweza tena kuyasikiliza kwani akili yangu ilihama toka pale na kuanza kuwaza mambo mengine kabisa japo nilikuwa kimya nikiwa nimejiinamia. Sikujua alitumia muda gani kuongea hadi niliposhtuliwa na Eddy aliyenitaka tuondoke.

Niliinuka kwa kujivutavuta kutokana na maumivu ya mwili, Eddy alinipa vitu vyangu. Nikavaa mkanda, viatu na saa yangu kisha nikazisunda zile simu na pochi yangu mfukoni na kutoka mle ofisini taratibu, nilielekea nje nikimfuata Eddy ambaye wakati huo alishatoka nje ya ile ofisi na alikuwa ananisubiria.

Pale nje ya ile ofisi sikushangaa kuliona kundi la watu hasa wanawake waliojikusanya. Wengi wao walikuwa wananitazama katika namna ambayo sikuweza kuelewa tafsiri yake.

Nilinyanyua mkono wangu wa kushoto kutazama saa yangu niliyovaa, nikagundua kuwa ilikuwa inaelekea kutimia saa 12:35 jioni. Na hapo nikakumbuka kuangalia simu yangu kuona kama kulikuwa na simu zozote zilizopigwa lakini simu ilikuwa imezimwa. Nikaiwasha.

Muda huo jua lilikuwa upande wa magharibi likizama taratibu na anga lilikwisha anza kuivaa rangi ya mchanganyiko wa rangi ya machungwa na kahawia kuashiria kuwa siku ilielekea ukingoni na jua kuanza kunywea katika ukungu. Baada tu ya kuiacha ile ofisi ya mtendaji wa kijiji tulishika njia iliyoelekea kule barabarani. Eddy alikuwa anatembea haraka na mimi nilimfuata nyuma.

Tulitembea tukikatisha katikati ya mashamba na vichaka vidogo vidogo huku tukiwa kimya kabisa na hakuna aliyekuwa anamsemesha mwenzake. Hatimaye tulitokea kwenye lile shamba la mihogo tulilovamia mimi na Eddy na kuanza kula mihogo kabla Kabula hajatukuta na baadaye ndipo yakatokea yaliyotokea.

Itaendelea...

 

[Boogman]

moneytalk njoo upate utam babe!

 

[Bishop Hiluka]

56

Wakati tukipita kando ya lile shamba nilisikia sauti ambayo haikuwa ngeni masikioni mwangu, ilikuwa sauti tamu ya msichana na alikuwa anaimba wimbo fulani wa Mwanamitumba, manju maarufu wa ngoma za jadi wilayani Nzega. Sauti hiyo iliambatana na kishindo cha kitu mfano wa jembe lililokuwa likichimbua ardhini. Kumbe hata Eddy alikuwa ameisikia sauti ile kwani sote tuligeuza shingo zetu kuangalia kule ambako sauti ile ilitokea.

Na hapo mapigo ya moyo wangu yalikimbia katika uwanda wa duara. Nilisimama ghafla na kushusha pumzi kama bata dume na muda huo nikiwa nimeduwaa, nisipate cha kusema. Macho yangu hayakuamini kile nilichokuwa nimekiona. Nilikuwa namtazama msichana mrembo hasa, binti halisi wa Kiafrika ambaye uzuri wake ulitosha kuudhihirisha utukufu wa Mungu kwenye sanaa ya uumbaji.

Hakuwa mrefu wala mfupi na alikuwa na kifua chenye ukubwa wa kati, tumbo dogo na rangi yake ya maji ya kunde iliyokuwa na mng’aro wa aina yake, wala hakuhitaji kabisa vikorombwezo vya aina yoyote kuinakshi ngozi yake. Kichwani alikuwa amejifunga kilemba kuzifunika nywele zake.

Alivalia gauni la mpira lililombana na kuishia chini kidogo ya magoti yake na kuifichua hazina nzuri ya miguu yake ya bia. Gauni lile liliyashika vyema mapaja yake makubwa yaliyoshikiliwa na nyonga pana na nyuma alikuwa amefungasha mzigo wa maana, na kutokana na gauni lake kubana mistari ya nguo ya ndani iliweza kujichora na kuonekana waziwazi. Ni kama vile alipoumbwa alitamkiwa kuwa; “nenda duniani ukawatese wanaume wakware!”

Alikuwa ameshika jembe dogo akichimbua ardhini na kutoa mihogo na kisha aliikwanyua kutoka kwenye shina lake na kuiweka ndani ya kapu kubwa lililosukwa kwa ukiri. Kilichokuwa kimenishtua zaidi ni kwamba msichana yule alifanana sana na Kabula, ni kama nilikuwa naangalia nakala halisi ya Kabula, nikadhani huwenda alikuwa pacha wake Kabula.

Wakati akiendelea kuimba huku akikwanyua mihogo kutoka kwenye mashina yake mara alionekana kusita kidogo kisha akageuza shingo yake kutazama kule nilipokuwa nimesimama, hii ni kwa sababu alihisi uwepo wa mtu nyuma yake, akanitazama kwa umakini na kuonekana kushtuka kidogo. Kisha aliyahamishia macho yake kumtazama Eddy aliyekuwa mbele zaidi ila akiwa amepunguza mwendo wake na sasa alitembea polepole.

“Hujambo, mrembo?” niliwahi kumsalimia mara tu macho yetu yalipokutana huku nikiachia tabasamu pana na wakati huo nikiwa nimeshika kiuno changu. Yule msichana hakunijibu bali alibaki kimya kabisa na alikuwa ananitazama kwa umakini.

“Nakusalimia dada yangu, hujambo?” niliendelea kumsemesha nikidhani labda hakuwa amenisikia, na wakati huo nilikuwa napapasa kidevu changu huku nikiilamba midomo yangu iliyokauka. Nikamwona yule msichana akishusha pumzi za ndani kwa ndani.

“Sijambo kaka!” yule mrembo alijibu kwa sauti laini iliyolandana sana na sauti ya Kabula.

Na hapo ndipo nilipopata jibu kwa nini mwanzoni nilikuwa nimehisi kusikia sauti ambayo haikuwa ngeni masikioni mwangu, ni kwa sababu sauti ya msichana huyo ilifanana sana na ile ya Kabula! Mwili ukanisisimka haswa baada ya kuyakumbuka manjonjo ya Kabula. Yule msichana alipoona nimesimama huku nikimtazama kwa matamanio akaachia tabasamu laini huku akiendelea kunitumbulia macho.

Tulibaki tumetazamana kwa sekunde kadhaa huku kila mmoja akiwa anawaza lake. Mimi nilijua nilichokuwa nakiwaza juu yake lakini sikujua yeye aliniwazia nini. Ni kama alikuwa anayasoma mawazo yangu kwani nilimwona akiachia tena tabasamu lililogeuka kuwa kicheko hafifu.

“Vipi, mbona unanitazama kama unanifananisha?” yule msichana aliniuliza huku tabasamu likiwa limeweka makazi usoni kwake.

“Dah! Wewe ni mzuri aisee na unavutia sana hadi natamani nikuulize kama hujaolewa ili nije nikutoa posa nyumbani kwenu, maana Waswahili wanasema ukitaka kula nguruwe chagua aliyenona!” nilisema kwa madaha kisha nikiangua kicheko hafifu.

“Yaani nyiye wanaume sijui mkoje, mbona mnapenda sana uongo? Yaani hapa unaniongopea wakati una mkeo umemwacha nyumbani!” yule msichana alisema kwa sauti tulivu huku akitingisha kichwa chake taratibu.

“Mke bado sijampata, huwenda sina bahati!” nilisema kwa sauti tulivu ya mahaba huku nikiendelea kushika kidevu changu.

Yule msichana alinitazama kwa umakini na kuangua kicheko kikubwa kilichobeba ujumbe ambao sikuufahamua haraka. Aliponyamaza akaniambia. “Hebu acha hizo shemeji! Unasemaje huna bahati wakati wewe ni handsome wa ukweli hadi unasababisha mtafaruku kijijini kwetu!”

“Mmh, makubwa!” niliguna huku nikiachia tabasamu.

“Unaguna nini au unadhani sijui kuwa umefumaniwa ukimla uloda mdogo wangu!” yule msichana alisema na kushusha pumzi. “Au unataka kutupitia wote wawili, mtu na dada yake?”

Nilitaka kusema neno lakini nikasita baada ya kumsikia Eddy akinisemesha kwa ukali.

“Jason, achana naye bwana!” Eddy aliniongea kwa hasira.

Niligeuza shingo yangu kumtazama nikamwona akiwa amesimama huku akiniangalia kwa mshangao uliochanganyika na hasira. Nilisita kidogo nikayarudisha tena macho yangu kwa dada yake Kabula ambaye sikujua anaitwa nani.

“Basi naomba nitajie japo jina lako tu, sijui unaitwa nani mrembo?” nilimwambia yule msichana huku nikiyatuliza macho yangu kwenye uso wake.

“Unataka kujua jina tu?” yule mrembo aliniuliza. “Naitwa Kalunde, dada yake Kabula. Nadhani umeridhika sasa?” aliniambia huku akishusha pumzi za ndani kwa ndani.

“Umeolewa?” nilimuuliza.

“Bado sijaolewa, kwani unataka kunioa?” aliniuliza huku akiangua kicheko hafifu.

Sikumjibu bali nilitoa simu yangu ya mkononi toka kwenye mfuko wa suruali nikamsogelea huku nikimnyooshea ile simu. “Andika namba yako ya simu, nitakutafuta siku nyingine tuongee.”

“Sina simu,” Kalunde alinijibu huku akishusha pumzi za ndani kwa ndani.

Na hapo nikakumbuka jambo, sikutaka kulaza damu na hivyo nikaitoa ile simu aina ya Tecno Camon 16 Pro niliyomnyang’anya Tabia au Chausiku na kunyoosha mkono wangu kumpa Kalunde. “Chukua hii.”

Kalunde aliitazama ile simu kisha akanitazama moja kwa moja machoni kwa mshangao mkubwa sana kisha akatingisha kichwa chake taratibu.

“Naomba usitake kunitia majaribuni,” Kalunde alisema kwa sauti ya kutetemeka kidogo.

“Wala sikutii majaribuni, wewe chukua kwani nakupa kwa moyo mmoja,” niliwambia Kalunde katika namna ya kumsisitiza.

“Hapana, sitaki na mimi uniingize kwenye matatizo kama mdogo wangu,” Kalunde alisema kwa sauti ya chini huku akitingisha kichwa chake.

“Matatizo gani, kwani na wewe umeolewa?” nilimuuliza huku nikimkazia macho.

“Sijaolewa lakini baba yangu ni mkali mno, ataniuliza nimeipata wapi na mimi nitakosa jibu,” Kalunde alisema kwa sauti tulivu. Hata hivyo niligundua kuwa aliitamani sana ile simu.

“Nadhani uliyoyapitia yanatosha, nenda tu usije ukakumbana na matatizo makubwa zaidi ya yale uliyoyapata,” Kalunde alisema kisha akaendelea kukwanyua mihogo toka kwenye shina la muhogo.

Itaendelea...

 

[Bishop Hiluka]

57

“Wewe ni msichana mrembo sana na hivyo unastahili kuwa na simu kali kama hii. Chukua halafu kama baba yako atakuuliza utajua namna ya kujitetea,” nilimwambia katika namna ya kumsisitiza ili aichukue. Ki ukweli nilishaamua kumwachia ile simu kwani sikuihitaji.

Kalunde alinitazama moja kwa moja machoni, huwenda alikuwa anajaribu kuyapima maneno yangu huku akiyasoma mawazo yangu ili kuona kama nilikuwa namaanisha au nilikuwa namtania. Nikamwona akishusha pumzi ndefu kama aliyetoka kukimbia mbio ndefu. Kisha aliilamba midomo yake na kuichukua ile simu huku akiitazama kwa mshangao.

“Mbona bado mpya halafu ya gharama kubwa sana?” aliuliza kwa mshangao.

“Ndiyo ni mpya na ya gharama… Mungu alipanga iwe yako,” nilisema kwa sauti tulivu huku nikiachia tabasamu kisha nikaanza kuondoka taratibu toke eneo lile kumfuata Eddy aliyekuwa ananitazama kwa mshangao uliochanganyika na hasira.

“Naomba basi namba yako,” Kalunde aliniambia.

Niligeuka nikamwona akitoa simu ndogo nyeusi aina ya Itel na kunyoosha mkono wake kunipa. Nikapiga hatua kumfuata na kuipokea ile simu.

“Kwa nini uliniongopea kuwa huna simu?” nilimuuliza Kalunde huku nikiandika namba yangu kwenye simu yake.

“Aah, we nawe huna dogo! Nisamehe bure,” Kalunde alisema huku akiachia kicheko hafifu.

Nilitabasamu kisha nikaipiga ile namba na mara simu yangu ikaanza kuita. Nikaachia tabasamu na kumshukuru Kalunde na kuondoka eneo lile kumfuata Eddy ambaye muda wote alikuwa aananitazama kwa umakini pasipo kusema neno. Nilipomfikia tukaanza kuondoka taratibu na baada ya kwenda kama mita hamsini Eddy aligeuka na kunitupia jicho mara moja tu.

“Kama tumeachwa na basi au hatutafanikiwa katika usaili ujue ni kwa sababu yako na kwa kweli sitakusamehe kabisa!” hatimaye Eddy aliongea kwa hasira huku akipiga hatua kubwa kubwa pasipo kuniangalia.

“Alaa, kwa kuwa mimi ndiye niliyeshauri twende kijijini tukatafute chakula!” nilisema kwa mshangao huku nikijaribu kujivua lawama.

“Tatizo lako wewe, kinachokuvutia katika safari hii ni kuona wanawake wapya na wala si usaili wa kazi tulioitiwa,” Eddy aliongea kwa uchungu huku akionekana wazi kuchukizwa na kile kilichotokea.

“Eddy, kumbuka kuwa ni mimi ndiye niliyekujulisha kuhusu nafasi hizo za kazi, na ni mimi niliyekuwa nawasiliana na Swedi mara kwa mara…”

“Sawa lakini kumbuka kuna wakati haukuwa serious, ni mimi niliyeandika barua za kuomba kazi, zote mbili, ya kwako na ya kwangu!” alidakia Eddy kwa hasira.

“Lakini ni mimi niliyegharamia kila kitu hadi hii safari yetu, ni mimi niliyemuweka sawa meneja rasilimali watu wa mgodi wa Buzwagi, pia ni mimi niliye…” wakati nikiongea Eddy akanikata kauli kwa hasira.

“Ahaa, kweli baba hakukosea aliposema kuwa huwezi kumsaidia mtu au kumpa mtu deal ukaacha kumsimanga baadaye,” Eddy alisema huku akitingisha kichwa chake taratibu. Kisha aliongeza. “Pia alikuwa sahihi aliposema kuwa, yeyote anayeongozana na wewe lazima awe na mbio za kuwakimbia watu wenye hasira maana muda wowote hamchelewi kufumaniwa!”

Maneno ya Eddy yaliniumiza sana kwa sababu siku zote ukweli huuma. Nilitaka kusema neno lakini nikasita maana kauli yake ilikuwa na ukweli wa asilimia mia moja na iliniudhi sana. Sikuvumilia, nikamfuata Eddy na kumshika bega nikiwa na hasira. Ni wakati huohuo tulijikuta tumetokea barabarani.

“Sikiliza, Eddy… unajua sipendi...” nilisita baada ya kuliona basi la Makenga likiwa limesimama palepale tulipoliacha huku abiria wote wakiwa wamepanda na kuketi kwenye viti vyao!

Nilipoangalia vizuri nikamwona utingo na kondakta wa basi wakimalizia kupakia vifaa vyao kwenye buti la gari na muda huo dereva alikuwa ameketi kwenye kiti chake nyuma ya usukani huku gari likiwa linaunguruma taratibu. Nilishtuka baada ya kumwona Eddy akiwa tayari ametimua mbio kulikimbilia lile basi na kisha akarukia kwenye mlango na kuingia ndani.

Nami sikuzubaa, nikatimua mbio kulikimbilia lile basi na nilipolifikia nikarukia mlangoni na kujitoma ndani, Eddy aligeuza shingo yake kunitazama na macho yetu yakakutana, tukajikuta tukitabasamu. Muda huo tulikuwa tumesahau kama tulipishana kauli muda mfupi tu uliokuwa umepita na hivyo tukaangua kicheko cha furaha.

Kicheko kile kiliwafanya abiria wote ndani ya lile basi ambao walionekana wamechoka sana watutazame kwa mshangao. Kisha lile basi likaanza kuondoka kwa mwendo wa taratibu.

“Tulikata tamaa ya kulikuta gari, kwani imekuwaje?” Eddy alimuuliza yule utingo wa basi wakati tukiwa bado tumesimama pale karibu ya mlango.

“Dah, tulishindwa kuziba gurudumu na hivyo tukawa tunamsubiri mtu atoke Nzega mjini kutuletea gurudumu la akiba,” yule utingo alisema bila kufafanua.

“Sasa mbona ni kama amechelewa sana kufika?” nikadakia kumuuliza yule utingo kwa mshangao baada ya kuitazama tena saa yangu.

“Afike wapi, wakati anakuja hakuwa makini barabarani na hivyo gari lake likawagonga watoto wawili waliokuwa wanavuka barabara jirani na kituo cha polisi. Na hivyo akajikuta anaingia kwenye matatizo ya polisi! Yaani ni msala juu ya msala!” yule utingo alisema kwa huzuni.

“Sasa mmewezaje kutatua tatizo hili?” nikauliza tena kwa mshangao.

Yule utingo akatuonesha kwa kidole upande wa pili wa barabara, kupitia dirishani. Tukainama kuchungulia upande huo na kuliona gari aina ya Fuso chakavu lililosheheni magunia ya mkaa likiwa limeegeshwa pembeni mwa barabara.

Nilipoangalia vizuri nikaona gurudumu moja la nyuma kwenye lile Fuso halipo na badala yake gari lilikuwa limesimama juu ya jeki kubwa ijulikanayo kama ‘Tanganyika Jeki’. Muda huohuo nikamwona dereva wa lile Fuso, mwanamume mrefu mwenye umbo kubwa na kitambi, akishuka toka kwenye gari na kufunga mlango kwa funguo kisha akaanza kukatisha barabara na kushika njia ya kuelekea kule kijijini tulipotokea.

“Yule dereva ni mlevi sana, tumemlipa shilingi 10,000 na amekubali kutusubiri hapa mpaka kesho tutakaporudi,” yule utingo alisema huku akiachia kicheko hafifu.

Mimi na Eddy tukatazamana na kuangua kicheko huku tukigonganisha mikono yetu. Tulikuwa tumeshasahau masaibu yote yaliyotokea na sasa tulikuwa na matumaini mapya ya kufika Kahama, japo kwa kuchelewa.

Tuliachana na yule utingo tukaenda kwenye viti vyetu ambavyo vilikuwa vimekaliwa na wamama wawili, walipotuona wakainuka kutupisha, tukaketi. Na hapo nikakumbuka kumtupia jicho Rehema, nikamwona akiwa ameketi kwa utulivu sana ingawa alionekana mchovu na mwenye wasiwasi mkubwa, alikuwa akiniangalia kwa jicho la udadisi.

Macho yake yalikuwa na maswali mengi ambayo nisingeweza kuyajibu. Hata hivyo, nilijitahidi kumwonesha tabasamu ili kumtoa wasiwasi ingawa mwili wangu wote ulikuwa unauma na nilikuwa na majeraha ya hapa na pale.

Ili kumfanya asiwe na wasiwasi nilimfanyia ishara kuwa asiwe na wasiwasi. Nilihisi alinielewa kwa sababu alibetua kichwa chake kukubali. Kutokana na kile kilichokuwa kimetokea kule kijijini baada ya kukatishwa starehe yangu kwa Kabula niliazimia kwenda kutuliza machungu nikiwa na Rehema endapo tungefika salama Kahama.

Nikiwa nimeketi kwa utulivu pale kwenye kiti changu nilianza kuhisi kuwa vitu havikuwa sawa mle ndani ya gari. Sikujua ni nini ambacho hakikuwa sawa lakini nilihisi tu kuwa kulikuwa na kitu cha muhimu sana nilikuwa sikioni! Nikajitahidi kukumbuka ni kitu gani nilichokikosa lakini sikuweza kupata jibu. Begi langu la safari lilikuwepo. Nilijipapasa kwenye mifuko yangu kuangalia vitu vyangu lakini nikaona kuwa vitu vyote nilikuwa navyo, lakini bado nilihisi kutokukiona kitu fulani muhimu sana kwangu.

Wakati huo lile basi lilikuwa limeshachukua kasi kuelekea upande wa magharibi ambako lile anga lenye mchanaganyiko wa rangi ya machungwa na kahawia lilikuwa limenywea katika ukungu na sasa kiza chepesi kilikuwa kimeanza kuchukua nafasi yake, niliitazama tena saa yangu ya mkononi, ilikuwa imetimia saa 12:56 jioni. Zilibaki dakika nne tu itimie saa moja jioni.

Itaendelea...

 

[Bishop Hiluka]

58

Baada ya mwendo fulani gari likaanza kupita katikati ya makazi ya watu katika mji mdogo ambao nilipouliza nikaambiwa eneo lile liliitwa Mwamala. Muda huo giza lilishaanza kuchukua nafasi yake angani, na hivyo dereva wa basi aliwasha taa kubwa za mbele na kuruhusu mwanga mkali wa taa zile ulifukuze giza lile lililoanza kutanda mbele ya ile barabara wakati gari lile likizidi kukata upepo na kutokomea mbele zaidi.

Wakati tukizidi kukatiza katikati ya makazi ya watu katika ule mji mdogo wa Mwamala, ndani ya basi kulikuwa na ukimya wa kutisha na abiria wote walikuwa wamechoka sana. Nilianza kuyatembeza macho yangu taratibu kuwatazama abiria wengine lakini sikuona tashwishwi yoyote katika nyuso zao na kila mmoja alionekana kuchoka sana. Hata hivyo, niliendelea kuhisi kuwa vitu havikuwa sawa mle ndani ya gari, na mara nikashtuka baada ya kutokumwona Amanda!

“Amanda yupo wapi?” nilijiuliza moyoni huku nikigeuza shingo yangu kuwatazama abiria wote kwa umakini lakini sikumwona Amanda.

“Eddy, yule mrembo mwenye umbo namba nane anayefanana na Zakia yuko wapi, mbona simwoni?” nilimuuliza Eddy kwa wasiwasi.

Eddy alinitazama kwa mshangao mkubwa kana kwamba alikuwa ameona kiumbe cha ajabu toka sayari za mbali kisha akatingisha kichwa chake taratibu kwa huzuni. “Si bure, utakuwa umelogwa wewe! Yaani pamoja na masaibu yote yaliyokutokea kule kijijini bado tu unaulizia wake wa watu?”

Nilitaka kuongea neno lakini nikakatishwa na sauti ya simu yangu ya mkononi iliyoanza kuita kwa fujo, kiuchovu uchovu niliichukua ile simu ili kuangalia ni nani aliyekuwa ananipigia. Nilipotazama vizuri kwenye kioo cha simu nikaliona jina la Majaliwa Nzilwa. Moyo wangu ukapiga kite kwa nguvu na kunifanya nishangae.

Nilisita kidogo kuipokea ile simu na sikujua kwa nini moyo wangu ulikuwa mzito. Niliiacha simu ikaita mpaka ikakata. Muda huo Eddy alikuwa ananitazama kwa umakini pasipo kusema neno lolote. Alitulia tuli kana kwamba alikuwa ametingwa kimawazo.

Nikiwa natafakari mara ile simu ilianza kuita kwa mara ya pili, sikutaka kuiacha iite hadi ikate tena, hasa ikizingatiwa kuwa Majaliwa alikuwa mtu wangu wa karibu sana na sikujua alitaka kuniambia nini. Nikaipokea na kuipeleka kwenye sikio langu la kushoto.

“Enhe, nambie mzee wa mipango mjini!” nilisema huku nikishusha pumzi za ndani kwa ndani.

“Uko wapi?” Majaliwa aliniuliza pasipo hata salamu, nikahisi kuwa sauti yake ilikuwa imebeba wasiwasi.

“Vipi, mbona sauti yako inaonesha kama una wasiwasi, kuna nini kimekutokea?” nilimuuliza Majaliwa huku mapigo ya moyo wangu yakianza kwenda kasi.

“Si mimi, ni Zakia…” Majaliwa aliongea kwa wasiwasi, nikamkatisha.

“Zakia! Amefanya nini?” niliuliza kwa pupa na hapo nikamwona Eddy akishtuka kidogo na kuniangalia kwa jicho la umakini.

“Dah, kwani wewe upo wapi? Maana nimekutafuta sana kwenye simu lakini ulikuwa hupatikani! Nilipokuja kwako nikaambiwa umesafiri,” Majaliwa aliniuliza tena kana kwamba hakuwa amelisikia swali langu.

“Ni kweli nipo safarini, naelekea Kahama. Nini kimemtokea Zakia?” nilimuuliza Majaliwa kwa wasiwasi.

“Unatafutwa sana, Jason…” Majaliwa alisema na kuzidi kuniweka njia panda.

“Na nani? Zakia?” niliuliza huku nikiwa bado nina wasiwasi.

“Hapana. Na Mama yake,” Majaliwa alijibu na kunifanya nishtuke sana, nilihisi mwili wangu ukiingiwa na ganzi.

“Kwani kuna nini hadi anitafute, mbona sielewi?” nilimuuliza Majaliwa kwa wasiwasi huku fikra zangu zikiniambiwa kuwa suala la ujauzito limeshasanuka.

“Mama yake alinifuata maskani kwangu kwa kuwa anajua mimi na wewe ni marafiki, hasa baada ya kukukosa kwenye simu yako… ni kwamba Zakia amekunywa sumu,” Majaliwa aliniambia.

Kwa nukta chache nilihisi moyo wangu umesimama, na hapo kizunguzungu kikali na kiza chepesi kikapita usoni kwangu huku mapigo ya moyo wangu yakienda mbio, nilivuta pumzi ndefu nikazishusha taratibu huku nikigeuza shingo yangu kumtazama Eddy ambaye muda wote nilipokuwa naongea na Majaliwa kwenye simu alikuwa akinitazama kwa umakini sana.

Kikapita kitambo fulani cha ukimya huku nikiwa mdomo wazi, sikujua niseme nini. Kisha nilimeza funda la mate kutowesha koo langu lililokauka ghafla.

“Hallo, Jason?” Majaliwa aliita baada ya kuona nilikuwa kimya.

“Majaliwa, tafadhali acha utani, naomba uniambie ukweli…” nilimwambia Majaliwa nikiwa bado siamiani kile nilichokisikia.

“Ni kweli, Jason. Huwa tunataniana lakini si kwenye jambo kama hili… Zakia amekunywa sumu,” Majaliwa alisisitiza.

Habari ile ilikuwa imesababisha jasho jepesi lianze kunitoka mwilini, nilianza kuhisi woga ukinitambaa mwilini na mapigo ya moyo wangu yakibadili mwendo wake na kuanza kwenda mbio isivyo kawaida!

“So, how’s she?” (Kwa hiyo, vipi hali yake?) nilimuuliza Majaliwa huku nikihisi pumzi zinanipaa.

“She’s in critical condition fighting for her life,” (Hali yake ni mbaya sana na anapigania uhai wake tu) Majaliwa alisema kwa huzuni.

“Oh my God!” (Mungu wangu!) nilisema katika namna ya kukata tamaa. “Kwa hiyo yupo hospitali gani na wanasema kwa nini amekunywa sumu?”

“Yupo hospitali ya Dk. Khan… inasemekana Msabaha amekataa katakata kumsamehe hadi aseme ukweli hiyo mimba ni ya nani. Na kwa kuwa Zakia hakuwa tayari kukutaja hivyo Msabaha akatishia kulifikisha suala hilo kwa baba yake Zakia…” Majaliwa alisema kwa huzuni na kisha akaongeza.

“…si unamjua yule mzee jinsi alivyo mkoloni. Zakia hakutaka habari zifike kwa baba yake na hivyo akaona hakuna njia nyingine zaidi ya hiyo, akanunua sumu ya panya na kunywa.”

“Sasa mama yake ananitafuta kwa lipi?” nilimuuliza Majaliwa nikiwa nimechanganyikiwa.

“Zakia alikuwa amemweleza mama yake kila kitu kuhusu uhusiano wenu tangu mwanzo hadi sasa na kwamba wewe ndiye baba halisi wa hiyo mimba,” Majaliwa alisema kwa huzuni.

“Dah!” nilijikuta nashindwa niseme nini.

Kisha Majaliwa alinieleza mambo mengi kwamba Msabaha alidai asingeweza tena kuishi na Zakia na nia yake ilikuwa kumjua mwanamume aliyekuwa akimsaliti na mkewe ili alipe kisasi. Mama yake Zakia alimtaka binti yake akubaliane tu na matokeo na yeye angemsaidia kuanza maisha mapya na kuilea mimba yake hadi kujifungua lakini kumbe hakujua Zakia alikuwa na jambo lake kichwani.

Madgalena, mke wa Adolf, mpangaji mwenzetu ndiye aliyegundua kuwa Zakia alikuwa amekunywa sumu baada ya kusikia sauti ya mgugumio chumbani kwake. Aliingia haraka na kumkuta tayari akiwa na hali mbaya sana. Mapovu yalikuwa yanamtoka. Ishara za kuiacha dunia zilikuwa wazi kabisa.

Magdalena alimtingisha lakini Zakia alikuwa hoi na alipoangalia juu ya meza aliiona paketi tupu ya sumu ya panya na bilauri iliyokuwa na mabaki ya sumu. Hakutaka kusubiri, alichokifanya ni kukimbilia kweye friji, kutafuta maziwa. Kwa bahati nzuri kulikuwa na maziwa fresh. Akamnywesha yale maziwa ili kupunguza makali ya sumu aliyokunywa.

Muda huo tayari Zakia alishaonja usumbufu wa roho kutoka. Alishatapatapa pale sakafuni na alitamani afunge macho mapema na kuiacha dunia ambayo yeye aliona kuwa hastahili kuishi.

Magdalena kwa kusaidiana na majirani walifanikiwa kumkimbiza katika hospitali ya jirani, hospitali ya Dk. Khan. Na hapo ndipo alipopata akili ya kuwataarifu watu wengine kama mama yake Zakia na Msabaha, mumewe Zakia. Na ilisemekana kuwa pamoja na madaktari kumpokea na hatua za kunusuru uhai wake zilikuwa bado zinaendelea lakini hali yake ilikuwa mbaya sana.

Dah! Taarifa zile zilinifanya nihisi mwili wangu wote ukifa ganzi, nilijiona kuwa mtu mwenye hatia kubwa na kwamba nilistahili lawama zote endapo binti huyo angekufa. Kwa kweli niliumia sana maana sikutaka Zakia yamkute yaliyomkuta Belinda, kwa sababu yangu. Baada ya kukata simu Eddy aliniuliza baada ya kuona nimebadilika sana, sikumficha, nilimwelezea kila kitu kuhusiana na kile kilichotokea kwa Zakia.

Eddy alishusha pumzi ndefu na kutingisha kichwa chake kwa huzuni, kisha alibaki kimya akiniangalia kwa umakini kana kwamba alikuwa ananiona kwa mara ya kwanza. Nilimtazama nikiwa sijui nifanye nini na sikuweza hata kusema neno kwani nilishajua kilichomfanya anitazame kwa mtazamo ule.

Na hapo nikayakumbuka maneno yake; “Si bure, utakuwa umelogwa wewe…”

Huu ni mwisho wa Msimu wa Kwanza wa simulizi ya Harakati za Jason Sizya. Fuatilia Msimu wa Pili katika kisa kitwacho “Narudi Buzwagi”.

 

[Bishop Hiluka]

59

MIAKA MIWILI BAADAYE...

Simanzi ya Moyo

Saa 5:30 asubuhi…

HAIKUWA mara yangu ya kwanza kufika katika Mji wa Ushirombo uliopo wilayani Bukombe katika Mkoa wa Geita. Mji huo upo Magharibi mwa Mji wa Kahama katika barabara kuu iendayo nchi za Uganda, Rwanda na Burundi.

Tangu nianze kuishi katika mji wa Kahama miaka miwili iliyokuwa imepita baada ya kupata kazi katika mgodi wa dhahabu wa Buzwagi, hiyo ilikuwa mara yangu ya saba kufika katika mji wa Ushirombo na hivyo kwa kiasi fulani sikuwa mgeni kabisa wa mazingira ya Ushirombo, ingawa mara zote nilipofika Ushirombo sikukaa kwa zaidi ya siku mbili wala sikuwa napata nafasi ya kutembea ili kuujua mji.

Kama ilivyokuwa kwa safari zote nilipokwenda Ushirombo, nilikuwa namtembelea mchumba wangu Rehema Mpogolo, aliyekuwa akifanya kazi katika ofisi za Halmashauri ya Wilaya ya Bukombe kama Ofisa Tawala Msaidizi.

Japo Rehema alikuwa amepigania apangiwe wilayani Kahama ili awe karibu nami lakini hiyo haikumzuia kumshukuru Mungu kwa sababu mji wa Ushirombo haukuwa mbali sana kutoka mji wa Kahama.

Rehema, binti mrembo ambaye uzuri wake ulitosha kabisa kuudhihirisha utukufu wa Mungu kwenye sanaa ya uumbaji, wakati huo alikuwa na miaka 26 na alikuwa amehamia katika mji huo takriban miezi sita tu iliyokuwa imepita.

Pale Ushirombo Rehema aliishi katika nyumba kubwa ya kuweza kuchukua familia. Ilikuwa ni nyumba yenye vyumba viwili, sebule kubwa yenye makochi mazuri ya ngozi ya sofa, runinga pana ya ukutani na madirisha makubwa yenye kupitisha hewa safi.

Mbele ya sebule ile kulikuwa na ukumbi wa kulia chakula wenye meza moja iliyozungukwa na viti sita. Kwa kweli ilikuwa nyumba nzuri ya kupendeza na yenye hadhi ya kukaliwa na ofisa yeyote wa serikali wa ngazi ya kati na hata ya juu.

Mimi na Rehema tulikuwa na historia ndefu ya pamoja, historia ambayo ilianzia miaka tisa nyuma huko Morogoro wakati tukiwa wanafunzi. Wakati huo nilikuwa na miaka 19 na Rehema alikuwa na miaka 16 tu, tulianza kama marafiki wa karibu kabla ya kuangukia kwenye uhusiano wa kimapenzi na kufungua ukurasa mpya wa mapenzi, ingawa ilikuwa ni katika mizania isiyolingana kwani Rehema alinipenda sana lakini mimi sikuwa mtu sahihi na sikuwa nimetulia kabisa!

Sikuamini kuwa duniani kulikuwa na mapenzi ya kweli bali mapenzi ya kweli yalipatikana zaidi kwenye riwaya za mapenzi au kwenye michezo ya kuigiza, lakini Rehema alijitahidi, kwa kila hali, kunionesha kuwa alinipenda kwa dhati ya moyo. Rehema alikuwa nami wakati wa raha na pia alikuwa nami wakati wa shida japo kuna nyakati chache ulizuka mgogoro mkubwa kati yetu uliotishia kutufarakanisha lakini Rehema hakuacha kunipenda.

Kwa kweli kila nikizipima nyakati hizo katika mizania kwa lengo la kutafuta uwiano niliona kuwa Rehema alinivumilia kwa mengi mno akijiaminisha kuwa mimi ndiye mwanamume wa maisha yake japokuwa nilikuwa nikimwona kila kiumbe aliyeitwa mwanamke yupo duniani kwa ajili ya kumfurahisha na kumburudisha mwanamume tu, na hivyo katika maisha yangu jambo la kuwa na uhusiano na wasichana zaidi ya mmoja halikuwa la kushangaza kabisa.

Nilikuwa natamani kila kilichofichwa ndani ya andawea ya msichana mzuri na nilikuwa miongoni mwa vijana wachache sana wenye mvuto wa kipekee kwenye macho ya wasichana warembo. Hata hivyo, Rehema alihakikisha kuwa hanipotezi japo kulikuwa na changamoto nyingi katika uhusiano wetu hasa ukizingatia kuwa maisha yangu yalikuwa yamebadilika kwa kiwango kikubwa baada ya kuajiriwa katika mgodi wa dhahabu wa Buzwagi.

Kutokana na nafasi yangu ya meneja wa kitengo cha tehama katika hapo mgodini nilizidi kuwa mtanashati, kwani nafasi hiyo ilinifanya kulipwa mshahara mkubwa sana.

Mshahara mkubwa niliolipwa ulinifanya nione fahari kubwa kuutumia ujana wangu na silaha yangu kubwa kwa wasichana warembo ilikuwa ni mwonekano wangu kwani nilikuwa mtanashati niliyejipenda mno kuanzia ndani ya nyumba yangu hadi mwili wangu, ilikuwa ni nadra sana kunifumania nikiwa nimerudia kuvaa nguo niliyoivaa jana yake.

Sasa nikiwa nimefikisha umri wa miaka 29, nilikuwa mtu wa kujichanganya na watu wengine, hasa warembo ambao niliwabadili kama nguo. Rehema hakupenda kuniona nikiishi maisha ya aina hiyo na hivyo alipigania kunibadilisha tabia yangu.

Kwa kweli alikuwa msichana wa aina yake kwangu, aliijua vyema tabia yangu na alijaribu kunibadilisha taratibu. Pia alijua nilikuwa nakunywa pombe, tabia ambayo wazazi wangu na jamaa zangu, ukimwacha kaka yangu Eddy, walikuwa hawaijui kwa sababu nilikuwa nakunywa kwa kujificha ficha sana niwapo mbele yao.

Kuna wakati Rehema alikuwa ananiweka katika mapaja yake akanipapasa kichwa changu huku akinisihi kuachana na pombe jambo alilodai halikuwa na manufaa katika mwili wangu zaidi ya hasara.

Nilikuwa najitetea kuwa pombe ilinisaidia sana kuchangamka hasa kutokana na aina ya kazi zangu zilizokula muda wangu mwingi sana na kunifanya kutumia zaidi akili wakati nikiwa nimekaa kwenye tarakilishi na hivyo kuufanya ubongo wangu uchoke. Pia nilikuwa namwambia kuwa pombe ilinisaidia kuliepuka baridi wakati wa majira ya baridi kwa kunipasha mwili wangu joto.

Muda wote Rehema alikuwa anatabasamu na kunieleza kuwa yeye ndiye pombe yangu na angenichangamsha ninapokuwa nimechoka, na angekuwa blanketi yangu akinikumbatia na kunilaza katika kifua chake wakati wa baridi ili kunipa joto nililolihitaji.

Mwanzoni ilianza kama utani, nilifanya alivyotaka kama njia ya kumridhisha tu ingawa moyoni nilipuuza, taratibu nikajikuta nikiacha kabisa unywaji wa pombe. Mazoea yakajenga tabia na kufikia hatua ndugu zangu na ndugu wa Rehema wakatambua kuhusu uhusiano wetu na hatimaye siku moja nikamvalisha pete ya uchumba.

Lakini kaka yangu Eddy alikuwa na wasiwasi sana na kile kilichokuwa kikiendelea kati yangu na Rehema kwani alijua kuwa sikuwa na mpango wa kumuoa Rehema isipokuwa kucheza na hisia zake tu, jambo ambalo lilikuwa na ukweli kwa kiasi kikubwa.

Kila mara Eddy alikuwa akiniasa nisijaribu kuchezea hisia za Rehema kama sikuwa na mpango wa kumuoa na hakuacha kunikumbusha kuhusu tukio la kuhuzunisha la kifo cha mwanadada Belinda Mwikongi aliyejiua kwa kunywa sumu kutokana na msongo wa mawazo niliomsababishia.

Siku moja tukiwa tumeketi kwenye mgahawa mmoja pale jirani na mgodi wa Buzwagi tukipata chakula, Eddy aliamua kuvunja ukimya.

“Jason!” Eddy aliniita huku akinitazama kwa tuo.

“Naam!” niliitika huku nikimwangalia usoni maana nilishajua ana jambo la kuniambia.

“Ninavyomfahamu Rehema, na ninavyokufahamu wewe naona kama unataka kumchezea tu mtoto wa watu na kumpa msongo wa mawazo usio wa lazima. Sioni namna yoyote itakayokufanya ubadilike,” Eddy aliniambia kwa huzuni.

“Maisha yanabadilika, bro. Kwenye hili suala niko serious kidogo. Badala ya kunihukumu ni bora uniombee tu, nitabadilika…” nilimwambia Eddy kisha nikanyamaza kidogo na kumeza funda la mate ili kutowesha koo langu.

Itaendelea...

 

[Bishop Hiluka]

60

“Kama unavyoona mwenyewe, kila jua linapozama linaashiria mwisho wa siku. Na linapochomoza tena kesho yake huashiria mwanzo wa siku mpya. Hiyo ni ishara kuwa leo tunajivunia ujana lakini kesho tutauaga na kuingia utu uzima na hatimaye uzee, kwa maana hiyo ninapaswa kujitayarisha kwa uzee kwa kubadili mfumo wa maisha yangu,” niliongeza, nikiongea maneno ambayo hata mimi mwenyewe sikuyaamini wala kuwa na uhakika kama yalitoka moyoni mwangu au mdomoni tu.

Eddy aliniangalia kwa umakini akijaribu kuyapima maneno yangu kwa busara, alipima kama niliyasema kwa kudhamiria au nilitaka kumridhisha tu. Hata hivyo alikiri kuwa yalikuwa maneno yaliyojaa hekima na busara, ingawa hakuamini kama yalitoka moyoni kwangu.

Wasiwasi aliokuwa nao Eddy ulitokana na tabia niliyokuwa nayo ya kubadilisha wasichana pasipo kujali kama nilikuwa naumiza hisia zao, tabia ambayo ilijitokeza mara tu nilipoingia katika umri wa balehe. Hata hivyo, Eddy hakuishia kwangu tu bali siku iliyofuata alitafuta nafasi akaongea na Rehema.

“Hivi shem, mmepata muda mzuri wa kusomana na mwenzako kabla hamjavishana pete ya uchumba? Ni kweli unaitambua vyema tabia ya mwenzako na umeridhika nayo?” Eddy alimuuliza Rehema, na sikumbuki Rehema alimjibu nini zaidi ya kuliona tabasamu lake tu likichanua usoni.

Ndiyo, Rehema alitabasamu kwa sababu alidhani kuwa pengine Eddy alikuwa hajui lolote kuhusu wapi penzi letu lilikotoka.

Katika kipindi chote ambacho Rehema alikuwa pale Kahama kwa dada yake akisubiri kupangiwa kazi, alikuwa hawezi kuwa mbali nami kwa zaidi ya siku tatu. Muda mwingi nilipotoka kazini nilimkuta nyumbani kwangu akinisubiri huku akiwa ameniandalia chakula na kusafisha nguo na nyumba yangu kwa ujumla.

Japokuwa nilimwona kama aliyekuwa akitaka kunipanda kichwani na kutaka kunipangia maisha yangu lakini kwa kiasi kikubwa sana alikuwa amenisaidia, kwani ushauri wake ulinifanya, kwa muda mfupi tu, nifanikiwe kujenga nyumba kubwa ya kisasa nje kidogo ya mji wa Kahama, katika eneo la Mwime, na pia niliweza kumiliki viwanja viwili vikubwa katika maeneo ya kibiashara, kiwanja kimoja kikiwa pale pale mjini Kahama na kingine kilikuwa nyumbani Tabora.

Hivyo katika safari hiyo ya saba niliyokwenda Ushirombo, nilikuwa nimemtaarifu Rehema kuwa ningekaa huko kwa siku saba baada ya kuomba ruhusa ya wiki moja kazini kwangu. Nilifika nyumbani kwa Rehema nikamkuta akiwa amevaa dela la zambarau lenye maua ya kijani na nyekundu na alikuwa anafua nguo. Aliponiona aliziacha nguo na kunikimbilia kisha akanikumbatia kwa mahaba huku akiniporomoshea mabusu pasipo kujali macho ya majirani kisha aliniongoza kuelekea ndani ya nyumba.

Tuliingia chumbani kwa Rehema katika chumba ambacho kilikuwa kwenye kona mwisho wa korido, humo ndani kulikuwa na kitanda kikubwa cha futi tano kwa sita, meza ya vipodozi yenye vioo vitatu virefu vya kujitazama na kabati kubwa la nguo la ukutani, na pia kulikuwa na sehemu ya maliwato iliyojitegemea. Rehema alinitaka radhi kuwa anakwenda kusuuza nguo zake na kisha azianike kwenye kamba. Nami nikaingia bafuni kujimwagia maji ili kupunguza uchovu na vumbi la safarini.

Nilipotoka kuoga nilibadili nguo na kuvaa bukta na fulana nyepesi kisha nikaelekea sebuleni, mara nikasikia sauti ya Rehema ikitokea jikoni, alikuwa akitayarisha stafustahi. Nilimfuata kule kule jikoni nikamkuta akikaanga mayai na soseji na wakati huo alikwisha pasha moto kiporo cha wali, mchemsho wa ndizi za Bukoba na samaki aina ya sato.

Muda huo alikuwa amejifunga khanga aliyokuwa ameifungia kifuani na hivyo kuyafanya makalio yake kujichora vizuri kiasi kwamba mwili wangu ukaanza kunisisimka. Nilimfuata na kupitisha mikono yangu kumshika kiuno na kuanza kukiminya minya taratibu.

“Jason bwana, naomba utulie kwanza,” Rehema alisema kwa sauti laini ya chini yenye kitetemeshi.

“Aah…” niliishia kulalama tu, nikashindwa niseme nini.

“Unajua nitaunguza mwenzio,” Rehema alisema kwa sauti tulivu huku akigeuza shingo yake kuniangalia kwa tabasamu.

“Sawa ngoja nikuache,” nilimwambia huku nikimwachia.

“Ndiyo umekasirika?” aliniuliza huku akigeuka kunikabili.

“Hapana, wewe endelea tu, si hutaki nikushike,” nilisema huku donge la hasira likianza kunikaba kooni bila sababu yoyote ya msingi.

“Basi njoo,” Rehema alisema huku akinivuta mkono na kunipiga busu la mdomoni kisha akaniletea mdomo wake na kupitisha ulimi wake ndani ya kinywa changu taratibu huku mkono wake mmoja akiupeleka chini na kuanza kuminyaminya taratibu.

“Ooh, unaunguza chakula,” nilimgutusha Rehema na kumfanya aniachie haraka. Kisha alivigeuza geuza vyakula na kuviipua toka jikoni kabla hajazima jiko lake la gesi na kunigeukia.

“Sijui utakula kwanza ndiyo ule au unakula kwanza halafu ndiyo utakula?” Rehema aliniuliza kwa sauti laini ya mahaba huku akiibinua midomo yake mizuri.

Kwa kweli sikuwa na jibu la kumpa maana nilitamani kula kwanza kabla sijala, lakini pia nilikuwa na njaa, hivyo nilibaki nikimtazama kwa macho yaliyojaa ubembe wa huba huku nikiuhisi moyo wangu ukienda mbio kama saa mbovu! Mara mawazo yakaanza kunipitia kichwani kwangu haraka haraka, nilijiuliza, kwani nilikuwa na matatizo gani hadi nizuzuke na ‘visungura tope’ huko mtaani wakati nilikuwa naye msichana mzuri mwenye sifa zote za kuwa mke!

Ndiyo. Rehema alikuwa na kila kitu ambacho wasichana wengine wengi walikikosa. Kila kitu!

“Jason!” sauti ya Rehema ilinizindua toka kwenye lindi la mawazo.

“Naam!” niliitikia huku nikishusha pumzi za ndani kwa ndani.

“Mbona umeduwaa?” Rehema aliniuliza huku akiwa ameyatuliza macho yake kwenye uso wangu.

"Nilikuwa nakutazama wewe,” nilisema kwa utulivu kisha nilipeleka mkono wangu wa kuume kwenye shingo yake nzuri na kuanza kuipapasa.

“Uliponitazama umeona nini?” Rehema aliniuliza tena, mara hii alikuwa kaifumbata mikono yake kifuani akiyumba kushoto na kulia na tabasamu halikumwacha usoni. Kama ilivyo kwa wanawake wote, naye alipenda sana kusifiwa.

“Nimeona vishimo mashavuni,” nilimjibu kwa utani lakini nikamwona akikunja sura yake.

“Vishimo tu vya mashavuni ndiyo vikufanye kuduwaa kiasi hiki! Kwani hujawahi kuviona?” Rehema aliniuliza kwa mshangao.

“You are so beautiful, my love! Kila siku unazidi kuwa mzuri na kuvutia mno hadi naanza kupatwa na hofu huenda naibiwa!” nilisema kwa utani huku nikiyatuliza macho yangu usoni kwake.

“Ahsante,” Rehema alijibu na kuongeza, “Hata wewe ni handsome sana.” Kisha aliachia tabasamu, lakini nilipomwangalia kwa umakini niligundua kuwa halikuwa tabasamu la furaha bali lilificha huzuni ndani yake.

“Hata hivyo, sina hakika kama kweli unahofia kuibiwa maana ingekuwa hivyo basi ungekuwa umeshafanya kweli siku nyingi!” Rehema alisema kwa sauti ya chini ya unyonge.

“Mwaka huu hauishi lazima nifanye kweli,” nilimwambia huku nikizidi kuipapasa shingo yake na kumfanya afumbe macho yake huku akiusikilizia mpapaso wangu.

“Haya! Yangu macho…” alisema kwa sauti tulivu. “Basi twende tukale,” aliongeza huku akianza kubeba chakula.

Nilimsaidia kubeba chakula hadi kwenye meza ya chakula, akaandaa meza na kisha akalifuata jokofu na kutoa sharubati ya parachichi pamoja na chupa ya maji baridi. Rehema alikuwa msichana fundi mno wa kupika na kwa kweli nilianza kumwomba Mungu anipe nguvu na kuniondolea matamanio ili nimuoe Rehema na awe mke wangu.

Kilikuwa chakula kitamu sana ambacho sikuweza kukumbuka ni nani mwingine aliwahi kunipikia chakula kitamu namna ile. Kwa kweli ilikuwa Jumamosi tulivu mno na hali ya hewa ilikuwa ya ubaridi kidogo. Wakati tukila macho ya Rehema yalikuwa yakinitazama kiwiziwizi na mkono wake mmoja ulikuwa shingoni huku, mdomo wake ukitaka kuongea jambo lakini akili yake haikuonekana kukubaliana. Pia niligundua kuwa akili yake haikuzama kwenye kile chakula pale mezani badala yake alikula taratibu kwa kukipekua pekua.

Nilianza kumhurumia sana kwa kumpenda mwanamume kama mimi nisiyejua thamani ya mwanamke bali nilichotamani ni kile kilichofichwa ndani ya andawea ya kila msichana niliyekutana naye huku nikiwabadili wasichana kama nguo.

Itaendelea...

 

[Bishop Hiluka]

61

“Si jambo zuri hata kidogo!” nilijionya mwenyewe kimoyomoyo. “Si vizuri kuumiza hisia za mwanamke kama Rehema, mwanamke anayenipenda kuliko hata nafsi yake. Ananivumilia kwa mengi na pia ametulia sana. Huyu ndiye anafaa kuwa mke wangu.”

Mawazo yalizidi kunipitia kichwani, ghafla, kama niliyezinduka katika usingizi mzito, nilijikuta nikipatwa na kizunguzungu. Kwa nukta chache nikashindwa kuwaza lolote. Nilifinya macho yangu, na kwa mbali, lakini wazi kabisa, nilisikia sauti fulani ikinisema. Ilikuwa sauti tulivu sana na ya kirafiki lakini iliyoonya. Haikuwa sauti ya mwanamume wala ya mwanamke.

Sauti ile ilipenya vyema masikioni mwangu, ikaujaza ganzi mwili wangu wote. Ilikuwa inanikumbusha kuhusu matendo yote machafu niliyokuwa nikiyafanya. Na muda huo huo picha fulani ilikuwa inapita mbele ya macho yangu. Haikuwa picha nzuri hata kidogo! Niliweza kuuona uchafu wangu wote, nikaanza kujishangaa sana. Sikujua tabia hiyo niliitoa wapi kwani sikukumbuka kama ndugu zangu walikuwa hivyo! Mara nikayakumbuka maneno ya kaka Eddy aliyoniambia siku moja tulipokuwa safarini; “Jason, siyo bure, utakuwa umelogwa wewe…”

“Jason, mbona kama una mawazo mengi?” sauti ya Rehema ilipenya masikioni kwangu na kunizindua kutoka kwenye lindi la mawazo.

“Hapana, nipo sawa mpenzi wangu,” nilimjibu lakini sauti yangu ilionekana kunisaliti.

“Sawa kama usemavyo ndivyo… ingawa nina uhakika kuna kitu unawaza,” Rehema alijibu na kushusha pumzi za ndani kwa ndani. kisha akauuma ulimi wake kwa kitambo. Nilitabasamu pasipo kusema neno lolote.

“Bwana Jason Sizya,” Rehema aliniita kwa sauti laini ya chini na kunifanya nishtuke sana. Sikukumbuka kama aliwahi kuniita jina langu kwa ukamilifu wake.

“Naam mpenzi, nakusikiliza,” nilisema huku mapigo ya moyo wangu yakianza kwenda mbio.

“Mbona umeshtuka?” Rehema aliniuliza huku akiwa ameyatuliza macho yake usoni kwangu.

“Nimeshangaa kwa jinsi ulivyoniita jina langu!” nilimwambia huku nikitabasamu.

“Ni kweli, nimefanya hivyo kutokana na umuhimu wa jambo ninalotaka kukwambia.”

“Sawa nakusikiliza, mpenzi.”

“Nikuulize swali moja?” Rehema aliuliza huku akiminyaminya vidole vyake kama mtoto anayedeka kwa baba yake.

“Uliza tu hata maswali mia moja,” nilisema huku nikiendelea kutabasamu.

“Unanipenda kwa dhati?” Rehema aliuliza swali ambalo lilinishtua sana. Nusura nipaliwe na sharubati niliyokuwa nakunywa niliposikia swali hilo. Nilikohoa kidogo, nikakunja uso wangu katika namna ya kumwangalia Rehema usoni.

Kiukweli nilishindwa kuuficha mshituko wangu na uso wangu ulionesha maumivu kiasi fulani. Tabasamu lililokuwa limetawala usoni likayeyuka ghafla, nilitaka kumwambia ‘ndiyo nakupenda kwa dhati’ lakini nikahisi hatia ikinikaba kooni. Na hivyo nikashusha pumzi ndefu kisha nikaminya midomo yangu.

Ni wazi Rehema alinipenda sana kwa hisia zake za ndani kabisa na alikuwa anaumizwa na tabia yangu. Hakuwa kwenye maigizo kila alipokuwa akiniambia kuwa ananipenda na moyo wangu ulitambua hilo. Lakini kwa upande wangu sikujua kama nilichojihisi kwake lilikuwa ni pendo la dhati au maigizo! Sikujua!

Kipindi chote wakati mawazo hayo yakipita akilini kwangu Rehema alikuwa ananiangalia kwa umakini na baada ya kitambo fulani aliachia tabasamu.

“Mbona unafikiria sana, au huna jibu?” Rehema aliniuliza huku akiendelea kunitazama kwa umakini.

“Nimeshangaa kuona unauliza jibu… ndiyo nakupenda,” hatimaye nilijibu lakini sauti yangu ilikuwa inanisaliti.

“Nataka unihakikishie kwa matamshi yako, Jason,” Rehema alisisitiza.

“Nakupenda kuliko ninavyoweza kutamka… nadhani hata moyo wako unajua hilo,” nilisema huku hisia katika moyo wangu zikionesha kutokukubaliana kikamilifu na kile nilichokuwa nikisema. Mara nikajikuta nikianza kulengwa lengwa na machozi. Sikujua kwa nini!

“Najua, baba. Ndiyo maana upo hapa au siyo? Na kama ndivyo, hebu naomba unisikilize kwa makini…” Rehema alinyamaza kidogo, akailamba midomo yake. “Nimevumilia kwa miaka miwili sasa nikitarajia kuona unachukua hatua stahiki lakini hadi sasa sioni kinachoendelea! Mimi pia natamani kuwa na familia na niwe na watoto… kwani kuna tatizo gani, mpenzi wangu? Ni vyema tukaelezana ukweli…” Rehema aliongea kwa uchungu.

“Hakuna tatizo lolote, kwani vipi!” nilimuuliza Rehema kwa sauti tulivu lakini nilikuwa nimekosa kabisa ujasiri.

“Unajua, Jason…” Rehema alisema huku akiminya midomo yake, muda huo alionekana kuzungumza kwa shida kidogo, macho yake yakinitazama kwa umakini huku yakionesha kuwa na fikra nzito.

“Siwezi kusema kuwa hakuna vishawishi ninavyokumbana navyo… naomba utambue kuwa… sisi wanawake tunaishi katika mazingira magumu sana. Tunakumbana na mambo mengi sana na mengine ni siri yetu. Na wakati mwingine tunashindwa tufanye nini!” Rehema aliongeza. Japo sauti ya Rehema ilikuwa tulivu na ya chini lakini niligundua kuwa ilibeba uchovu na mitetemo. Sikujua ni kwa sababu ya simanzi au hasira.

“Wakati mwingine mtu unajikuta unajuta ni kwa nini ulizaliwa mzuri…” Rehema aliongea tena kisha akakaa kimya, lakini hakuacha kuniangalia usoni.

Nilimwangalia kwa umakini mkubwa nikihisi mambo hayakuwa sawa. Donge fulani hivi, sikujua kama ni la wivu au hasira, na udadisi vilinisonga kwa pamoja. Nilihisi kuwa yawezekana kutokana na maelezo yake alikuwa na mpango wa kuachana na mimi, na au pengine alikuwa amepata mwanamume mwingine aliyekuwa akimpa ‘tunda’ langu!

“Kwa maana hiyo, unataka tuachane au umeshapata mwanamume mwingine?” niliuliza kwa udadisi.

“Sina maana hiyo… na wala sina uhusiano na mwanamume mwingine yeyote zaidi yako. Na siwezi kukufanyia hivyo!” Rehema alisema na kushusha pumzi za ndani kwa ndani.

“Sasa ni siri gani hizo unazoficha moyoni ukashindwa hata kuniambia mumeo mtarajiwa?” nilimuuliza kwa hamaki na kuanza kujishangaa.

Rehema aliniangalia kwa umakini sana kwa kitambo fulani kisha alionekana kumeza mate kutowesha koo lake ambalo nilihisi huenda lilianza kukauka.

“Mpenzi wangu, naomba usinichukie kwa kusema ukweli…” Rehema alisema huku akinitulizia macho. Nilibaki kimya nikimwangalia huku mapigo ya moyo wangu yakianza kwenda mbio isivyo kawaida.

“Kipindi chote cha uhusiano wetu nimekuwa kwenye wakati mgumu mno wa kuamua kuhusu hatma yetu. Mimi ni binadamu, itafika wakati nitashindwa kuhimili mawimbi ya vishawishi ninavyokumbana navyo, mwenzangu hujali kabisa hisia zangu na inaonesha wazi huna ‘future’ na mimi… labda unanichukulia kama kishikizo tu unitumie kisha nikichakaa uachane na mimi!” Rehema alisema kwa utulivu lakini sauti yake iliendelea kuwa ya chini na iliyobeba uchovu na mitetemo.

“Bahati mbaya sana tayari watu wameshapeleka taarifa za ajabu huko nyumbani zinazokuhusu wewe na zimeshaanza kuleta mtafaruku mkubwa kati yangu na wazee. Baba amechachamaa mno maana kuna wachumba zaidi ya watatu wameshajitokeza kutaka kuniposa lakini mimi nimewakataa kwa ajili yako. Jana tu nimetoka kugombana na mama kwenye simu, anataka kujua hatma yangu na wewe ni ipi…” alisita kidogo.

Sikuweza kuongea kitu bali nilibaki kimya nikimwangalia kwa umakini, bado niliweza kugundua kuwa mdomo wake ulitaka kuongea jambo lakini akili yake ilikataa. Nikajiuliza alikuwa na jambo gani alilosita kunieleza? Kabala sijauliza nikamwona akifungua mdomo wake kuongea.

“Wazee wamenipa masharti…” Rehema alisema na kunyamaza huku akifuta machozi yaliyoanza kumlenga lenga machoni.

“Ni masharti gani uliyopewa?” nilidakia haraka huku nikihisi mwili wangu ulikuwa umepatwa na ganzi.

Itaendelea...

 

[Bishop Hiluka]

62

“Najua ndoa hupangwa na Mungu… na si wote waliooana walitaka kuoana na hao waliooana nao, hasha, si wote! Naomba uwe mkweli kwangu ili usizidi kuumiza moyo wangu… sharti nililopewa ni kwamba imetolewa miezi sita kama hutakamilisha taratibu zozote basi wazee wataingilia kati na kukatisha uhusiano wetu!” Rehema alisema na kushindwa kuvumilia. Machozi yalianza kummwagika utadhani milizamu iliyopasuka na kuufanya moyo wangu upige kite kwa nguvu, kutokana na kile nilichokisikia.

Japo ningeweza kutarajia kitu kama hicho lakini si kwa namna nilivyokisikia. Pamoja na mshituko, nilijikaza na kuuma meno yangu, mapigo ya moyo wangu yalizidi kwenda mbio isivyo kawaida. Nikajikuta nikiwa njia panda ya kuamua ama nipeleke posa kwao kisha nimuoe au niendelee na msimamo wangu wa kutooa na niachane naye ili nisiendelee kumpotezea muda.

“Mi nadhani hakuna kitakachoharibika, kwani safari hii nimekuja kwa ajili ya kuzungumzia mustakabali wetu,” nilimwambia Rehema kwa sauti ya utulivu sana huku nikipeleka vidole vyangu kufuta machozi yaliyokuwa yakitiririka mashavuni kwake.

“Kweli?” Rehema aliniuliza akionekana kutoamini kile alichokisikia.

“Ndiyo. Kama nilivyokwambia nimeomba ruhusa ya wiki moja ili tupate wasaa mzuri wa kupanga mambo yetu maana nimeshachoka na aina ya maisha ninayoishi. Sitaki nizeeke nikiwa kapela… sitaki nizeeke nikiwa na matendo yanayodhihaki umri wangu. Nataka nizeeke nikiwa na mke mzuri na watoto ili hata nikifa basi nife nikiwa na heshima…” niliongea maneno yale kwa hisia na kujiamini sana, na hapo nikauona uso wa Rehema ukichanua kwa tabasamu maridhawa. Alikuwa amefurahi sana na kupata tumaini jipya.

Mara nikaanza kuisikia tena ile sauti tulivu ya kirafiki ikinisema. Bado sikujua kama ilikuwa ya mwanamume au mwanamke na maneno niliyoyasikia yalikuwa ya kuonya, nami nilijitahidi kuyasikiliza kwa umakini. Sauti ilipenya vyema kwenye ngoma za masikio yangu na kuujaza ganzi mwili wangu wote. Nilishusha pumzi ndefu, nikamwangalia Rehema huku nikilazimisha tabasamu.

Kwa furaha aliyokuwa nayo Rehema alishindwa kujizuia, akasimama na kuja nilipoketi, akaninyanyua na kunikumbatia kwa nguvu kisha akanipiga mabusu mawili mazito yaliyoashiria upendo wake wa dhati kwangu. Nami sikuwa mzembe na wala sikutaka kumhuzunisha, niliyajibu mabusu huku nikimminyaminya kimahaba baadhi ya sehemu za mwili wake na kujikuta nikimchanganya zaidi.

Tulisimama tukatazamana katika hali ya matamanio, huku macho yetu yakionesha kiu ya kila mmoja wetu aliyonayo dhidi ya mwenzake. Kisha alinikumbusha kuwa tulitakiwa kwanza kumalizia chakula.

Sasa tulikula huku mazungumzo ya hapa na pale kuhusu mustakabali wetu yakiendelea. Tulipanga ni aina gani ya watoto tuliwahitaji na idadi yao, majina yao na hata shule ambazo wangesoma… tulianza kulishana, nilimlisha na yeye akanilisha kwa upendo. Tuliendelea kufanya hivi na vile ilimradi tulijaribu kuoneshana upendo.

Kama angetokea mtu muda huo akatutazama angejua moja kwa moja kuwa tulikuwa wapenzi tuliopendana kwa dhati. Tena kwa penzi lisilo la unafiki, penzi lisilo la ushirika. Tulipomaliza chakula Rehema akaniambia kuwa jioni ya siku hiyo tungetoka kwenda sehemu ili kukamilisha furaha yetu. Ndiyo. Aliamua kunipeleka sehemu fulani tulivu ambayo aliamini kuwa ningeifurahia, na siku yetu ingekuwa njema.

Muda mfupi baadaye ulitukuta tukiwa chumbani tukioneshana utundu kwenye ulimwengu wa huba. Kila mmoja kwa kadiri alivyojaaliwa na muumba. Tulipoona imetosha kwa muda huo tulielekea bafuni ambako tulioga na kuogeshana. Kuogeshana huko kulitufanya tuziamshe tena ashki zetu na kujikuta tukiikata kiu yetu huko huko bafuni.

* * *

Endelea kufuatilia simulizi hii ya kusisimua...

 

[nyakisese]

 

[moneytalk]

thnx darlin nimefika

moneytalk njoo upate utam babe!

 

[Dafugwadu]

Tupo pamoja.