RIWAYA: Black star

Black star 2: Astra 21







"Karibu na samahani kwa usumbufu" aliongea Fang Shi akimuonesha Fahad kiti cha kukaa. Akakaa na kutulia bila kuongea kitu, uso wake tu ulionesha kuchukizwa na tukio lililotokea.



"Najua kijana wangu atakuwa amekuudhi lakini kwa niaba yake naomba msamaha" aliongea Fang Shi na kuinamisha kichwa. Fahad akashusha pumzi na kutabasamu, "achana nayo yashapita hayo" aliongea.



"Nashkuru kwa uwelewa wako, naomba nikufahamu jina lako" aliongea baada ya hali ya hewa kuwa nzuri.



"Mimi naitwa Fahad, na huyu ni mwanafunzi wangu Rahee. Sisi tumetokea Astra, tumeingia Sekai siku kadhaa tu" aliongea.



"Umesema umetoka Astra, lakini huu si msimu wa mlango kufunguliwa eti" alistaajabu.



"Kwani huwa kuna mlango maalum wa kuingilia huku"



"Ndio na utafunguka miezi miwili ijayo" alijibu.



"Basi sisi tulikiwa hatujui"



"Kwa hiyo mumefikaje?"



"Tumepita katika Koridoo ya muda"



"Ko ko...koridoo ya muda, wengi wanaopita huko hupotea kabisa au huchukuwa mpaka mwaka"



"Sasa mimi naomba hilo liwe siri kati yetu, sitaki macho mgongoni kwangu" aliongea Fahad na kukunja ndita.



"Sawa hakuna shida, mpaka umekuja hapa ni wazi kwamba una shida inayohitaji kutatuliwa"



"Ndio, nahitaji makazi".



"Kawaida huwa tuna maeneo ambayo wageni wetu hufikia hasa wale wanakatikaza kutoka ulimwengu mmoja kuingia mwingine. Lakini wewe umekuja mapema, hivyo wale waliokuwepo tokea mwanzo hawajaondoka na chama hakina makazi ya ziada".



"Si lazima yawe ya chama"



"Alaa, kuna makazi lakini yako mbali sana na hapa. Ni nyumba iliyojitenga, ipo mlimani na karibu yake hakuna nyumba nyingine. Ni nyuma ya aliekuwa mwenyewekiti aliepita kabla hajapata utakaso na kuelekea limwengu za juu zaidi".



"Hiyo hiyo itatosha, kwanza sipendi kukaa kwenye vurugu nyingi, tael ngapo kwa mwezi"



"Tatiza sio tael, kabla hajaondoka alisema mwenye sifa ndie atakaeweza kuishi pale lakini hakuzitaja sifa".



"Oh! Twende tukajaribu kama sifa ninazo" aliongea Fahad.



"Sawa subiri nieke mambo sawa, kisha tutaondoka" aliongea.



Fahad na Rahee wakatoka na kuelekea kwenye meza kwa ajili ya kusubiri. Ndani ya tawi hilo kulikuwa na mgahawa uliokuwa ukitoa huduma za chakula. "Master mimi nahisi njaa" aliongea Rahe akimeza funda kubwa la mate baada ya kunusa harufy ya chakula.



"Agiza chakula" aliongea Fahad, Rahee akainua mkono. Akafika mhudumu wa kike, "karibuni niwasaidie chakula gani" aliongea kwa sauti ya upole.



"Chakula namba moja mnachopika hapa" aliongea Rahee.



"Sawa" aliitika na kuondoka.



"Master lini utaanza kunipa mafunzo" aliongea Rahee kwa shauku akimuangalia Fahad usoni.



"Tukishapata makazi utaanza mafunzo" alijibu kwa kifupi tu na kuendelea kuzungusha macho yake kulia na kushoto. Alihisi kitu hakipo sawa, kazi zilikuwa nyingi katika ubao wa matangazo lakini hakuna mtu aliekuwa akishughulika nazo.



"Samahani kwa kuwasubirisha" alifika yule mhudumu akiwa na sinia kubwa iliokuwa na vyakula vya aina mbali mbali.



"Tael ya dhahabu moja" aliongea baada ya kuituwa mezani, Fahad akaingiza mkono mfukoni na kutoa tael hiyo. Akamkabidhi kisha akamuongeza tael nyingine ya shaba kisha akaongea "kama hutojali unaweza kunieleza jambo".



"Mbona ubao wa matangazo umejaa kazi lakini sioni mtu kushughulika?" Aliuliza Fahad.



"Hivi karibuni kumekuwa na matukio mengi ya wawindaji kuuwawa wanapokuwa kazini. Inasemekana huu ni msimu wa wanyama wakali sana wa kijini wanaotoka katika mapango yao kusini mwa mlima Zingi. Hivyo zoezi la wawindaji limesitishwa mpaka sherehe kuwinda zitakapowasili" alifafanua yule mhudumu.



"Anhaa, Ahsante sana" aliongea Fahad na kutabasamu, yule mhudumu akainamisha kichwa na kuondoka.



"Master wewe hutaki kula" aliongea Rahee akiwa nusu sahani, "kama ungetaka nile ungenikaribisha mwanzo kabla hujaanza kula. Hata hivyo chakula hakitutoshi watu wawili, mimi ili nihisi nimekula nikashiba basi angalau nile nusu nyati" aliongea Fahad.



"Nani mwengine zaidi ya Master wangu mwenye uwezo kama huwo" alisifia akiendelea kula. Jambo moja ambalo Rahee alikuwa vizuri ukiachia martial arts basi ilikuwa ni kula. Kwao alitambulika kama mfalme wa chakula asiepingika.



Wakati wakiwa hapo, Fang Shi akafika. "Samahani kwa kukuweka sana" aliongea.



"Usijali, kwanza huyo jamaa hata hajamaliza kula" alijibu Fahad. Rahee hakuongea jambo aliendelea kufakamia kama sinia ikawa nyeupe. "Mffffuuu!" Akaegemea kitu huku akipigapiga tumbo lake lililoonekana kujaa.



***********



"Huu ndio mlango wa kuingilia katika eneo la nyumba hii lakini hakuna hata mmoja alieweza kuufungua" aliongea akiwa amesimama mbele ya mlango mkubwa wa chuma. Fahad akauangalia mlango huwo kwa makini na kushusha pumzi.



"Umesema hakuna alieweza kuufungua huu mlango" aliuliza.



"Ndio, tumejaribu sana lakini imeshindikana kabisa"



"Lakini mbona naona kabisa kama hauna shida huu mlango" aliongea na kuusukuma kidogo tu. Mlango ukatikisika na kutoa vumbi kabla ya kufunguka. Macho yakamtoka Fang Shi. Mlango ambao umewashinda watu wengi, Fahad ameusukuma kama si kitu vile.



"Umewezaje kuufungua kirahisi hivi" ikabidi aulize maana alihisi shauku lingemtia roho.



"Ah, huu mlango ili ufunguke ulikuwa unahitaji mtu asafirishe Neigong kutoka mwili mwake na kuingiza katika chuma hichi" aliongea mvukr wenye rangu ya ajabu ukatika mwilini mwake na kuingia kwenye chuma.



"Neigong ndio nini" aliuliza kwa sintofahamu.



"Neigong ni nguvu ya akili, wengie wenu hamujifunzi kuitumia kwasababu ya mumewekeza sana katika matumizi ya Qi" alijibu na kuendelea "ukitaka kujuwa zaidi kuhusu neigong na nguvu nyingine za asili zinazopatikana katika mwili wa binadamu inabidi uandae siku maalum nikueleze".



"Nitafanya hivyo, kwa leo mi naomba niishie hapa nikuache upumzike".



"Tutakuwa katika mafunzo kwa miezi mitatu, nitakutafuta nikitoka" aliongea Fahad na kuagana na Fang Shi kabla ya kuufunga mlango huwo mkubwa.



"Master na mimi nataka nijifunze Neigonga kama wewe" aliongea Rahee.



"Wewe hutaweza kujifunza, leo tupumzike. Kesho nitakueleza kwanini huwezi kujifunza neigong" aliongea Fahad na kumuangalia Rahee machoni. Aliiona kabisa huzuni katika macho yake lakini hakukuwa na njia nyingine.



Waliikagua nyumba hiyo nzima na mazingira yote yanayozunguka eneo hilo. Walipojiridhusha kila mmoja akachagua chumba cha kulala na kupumzika.



Fahad akiwa chumbani, "inaonekana watu wengi huku wanajifunzia kutumia Qi peke yake. Hii inaeleza kwanini misingi yao ni mibovu sana" alikuwa akijisemea mwenyewe.



Akasimama katikati ya chumba na kufunga macho, "hatua ya kwanza, Neigong katika akili" aliongea kufunga macho. Mvuke wenye rangi ya maruni ukaanza kutoka mwilini mwake. Macho yake yakabadilika na kuwa mekundu, kila kitu katika chumba kilikuwa kama kimeganda. Akili yake ilikuwa inafanya kazi mara kumi zaidi ya akili ya binadamu wa kawaida.



Hadi wadudu warukao alikuwa akiwaona wakiruka taratibu kabisa. Akatoa sindano kadhaa na kuzirusha kwa kasi, kila moja ilivyochoma ukutani ilikuwa na imedunga mdudu. Akashusha pumzi na kuangalia dirishani, mwezi ulishafika katikati.



"Usiku umekwenda sana" alijisemea na kupanda kitandani. Badala ya kulala akakaa kitako na kukunja miguu, akalala kwa mfumo huwo.



 
THE KAGERA GRAND TOUR:

Baada ya Mh Rais kutangaza Utalii kupitia FILAMU ya THE ROYAL TOUR Sepenga Entertainment inakusogezea wasanii wa fani tofauti tofauti kutangaza VIVUTIO Vinavyopatikana Mkoa wa KAGERA TOUR basi jua kuwa sisi hatutanii tumedhamiria Kuitangaza Kagera na vivutio vyake ili kuongeza pato la Mkoa wa Kagera ambao umebarikiwa HISTORIA na vivutio vingi sana wadau mbalimbali wanaendelea kuunga mkono wewe unasubiri nin ? THE GRAND KAGERA 🔥🔥🔥

Cc:

@sepenga_entertainment
@thegrand_kagera_tour
@michaelkabogo1141
@michaelkabogo83gmail
@ikulu_mawasiliano
@maliasilitz
@wizara_sanaatz
@wizarayamaliasilinautalii
@gersonmsigwa
@dktabbasi
@angellah_kairuki
@mike_sangu666
@coletharaymond
@herietycyrilychumira
@soudy_visuall
@aimbora_75
@tawa_tanzania @tawa.tourism
@tanzania_national_parks @tanapa_tanzania
@soggydoggyanter
@tanzania_film_board
@cosotatanzania
@basata.tanzania
@mkonowamkonole
@halimadachi99
@baraka_cake_mrfundi
#thegrandkageratour2024
#thegrandkageratour2024
 
THE SPIRIT THINKER said:
ZIARA KUU YA KAGERA:

Baada ya Mh Rais kutangaza Utalii kupitia FILAMU ya THE ROYAL TOUR Sepenga Entertainment inakusogezea wasanii wa watu tofauti tofauti kutangaza VIVUTIO Vinavyopatikana Mkoa wa KAGERA TOUR basi jua kuwa sisi hatutanii tumedhamiria Kuitangaza Kagera na vivutio vyake ili kuongeza pato la Mkoa wa Kagera ambao umebarikiwa HISTORIA na vivutio. vingi sana wadau mbalimbali wanaendelea kuunga mkono wewe unasubiri nin ? THE GRAND KAGERA 🔥🔥🔥

Cc:

@sepenga_burudani
@thegrand_kagera_tour
@michaelkabogo1141
@michaelkabogo83gmail
@ikulu_mawasiliano
@maliasilitz
@wizara_sanaatz
@wizarayamaliasilinautalii
@gersonmsigwa
@dktabbasi
@angellah_kairuki
@mike_sangu666
@coletharaymond
@herietycyrilychumira
@soudy_visual
@aimbora_75
@tawa_tanzania @tawa.tourism
@tanzania_national_parks @tanapa_tanzania
@soggydoggyanter
@tanzania_filamu_board
@cosotatanzania
@basata.tanzania
@mkonowamkonole
@halimadachi99
@baraka_cake_mrfundi
#thegrandkageratour2024
#thegrandkageratour2024
Click to expand...
4a
 
Black star 2: Astra 22
Siku ya pili mapema asubuhi.

"Rahee, wewe unafahamu aina ngapi za nguvu zinapatikana katika mazingira asili?" Aliuliza Fahad akirukaruka kupasha misuli.

"Mbili tu, Qi na DoQi"

"Hizo ndizo wengi mnazifahamu. Lakini kabla ya mtu kufika kutumia Qi au DoQi basi huwa kuna nguvu za asioi zinazopatikana katika mazingira huwa anaziacha. Ziko za aina nne. Nazo ni Neigong, Weigong, Qigong na Chakra".

"Lakini chakra nimefundishwa kuwa ni daraja la juu zaidi, mtu mpaka afike hapo ndio anaweza kuihisi chakra katika mwili wake" aliongea Rahee.

"Ni sahihi hivyo lakini ni kwasababu wengi hatujifunzi kuihisi mwanzo kutokana na kuwa ngumu sana kufanya hivyo. Mimi leo sitakufundisha kuhusu chakra kwasababu hiyo ili kuitumia inahitaji akili iliokomaa na mfupa thabiti ili kuhimili msukumo wake".

"Leo nitakufundisha Weigong pamoja na Qigong, hizi ni aina pekee ambazo zitakuwa na msaada kwako. Kama ilivyo Neigong ni nguvu ya akili, uwezo wa kutumia akili yako kupita viwango vya asili. Weigong ni uwezo wa kutumia misuli kuvuka uwezo wake. Qigong iko taratibu sana lakini itakusaidia kukomaza na kuirekebisha dantian yako kuu iliyoharibika".

"Unaposema iko taratibu sana unamaanisha inaweza chukuwa muda gani mpaka dantian kurekekebishika kabisa".

"Miaka hamsini mpaka mia moja au zaidi, na sisi hatuna huwo muda. Nitakufanya uwe gwiji wa kutumia weigong, ukufanikisha hilo utaweza kutumia DoQi kama vile una dantian katika mwili wako. Nikueleze tu, safari haitakuwa rahisi kabisa. Nikisema neno rahisi nitakuwa nakudanganya, itakuwa kiama".

"Kwa niliyopitia, sidhani kama kiama ni neno ninaloliogopa tena" alijibu Rahee kwa kujiamini.

"Sawa kama utaweza kutoyameza maneno yako" aliongea Fahad na kuendelea "weigong ni nguvu ya asili inayotumika na misuli. Wakati Qi ikiwa ni kama hewa, weigong ni kama maji. Japo vyote hufaana na vifaa vinavyohifadhiwa lakini kuna utofauti mkubwa sana".

"Maji yanatabia kubwa ya kutengeza njia mbadala pale yanapozuiwa kupita katika njia yake ya asili. Ikishindikana yanavunja palipozuiwa ili kuendelea na safari yake. Jambo la kwanza nitakalokufundisha ni uwezo wa kuihisi weigong na kutofautisha kutoka katika nguvu zingine za asili".

"Toafuti za nyingine, weigong unaihisi na miguu yako. Kwa mtu anaeanza inabidi afanye hivyo bila kuvaa viatu" aliongea Fahad na kuvua vya kwake. Rahee nae akafanya hivyo, akaanza kumuelekeza.

"Tembea bila kuinua miguu" aliongea Fahad akionekana kama aliekuwa akicheza ngoma fulani ya asili. "Funga macho halafu fikiria kama unakanyaga maji. Utahisi nyayo zako kama zinarowa, ukianza kuhisi hivyo ndio ufahamu umeanza kuihisi weigong" aliongea Fahad.

Siku nzima iliisha katika mfumo huku Rahee akiwa bado hajahisi alichoambiwa. Jioni Fahad aliingia porini na kukamata wanyama wawili wakubwa mithili ya ng'ombe. Akarudi nao kuwaanda kabla hajatengeza moto mkubwa na kuwachoma. Usiku kila mtu akala nyama mpaka akashiba, Rahee alishindwa kumaliza lakini Fahad alikula nyama yote na kunywa maji mengi.

Baada ya hapo wakaagana na kila mmoja akaingia chumbani kwake kwa ajili ya kupumzika. Kama jana yake Fahad hakulalia mgongo, alikaa kitakao na kuzungusha miguu yake kisha akalala katika mfumo huwo.

Wiki moja baadae.

"Master nimeanza kuhisi hali ya ubaridi nyayoni" aliongea Rahee akionekana kufurahi.

"Safi sana, endelea na uhakikishe hiyo hali unaendelea kuihisi na kuielewa" aliongea Fahad akiwa anafanya mazoezi mengine.

Ghafla Rahee akasikia sauti kama ya tone la maji lililokuwa linaingia katika ndoo ya maji. Taratibu misuli yake ikaanza kucheza cheza kama vile mifuko iliokuwa na maji ndani.

Akashtuka baada ya kuanza kuona kama michirizi ya maji ikiingia katika nyayo zake. "Rahee usiwe na pupa" alizindulika baada ya kuguswa bega na Fahad.

"Master sijawahi kuhisi hali ya utulivu kama hii ya sasa" aliongea huku machozi yakimtoka.

"Maji ni dawa, ukiwa unahisi uchovu na ukajiroweka kwenye maji basi uchovu wote utaondoka. Akili yako imekuwa katika madhila mengi sana, ila ulivyoanza kuihisi weigong tu basi ni kama vile ulieitia kwenye bakuli la maji yenye ubaridi usiokera, hilo linaitwa "maelewano ya roho na kiwiliwili (harmony)" aliongea Fahad.

"Master ukifika katika hicho ndio unaelea kama hivyo" aliuliza Rahee.

"Oh!" Alishtuka Fahad na kuanza kurudi chini, alikuwa akielewa sentimeta chache kutoka ardhini.

"Wow! Na mimi nataka nifikie uwezo kama huwo" aliongea Rahee akionekana kabisa kutamani alichokisema.

"Hili wala huhutaji kulitilia maananni sana, ukifika uwezo wa kuwa kama mto unaochuruzika maji bila kukauka. Utapata Harmony" aliongea Fahad.

Rahee akaendelea na mazoezi na mpaka siku hiyo inaisha, uwelewa wake kuhusu weigong ulikuwa umeongezeka sana. Jioni walikula na kila mmoja akaelekea chumbani kwake kwa ajili ya kupumzika. "Akiendelea hivi, ndani ya mwaka mmoja anweza kuanza kujifunzia kitabu cha pili cha weigong" alijisemea Fahad akiwa chumbani kwake.

*******

Geti kuu la kuingilia ngome ya Zinga, anaonekana farasi akija kwa kasi lakini aliemgongoni alionekana kama mzigo. Mlinzi mmoja kati ya wanne waliokuwa wanalinda akamuwahi farasi huyo na kumzuia.

"Kamwiteni master Fang Shi wa chama cha wawindaji" aliongea kwa nguvu akiushusha mwili wa mtu aliekuwa juu ya farasi huyo. Akamuegemeza pembeni kwenye kivulu cha mti.

Sekunde chache baada Fang Shi akatuwa mbele ya mtu kwa kasi sana. "Zhi, umepatwa na nini mdogo wangu" aliongea akimgusa begani.

"Shi kuna hatari inakuja, tuna watu wetu wakaizuie kabla haijafika katika ngome hii. Ngome mbili huko njiani zipo nyang'anyang'a" aliongea kwa tabu.

"Ngoja tukupeleke kwa tabibu kwanza, baada ya hapo tutaongea vizuri" aliongea Fang Shi na kutaka kumnyanyua.

"Hapana kaka, mimi siku zangu zimekwisha. Sumu ya yule kiumbe haitibiki" aliongea na kukohoa damu nyeusi yenye harufu mbaya sana.

"Ni kweli anachokisema" sauti nzito ikasikika pembeni ya Fang Shi.

"Fahad umefika saa ngapi" aliyliza Fang Shi na kushtuka.

"Huu sio wakati wa kujua nimefika saa ngapi, mimi naweza kumsaidia lakini hataweza kuishi kama mwana martial art tena. Komred uko kuishi kama raia wa kawaida" aliongea Fahad akimuinamia.

"Maisha yangu yote nimeishi kama mwana martial art, na nimepanga nianguke hivyo" aliongea na kumshika mkono Fahad kisha akaendelea, "sikufahamu wewe ni nani ila hapa nipo katika mambo ya maisha yangu, uwepo wako umefanya maumivu yaondoke kabisa. Msaidie kaka angu kulishinda janga aliongea Fang Zhi mdogo wake Fang Shi wa baba na mama mmoja.

"Nimekusikia, nenda kwa amani rafiki. Roho yako ikauwone utawala iliokuwa ikiamini ndani yake" aliongea Fahad na hatimae Fang Zhi akatoa pumzi yake ya mwisho na kupoteza maisha.

"Zhi mdogo wangu pumzika kwa amani" aliongea Fang Shi machozi yakimtoka. Akageuka na kumuangalia Fahad aliekuwa kasimama mikono nyuma, alikuwa ametulia kama mtu anaesikiliza jambo.

"Fang Shi, katika ghala la silaha. Kuna silaha yoyote yenye asili ya chuma, ngumu na nzito na uwezo wa kuhimili kishindo chochote kile" aliongea Fahad na kumuangalia usoni.
 
Black star 2: Astra 23





"Ipo lakini si mimi wala walionitangulia wanaifahamu asili yake. Tumeikuta hapo hapo na kwasababu ilikuwa nzito kupita maelezo, basi imebidi ijengewe ghala hapo hapo" aliongea Fang Shi.



"Nipeleke nikaione na ikiwezekana anza kujiandaa kwa vita. Sijui mdogo wako amekumbana na nini huko lakini ndani ya wiki mbili kitakuwa hapa ikiwa hutataka kukutana nacho njiani na kukisimamisha katika njia zake" aliongea Fahad.



"Twende kwanza kwenye hilo ghala, ukiwa unaijaribu hiyo silaha mimi nitafanya utaratibu wa kuita wawindaji wote kuanzia nyota nne pamoja na kuandika barua kwa shule za martial arts pamoja na magwili mbali mbali. Nina imani tutafika zaidi ya elfu moja" aliongea kupotelea angani.



Alipofika katika jengo la chama akamkuta Fahad akiwa mlangoni. "Umechelewa" aliongea, Fang Shi hakutaka kujibu swali hili, akamfanyia ishara na kuelekea kwenye ghalaa silaha.



Wakingia ndani ya jengo hilo kubwa na kukaribishwa na silaha nyingi za aina tofauti tofauti. Mwisho kabisa katika ukuta wa jengo kulikuwa na silaha iliyofunikwa. Ilionekana ni yenye vumbi jingi sana.



"Ni ile pale" aliongea akinyoosha kidole, Fahad akatikisa kichwa na kuiendea. Akatoa nguo kubwa iliyokuwa imefunika silaha hiyo. Akakaribishwa na cheusi ti, kilikuwa kimejaa kutu.



"Bado unamsubiri bwana wako" aliongea Fahad na kuigusa silaha hiyo.



"Oooh! Unajua kama nimepata ufunuo na kupata akili na roho" alisikia sauti ikitokea kwenye silaha hiyo.



"Binadamu huna uwezo wa kunitumia mimi, mimi ni silaha nilietemgezwa na Mungu wa silaha kutoka katika kina cha mashimo ya kuzimu. Lengo langu kuu ni kumsubiri mungu wa wa majini aamke kutoka katika usingizi wake ili nimtumikie" .



"Hahaha, basi umepata bahati mbaya sana kukutana na mimi. Maana kuanzia hivi sasa mimi ndio nitakuwa bwana wako, wewe hukutengezwa kumtumikia yeyote isipokuwa yule atakaekuwa na uwezo wa kufanya hivyo".



"Binadamu unaonekana kuwa na kiburi sana, wewe nimekwambia huna uwezo wa kunitumia mimi".



"Nimekwambiaje leo ukitaka usitake utanikubali mimi kama bwana wako, amka Nyoyka" aliongea Fahad na kuweka mkono wake mbele.



"Umelijuaje jina langu" sauti ilisikika kutoka kwenye silaha hiyo kabla ya kuanza kutikisika kutokana na tetemeko la ardhi. Chuma hicho kikachomoka kwa nguvu na kuzunguka ndani humo kabla hakijatua mkononi mwa Fahad. Kutu ikaanza kutoka na kitu kama maandishi yaliyochorwa kwa moto yakatokea.



"Kwa atakaeweza kuitumia silaha hii, hatakuwa na budi kuzunguka ulimwenguni kwa ajili ya kutafuta vipande vingine ili ikamilike. Mmoja atakaekamilisha vipande vyote, atapata uwezo usiojua mipaka. Hii ni silaha yangu ya mwisho na haya nayasema nikiwa katika kitanda cha mauti yangu. Nenda Nyoika mpaka pale utapopata bwana atakaekuita jina jina halisi, mtumikie na umlinde".



Chozi lilikuwa likitoka katika jicho la kulia Fahad, maneno aliyoyasoma yalikuwa ni kutoka katika uvungu wa moyo wa kiumbe alieitengeza silaha hiyo.



"Usijali nitaishughulikia ipasavyo" aliongea Fahad na kuizungusha mara kadhaa kabla ya kuikita chini. "Binadamu mi bado sijakukubali".



"Jina langu ni Fahad" aliongea akitoka ndani ya ghala hilo, alimkuta Fang Shi akimsubiri nje na hakuficha mshangao wake alipomuana Fahad akitoka na silaha ambayo iliandikwa kwenye vitabu vya kishujaa.



"Umewezaje" ilibidi aulize.



"Tuseme kwamba bado kuna mambo mengi huelewi kuhusu ulimwengu, kuna kiwango ukifika utaelewa kwanini hamkuwa na uwezo wa kuiinua hii silaha" aliongea Fahad.



"Labda, ndani ya siku tatu watu watakusanyika kwa ajili ya kukutana na hilo janga njiani" aliongea.



"Vizuri, mimi nitaondoka baada ya wiki kutoka leo, nahitaji maandalizi ya kutosha" aliongea na ndani ya sekunde moja akatoweka eneo hilo.



"Master Jerome umeokota wapi hiki kito" alijisemea Fang Shi na kuelekea ofisini kwake. Siku ya pili wakafanya maziko ya Fang Zhi na kuahidi kukipa heshima kifo chake kwa kulishinda jambo ambalo limemfanya hata katika pumzi yake ya mwisho kulifikisha kwa wengine.



Siku tatu baadae.



Umati mkubwa sana wa watu ulikuwa umekusanyika mbele ya geti kubwa la kuingiliza ngome ya Zinga. Watu waliobeba silaha tofauti tofauti na kupanda vipando vyenye asili ya tofauti.



"Leo sisi wote tumekusanyika hapa kwasababu kuna hatari mbele yetu. Najua huwa hatuna utamaduni wa kufanya jambo pamoja lakini kwa wakati wote tutakaokuwa vitani naomba tusikilizane. Kutokana na hilo ndio maana viongozi wa kila kikundi husika watakuwa ndio viongozi wa kikundi hicho vitani" aliongea Fang Shi.



"Na viongozi hao wote watapokea amri kutoka kwangu, nimepeleka barua katika ngome nyingine. Ni matumaini yangu tutaumgana na wengine huko mbele ya safari. Kwasasa naomba tufanye kila lililondani ya uwezo wetu kuhakikisha tunaekwenda kupambana nae tunamzuia katika njia zake".



Baada ya maelezo hayo kundi la watu zaidi ya elfu moja likaanza safari ya kuelekea walipoamini watakutana na adui yao. Vita ambayo katika historia ilikuja kujulikana kama vita ya siku mia moja mchana na usiku.



*******



"Kamanda tumepoteza karibu robo ya jeshi" alifika mtu mmoja na kutoa taarifa.



"Damn! Vipi kuhusu hali nzima ya msatri wa mbele" aliuliza Fang Shi.



"Kwa kweli hali si nzuri, hawa viumbe wanaonekana kuwa chini ya udhibiti wa kiumbe mwengine mwenye uwezo mkubwa sana kia akili. Jinsi wanavyoshambulia na kutegua mitego yetu ni kama kwamba vile wana mtu ndani ya vikundi vyetu anawapa taarifa" aliongea.



"Jamani mimi itabidi niende mbele nikaone hali halisi ili niweze kuratibu mipango mingine ya vita" aliongea Fang Shi na kuvaa helmet lake chuma.



"Lakini kamanda ukiondoka wewe nani atakuwa atoa amri" aliuliza mtu mwengine.



"Kama msaidizi Lati ndie atakae kaimu nafasi yangu, chukueni amri zake kama amri zangu. Hata hivyo niyarudi baada ya masaa kumi hivi, hivyo nitakuwa nje kwa nusu siku tu" aliongea na kutoka ndani tenti lake.



Akaita kipando chake na kuelekea mstari wa mbele, baada ya safari ya nusu saa hivi akawasili. Alikaribishwa na harufu nzito ya damu. "Kamanda umekuja kufanya nini huku, hali si nzuri" alifika mtu mmoja na kuongea.



"Nimekuja kuangalia hali halisi ili ni ratibu mpango kazi mengine" aliongea na kuchomoa panga ake, akalichezesha mara kadhaa na viumbe wawili wakaanguka chini.



Ndani ya pango fulani.



"Bwana wangu, kiongozi wao amekuja mstari wa mbele" kiliongea kiumbe kimoja kilichokuwa na kichwa cha ng'ombe.



"Hahahaha! Vizuri sana, ondoka na majenerali wanne uende ukammalize. Bila kiongozi watapoteana na ndio itakuwa nafasi yetu ya kuwamaliza" aliongea kiumbe aliekuwa amekaa kwenye kitu kilichotengenezwa na .ofupa ya binadamu.



"Nimesikia amri bwana wangu" aliitika kiumbe huyo na kuondoka.



"Lakini mbona nahisi hali isiyo tulivu katika" alijisemea yule kiongozi kama vile akijaribu kutegua jambo kubwa ambalo uwepo wake lingebadili uelekeo wa vita hiyo bila kupata jibu.

 
BLACK STAR 2: Astra 24





Vita ilikuwa imepamba moto, Fang Shi alionesha itofauti wake kutoka kwa wengine. Uwezo wake wa kutumia panga iliozungukwa na Qi ulikuwa mkubwa sana. Kuna wakati alirusha na kulifanya likate bila kulishika.



Ghafla akatahamaki akirushwa mita kadhaa kutoka aliposimama, kama sio kuwa na panga lake mkononi basi shambulio hilo lingechukuwa roho yake. Akapiga goti na kuchomeka panga kisha akacheuka damu.



"Mlindeni kamanda" mmoja wa kuona, sita wenye uwezo mkubwa wakamzunguka. "Kamanda, ni bora urudi nyuma" aliongea mmoja wao.



"Mnafanya nini, mukirudi katika ulinzi ndio mnawapa nafasi ya kushambulia" alifoka Fang Shi. Lakini walikuwa washachelewa, kitendo cha kurudi nyuma na kusita kikawapa maadui zao matokeo ya kasi na kuwakata nguvu.



Fang Shi alijitahidi kukamilisha na majenerali hao wanne kadri uwezo wake ulivyomruhusu akazidiwa na kuanza kusukumwa nyuma. "Hali ikiendelea hivi watanimaliza" alijisemea na kupapatua kisha akarudi nyuma na kuwachomoka ili avute pumzi.



"Unadhani unafanya nini" aliongea mmoja kati ya wale majenerali wanne na kuvurumisha mkuki kwa nguvu. Fang Shi akaupangua lakini kwasababu alikuwa amechoka sana akajikuta akitupwa mbali na kupanga wake ukamponyoka.



"Nahisi huu ndio mwisho wangu" akainuka na kukunja ngumi "kama kwenda nitakwenda nikiwa ninesimama". Akakunja ngumi na kuzikaza kamq vile mtu aliekuwa akiwaambia maadui zake "bado nipo".



Wale majenerali wanne wakanyanyua silaha zao juu ya lengo la kummaliza. "Hivyo ndivyo shujaa anavyotakiwa kuwa, kama unakwenda chini, unakwenda huku ukiangalia adui yako usoni" sekunde chache kabla ya shambulizi kutua, akasikia sauti.



Sauti hiyo ilifuatiwa na mlio mkali mbabatizo na kuwarusha huko wale majenerali wanne. Watatu kati yao walipoteza maisha hapo hapo.



"Umefanya vyema Kamanda" aliongea Fahas akiwa kasimama mbele ya Fang Shi, akajizoa zoa na kuuangalia mgongo wa Fahad uliokuwa na picha kubwa ya ndege mweusi.



"Nilijua tu utatimiza ahadi yako, nilikuwa nakusubiri" aliongea maneno hayo kabla ya zamani. Fahad akamuwahi na kumdaka, akamuweka akaanza kuondoka kwa kasi eneo hilo. Safari yake ilikomea nje ya matenti ya matabibu.



"Amechoka tu, mpe kidonge cha kuzingatia Qi kisha mwacheni apumzike" aliongea akimkabidhi kwa wahusika. Hakusubiri jibu akaondoka kuelekea kuelekea katika tentu la kamanda msaidizi Lati.



"Kamanda Shi yupo katika kitengo cha huduma ya kwanza" alipofika tu akatoa taarifa. "Samahani wewe ni nani?" Aliuliza kamanda msaidizi Lati.



"Kwasasa jina langu au mimi ni nani havitakuwa na faida kwako, akiamka kamanda atakwambia kila. Mimi nahitaji watu kumi, kama ni wawindaji basi ni kuanzia nyota tano na kama wengine basi angalau wawe daraja la sutra. Na miongoni mwao awepo tabibu mmoja" aliongea Fahad .



"Unawahitaji hao wa kazi gani" aliuliza kamanda msaidizi Lati.



"Tunakwenda mbele, sisi tutatengeneza njia wengine watafuata. Lengo ni kwenda kukiwinda kichwa kinachotoa amri" aliongea Fahad kwa mkazo.



Pale wakajitolea sita kuungana na Fahad, "utaondoka baada ya masaa mawili, ndani ya muda huo watakuwa washapatikana wanne wengine" aliongea kamanda msaidizi Lati.



Saa mbili baadae.



"Nisikilizeni kwa makini, sisi tutakuwa ni kichwa cha mkuki. Tutaengeza njia kwa ajili ya wengine. Tutafanya vurugu mpaka tutakapogakikisha mstari wa mbele wa adui zetu umetawanyika, sijui itachukuwa muda gani lakini nataka niwaahidi kitu kimoja. Ikiwa mtanisikiliza basi hakuna atakaepoteza maisha. kuumia, hilo liko nje ya uwezo wangu" aliongea Fahad akiwaangalia watu kumi walosimama mbele yake.



"Kila mtu akusanye kile ambacho tu kitakuwa na msaada kwake, hakuna haja ya mizigo mingi. Tutaondoka baada ya dakika kumi, na ni vyema mkaacha vipando vyenu. Tutakwenda miguu kwa wale wenye kukimbua na anga kwa wale wenye uwezo wa kupaa".



Baada ya dakika kumi wakaondoka, Fahad alikuwa peke yake ardhini. Walobaki wote walikuwa wakitumia anga, walikwenda kasi sana na baada ya muda mfupi wakawasili mstari wa mbele.



"Mimi nitakuwa mbele, nitashambulia wengine watamalizia. Matabibu wote wawili mtakuwa katikati ya kundi. Uzima wenu ndio ukamilifu wa kazi yetu" aliongea na kuchomoa rungu lake lililokuwa mgongoni, lilipogusa ardhu likapasua.



Akaanza kufanya msaada makali sana na kama walivyokubaliana, wengine walikuwa wakimalizia tu. Zoezi hilo liliendelea kwa siku ishirini na tatu. Ilikuwa ni purukushani mchana na usiku. Hatiamae wakamalizia kikosi cha mbele cha viumbe hao. Kazi iliwapa urahisi kumalizana na wale waliobaki.



Jumla zimekatika siku thalathini tokea kuanza kwa vita hiyo, katika sehemu fulani ndani ya pori kubwa sana.



"Wanaendeleaje hao wawili" aliuliza Fahad akiingia kwenye pango.



"Wamechoka sana, wametumia karibu Qi yao yote" aliongea mmoja kati ya wale matabibu.



"Sawa, hao watapumzika kwa siku mbili. Sisi tulobaki tutaendelea na mawindo" aliongea Fahad na kutoka. Alipofika nje akawakuta wengine wakiwa wanamsubiri.



"Kamanda, tunakusikiliza" aliongea mmoja na kutema kijiti alichokuwa nacho mdomoni.



"Wanajeshi tunaendelea na kazi wakati hao wakipumzika sisi tutaendelea kuwapunguza hawa wanaharamu, tunaondoka baada ya nusu saa" aliongea Fahad na kutabasamu. Aliona kabisa moto ukiwa unawaka katika macho ya sita hao waliobaki.



Muda ulipowadia waliondoka na kuanza kufanya kazi. Wale walijitahidi sana kuwa na kasi moja na Fahad lakini kadri kadri ulivyokwenda walionesha dalili za muda mrefu kuchoka.



Baada ya siku mbili wakarudi katika lile pango, wote walikuwa hoi. Walikua wamechoka kupita maelezo, kila mmoja alitafuta kipembe na kujiegemeza.



"Nyie endeleeni jukumu, mimi naendelea na kazi. Ukihsi umepumzika vya kutosha unaeeza kuja kuniunga lakini msijalazimishe" aliongea Fahad na kuondoka kwa kasi.



"Hivi huyu ni binadamu au ni kiumbe tu katika umbile la binadamu".



"Nawaza hapa amepitia mangapi mpaka kufika hapa alipofika leo"



"Hata lile rungu lake si la kawaida, kila lilipotuwa liliondoka na roho za viumbe".



"Natamani nijue hasa uwezo wake halisi".



"Usijisumbue mpaka hivi sasa anatumia theluthi tu ya uwezo wake wote, na anafanya hivyo ili iwe nafuu kwenu. Nimejaribu sana kuchungulia uwezo wake lakini ni kama kitu kisichokuwa na mwisho, kinakwenda milele na milele" alitoka tabibu mmoja ndani ya pango na kuongea.



Ndani ya eneo kubwa.



"Bwana wangu kuna kiumbe kinafanya maajabu huko, yeye peke yake akiongoza kikosi cha watu kumi amefanikiwa kupenya katika mstari wa mbele wa vikosi vyetu" alifika kiumbe mmoja na kutoa taarifa.



"Anha, huyo ndie aliyekuwa ananitatiza moyoni mwangu. Niandalie magwiji hamsini kuanzia daraja la Sutra kwenda juu, nitakwenda nao kulinda namuua huyo binadamu anaeleta shida" aliongea kiongozi.



"Nimesikia bwana wangu, baada ya wiki moja watakuwa tayari. Maana itabidi nizunguke katika uwanja mzima wa vita ili kuchagua kiwango kizuri zaidi" aliitika yule kiumbe mwengine.



"Lima, nataka na wewe uwepo katika hamsini hao" aliongea yule kiongozi.



"Sawa mtukufu Starodastu" aliitika Lima na kuinamisha kichwa, kisha akaaga na kuondoka.

 
Black star 2: Astra 25







Mwezi na nusu sasa ulikuwa umekata huku Fahad na kikosi chake wakiendelea kufungua njia. Hilo likawapa wepesi waliobakia na kufanya mashambulizi ya kasi.



"Wimbi limegeuka sasa" aliongea Fang Shi akiwa anaratibu mpango kazi mwengine.



"Ila hujanambia mtu aliekuwa mstari wa mbele zaidi ni nani" aliongea kamanda msaidizi Lati.



"Yule ni mwanachama mpya aliekuja kutoka Astra, ni mtu mwenye uwezo sana. Mpaka sasa hilo ndio ninalojua, nasubiri maelezo kutoka Astra. Yakifika ndio tutamfahamu vizuri. Ila ninachotaka kukuhusia ni kwamba, usije ukakaa upande mbaya nae maana sidhani kama katika ulimwengu kuna anaeweza kumzuia" aliongea Fang Shi akimuangalia msichana huyo.



"Sawa nimelisikia hilo, pia tumepokea taarifa kuwa kuna kikosi chenye viumbe wachache ambao inaaminika mmoja kati yao ndio kiongozi kipo njiani. Kinaelekea upande ambao Fahad yupo na kikosi chake" aliongea kamanda msaidizi Lati.



"Tuachane nao, hao watakutana na Fahad. Na mini nahisi huu wote ni mpango wa Fahad mwenyewe. Yeye kwa kutokuja mapema, alikuwa anapima uwezo halisi wa adui yetu. Pia, kwa kuenda mbele na kufanya vurugu amejifanya chambo kumtoa samaki mkubwa katika pango lake. Mi nasema hivi, huko tumuachie yeye sisi tuendelee kusafisha hawa samaki wadogo" alifafanua Fang Shi.



********



"Lina tunategemea kufika lini?" Aliuliza Starodastu, "kwasababu inabidi tutembee kwa siri ili kutomshtua adui yetu, itatuchukuwa wiki moja zaidi mpaka kufika alipo" alijibu Lima.



Akaendelea "na taarifa nilizopokea hivi punde ni kwamba, hivi tunavyoongea mimi na wewe huyo bwana anapambana peke yake. Hivyo uhakika wa kushinda upo kwetu kwasababu mpaka tukifika atakuwa kashatumia karibu Qi yake yote".



"Hilo lawezekana lakini itakuwaje ikiwa anatumia DoQi, si unajua ulimwenguni hakuna watu wagumu hao. Kwasababu wengi wana uwezo wa kunyonya Qi kutoka kwenye mazingira. Mtu kama huyo anaweza kupambana bila kupumzika wala kula kwa muda mrefu sana" alionesga wasiwasi wake Starodastu.



"Bwana wangu hilo nalo pia nimelitilia maanani lakini unadhani ni binadamu gani ana uwezo wa kunyonya Qi iliyochanganyika na majini. Mwanzo hatohisi tabu yeyote lakini baadae meridian zake zitachafuka na kuanza kupata tabu hata kuzungusha Qi mwilini mwake" aliongea Lima.



Baada ya mazungumzo hayo wakaendelea na safari kimya kimya na kwa umakini wa hali ya juu sana. Hawakutaka kuwashtua maadui zao kama walikuwa njiani, kidogo wasichojuwa ni kwamba walikuwa wakicheza ngoma aliokuwa akiipiga Fahad mwenyewe.



Wiki moja baadae, upande wa Fahad.



"Nimewaita hapa kuwashukuru kwa kujitolea kwenu, najua kama hatujapoteza mtu lakini wengi mumepata majeraha ambayo yatawachukuwa muda mrefu kabla ya kupona. Mpaka kufikia hapa mumetenda vyema lakini kundi linalokuja hamuwezi kupambana nalo katika hali yenu hiyo" alinyamaza kidogo na kuwaangalia.



Kweli walionesha kuchoka sana, kuna baadhi ili wasimame walitumia miti kwa msaada. "Nataka murudi katika lile pango ili mpumzike, kuanzia hapa nitakuwa mwenyewe na kuwaonya tu naomba hata mkihisi nakufa msitoke. Kwasababu kama hamtakufa kwa mikono ya hawa viumbe basi lipo litakalowauwa. Nakwenda kutumia uwezo wangu wote kupambana, na si kitu ambayo roho zenu zinaweza kuhimili" aliongea Fahad kupepesa macho yake.



Yalibadilika na kuwa kiini kilichozungukwa na pete nne kila upande. "Sawa tumekuelewa, sisi tunakutakia ushindi" aliongea mmoja wao na kuwaangalia wenzake. Akawapa ishara ya kuondoka.



Fahad akaweka rungu lake chini na kukaa kwenye jiwe, umbali wa kilometa kama hamsini hivi kikosi cha Starodastu kilikuwa kinakaribia.



"Kwanini umekubali tuondoke" aliuliza mmoja wao wakati wako njia kuelekea katika pango. Yule tabibu aliekubali kuondoka aliwaangalia kisha akashusha pumzi.



"Nilichokiona baada ya kumaliza ilw kauli yake ni kifo, hivi tunavyoongea najitahidi tu kusimama lakini mwili wangu mzima bado una kumbukumbu ya kile kiumbe. Kamanda Fahad si kiumbe wa kawaida, naweza sema ni mjumbe wa kifo. Njia aliyochaguwa ni kinyume na miungu tunayoamini, kwa maneno mengine Fahad ni kiumbe ambae maisha yake yameandikwa kwenda kinyume na wale tunaowaamini" alifafanua japo alielewa hakuna kati yao ambae angeelewa alichomaanisha nyuma ya maneno yake.



************



"Mumechukuwa muda sana kufika hapa" aliongea Fahad akiinua kichwa, mashavuni alikuwa na michirizi ya machozi ya damu.



"Mumenisubisha sana, koh...koh!" Akakohoa na kutema damu, mwili wake ulikuwa umeumuka kama andazi lililojazwa hamira.



"Bwana wangu nasikitika kusema kuwa kati yetu hapa, ni wewe pekee mwenye uwezo wa kwenda nae ana kwa ana. Sisi wengine tutakuwa mzigo" aliongea Lima. Ila akasikia sauti ikitokea pembeni yake, "nani aliekuruhusu uongee" kabla hajajibu kichwa chake kikapasuka na kusambaratika.



"Shenzi weee, umemuua mshauri wangu" alifoka Starodastu.



"Hahaha! Mi nilijuwa umeniletea hawa kama sehemu ya zawadi kumbe ni wanajeshi. Mi nilijua ni kafara tu" aliongea Fahad na kunyoosha mkono mbele kisha akakunja ngumi, wote waliobaki kasoro Starodastu wakaanguka chini wakitokwa damu mdomoni.



Starodastu kwa hasira akamvaa Fahad na kuanza mashambulizi, ila akajikuta akibamizwa katika miti kadhaa. "Kama huwo ndio uwezo wako basi nimekupa sifa usostahili" aliongea Fahad akizungusha rungu lake na kulikita chini.



"Hahaha! Samahani nimekuonesha upande wangu dhaifu, niruhusu nikuoneshe uwezo wangu halisi" aliongea Starodastu na mwili wake ukaanza kubadilika. Mapembe makubwa yakachomoza kichwani mwake. Mgongo wake ukachanika na kutoka mbawa mbili kubwa zilizokuwa zinawaka moto. Alitoa moshi puani pale alipopumuwa.



Bila taarifa Fahad akatahamaki akibamiza chini kama mpira wa kitenesi. Akabiridhika mita kadhaa kabla ya kugonga kichwa kwenye jiwe kubwa na kulivunja. Wakati anataka kuinuka, Starodastu akatua kifuani kwake kwa teke kali sana.



Macho yakamtoka Fahad na kucheuka damu, mifupa ya kifua ilikua imenjuka. Akapapatuwa na kuchomoka mikononi mwa kiumbe huyo mwenye hasira, "hii ni raha, vingine vyovyote isingekuwa raha" alijisemea na kung'ata mdomo wake chini ili kutuma maumivu akilini asipoteze Fahad.



Mapigo hayo mawili ingekuwa ni mtu wa kawaida basi angekuwa kashakata roho lakini sio kwa kisiki kilichoshidna gurudoza.



Starodastu akazunguka kwa kasi na kufunguwa mbawa zake kubwa, madonge ya moto yakaruka kuelekea upande aliokuwa Fahad. Fahad akarudi nyuma kwa kasi na kuyakwepa, akakaza misuli ya miguu na kufyetuka kama risasi.



Starodastu akakwepa shambulizi hilo, likatua ardhini. Eneo lilipotuwa lisambaratika na kuwa vipande vipande. "Una macho makali sana" aliongea Fahad na kugeuka kwa kasi na kutoweka. Wawili hao waliondelea kushushiana kipondo usiku na mchana bila uhuru.



Walipokuwa wakipambania paliharibika, ardhi ilipoteza sura yake ya asili. Vita yao iliendelea kwa zaidi ya siku hamsini bila mapumziko.



"Nimepoteza hesabu za siku kabisa" aliongea Starodastu akijitahidi kusimama. Alikuwa akitokwa na damu mwili mzima. Upandr Fahad alikuwa amesimama kwa kutumia msaada wa rungu lake.



"Kwanini tusimalize vita hii, unajua kabisa huwezi nishinda na wala mimi siwezi kukushinda. Tutaendelea hivi mpaka mmoja wetu atakapokufa kwa kuchoka" aliongea Fahad akikaza misuli yake tayari kwa kushambulia.



"Hata mimi nahisi tuishie hapa" aliongea Starodastu akifunguwa mbawa zake na yeye tayari kwa kushambulia. Kila mmoja aliweka kila kitu kwenye shambulio hilo akiwa na lengo la kummaliza mwenzake. Wakavaana na mtikisiko mkubwa sana, ardhi ilichimbika na shimo kubwa sana.



"Kama unataka tupambane tena, nipe miaka mitatu" aliongea Fahad akikaa kwenye jiwe.



"Sina huwo mpango, ndani ya miaka mitatu kwako nitakuwa kama funza tu. Ikiwa maisha yatatukutanisha tena, basi naomba yatukutanishe kama marafiki" alijibu Starodastu na kufunguwa mbawa zake, akaruka na kupotelea angani.



"Ikiwa yatatukutanisha hivyo basi itakuwa vizuri zaidi" aliongea Fahad na kulalia rungu lake, macho yake yakaingia kiza na kupoteza nuru.











 
You must log in or register to reply here.

Similar Discussions

Back
Top Bottom
Forums
New posts
Post thread
Back