Mifumo ya Uendeshaji wa Serikali ya Awamu ya Tano, iangaliwe upya! Watanzania "tutachoka" vibaya sana ndani ya hii miaka 10 ya Mhe. Rais Magufuli

[Fumadilu Kalimanzila]

Naandika waraka huu mfupi nikitambua kuwa kuna watu leo katika Nchi hii hawataki kusikia mawazo mbadala wala kukosolewa kwa mwenendo wa Serikali ya Awamu ya Tano.

Mhe.Rais Magufuli chukua muda sikiliza pia mawazo mbadala kutoka kwa watu ambao hawakusifii tu!

Mhe.Rais Mstaafu Benjamin Mkapa amekiri katika kitabu chake cha My Life, My Purpose kuwa kuna "wahuni" walimpotosha!

Lakini kumbuka alikuwa bingwa wa kuita wenye mawazo tofauti na yeye Wavivu wa kufikiri, leo yako wapi?!

Mhe.Rais Kikwete amelifanyia Taifa hili mambo mengi pia mazuri tena kwa unyenyekevu na uungwana wa hali ya juu!

Wakati wake kuna wapambe nuksi walikuwa hawawezi kumuita Mhe.Kikwete bila kuanza na neno "Dakta" tena kwa mbwembwe kweli! leo neno "Dakta" wamelisahau kabisa!

Hata wewe Mhe.Rais wetu Dr. Magufuli umezungukwa na wachumia tumbo wengi kweli ambao hawakwambii ukweli!

Wanajitahidi sana kutaja majina yako yote manne tena kwa mbwembwe ila wengine tunajua tu ni unafiki wa kutengenezea Ugali.

Kama unadhani nasema uongo Mhe.Rais Magufuli naomba uniwie radhi lakini nakuhakikishia tukiwa hai hapo utakapo kabidhi kijiti cha Urais pengine ukawa Rais Mstaafu utakayebezwa kuliko wenzako wote!

Na hata hawa wachumia tumbo uliowapa nafasi wanashindana kukutaja muda wote kwa majina manner(4) ya " Dokta John Pombe Joseph Magufuli" watapungua sana ama hutawasikia kabisa, na hata huko Chato hutawaona kabisa!

Ninatoa ushauri huu nikiamini kuwa viongozi tunapowachagua ni katika dhana ya kuwatanguliza mbele ili muongoze njia lakini si kwamba nyie mnajua kila kitu na mna hatimiliki ya kuhodhi mawazo na ubunifu wa kila jambo !

Mhe.Rais Dr.Magufuli hebu jaribu kuangalia kwamba Mfumo wako wa Utawala umeziua Halmashauri za miji,majiji na manispaa! ( ugatuzi wa madaraka haupo) ,kila kitu ni wewe tu ndo mpaka uamue!

Hii si sawa Tanzania ni Nchi kubwa! na Wananchi wanapaswa kujiamulia mambo yao kwa upana! Mwl.Nyerere alisisitiza sana umuhimu wa Serikali za Mitaa zenye Nguvu!

Hivi karibuni umepiga marufuku Wakurugenzi wasikope wasubiri Serikali iwape pesa za kujiendesha, hii si sawa unachelewesha maendeleo!

Pendekezo langu kwako ni kuwa rejesha Wizara ya TAMISEMI chini ya Ofisi ya Waziri Mkuu ,maana hata Waziri Mkuu kwa sasa ni sawa tu na Waziri asiyekuwa na Wizara Maalum!

Kingine Mhe.Rais Dr.Magufuli tambua kuwa popote Duniani Serikali ndiye mchezeshaji Mkuu wa Uchumi katika Nchi husika!

Leo wewe mifumo yako ya uendeshaji wa Nchi inaua sekta binafsi ( Private sector) na hata Ma- Guru wa sekta Binafsi wanaondoka nayo ( refer Mzee Mengi na Ali Mufuruki).These Guys knew the truth na perhaps wamemezwa na Depression tu!

Leo kuna vitu kama "Force Account" ,NHC,TBA na Suma JKT ndio Contractors wanaofanya kazi za Serikali!

Mhe.Rais watu wako watapata fedha kutoka wapi na kwa kazi zipi?

Rais Barack Obama alivyoingia madarakani nchini Marekani wakati wa recession alichofanya ni kuingiza fedha mitaani kupitia kufufua miradi mikubwa ya ujenzi na kupunguza budget za Vita ya Afghanistan na Iraq.

Wachumia tumbo waliokuzunguka wanakudanganya Mhe.Rais wetu,hawakuambii ukweli!

Uendeshaji wako wa Nchi unawafukarisha Watanzania wengi!

Mhe.Rais Dr.Magufuli kuhusu uchapaji kazi wako sijawahi kuwa na mashaka nawe hata kidogo.Wewe ni mchapakazi kweli kweli na kwa hili vizazi vingi katika Taifa hili vitakukumbuka Mzee.

Ila kwenye eneo la uzalishaji ( productivity) nina mashaka sana na taarifa tunazopewa na Serikali yako!

Umenunua Ndege, Unajenga Reli,Unajenga Stiglers Gorge na Structures kibao zingine na unasema kwa fedha za Ndani!

Fedha za Ndani zipi? Mbona Deni la Taifa tunaambiwa ulikuta ni Trillion 29 na leo limepanda hadi Trillion 52!

Kwanini Deni hilo lipande kama kuna uzalishaji na uwekezaji wa maana?!

Maana kuongezeka kwa uzalishaji na uwekezaji ndo kuongezeka kwa mapato (Kodi) ya Serikali ambayo tungesema ndiyo unatumia kujenga hiyo miundombinu!

Kuongezeka kwa Deni la Taifa ni kielelezo cha kutokuwepo kwa ongezeko katika uzalishaji na uwekezaji na matokeo yake ndo ukosefu wa ajira tunaouona katika kipindi chako!

Sekta binafsi imekufa na haiwezi kuajiri na pia Serikali yako haiajiri japo kuna matamko eti Rais kasema waajiriwe elfu 40!

Mhe.Rais hutakiwi wewe useme watu waajiriwe kanuni za uchumi uzungumza zenyewe!

Automatically waajiriwa huuitajika pale uchumi unapo- perform!

Mhe.Rais Dr.Magufuli niwie radhi nirudie kauli ya yule Mtanzania pale Igunga!

Mhe.Rais ACHIA HELA! Serikali yako imeua Liquidity katika Mabenki! Rudisha fedha kwenye commercial banks toka BOT ili watu wakopeshwe wafanye kazi!

Watu wenye nguvu sasa wameamua kukaa vijiweni wanapiga soga,wana bet n.k hakuna mitaji!

Naomba kwa leo niishie hapa Mhe.Rais.

Mhe.Rais Dr.Magufuli nakutakia wewe pamoja na Mama yetu mpendwa Mama Janet Magufuli heri ya Christmas na Mwaka Mpya 2020.

 

[Masiya]

Ajuae zaidi na ajuaye yote ni bosi wako: Raisi, Waziri, Mkuu wa Mkoa, Wilaya na wakuu wa mashirika ya umma. Wengine hatukohoi. Matokeo yake badala ya watalaamu kushauri wao wamegeuzwa kuwa washauriwa na waagizwaji. Wakubwa hufikiri kwa niaba ya watalaamu.

Uchumi: Magueconomics inaagiza serikali kufanya biashara na serikali kila inapowezekana. Private sector wanalia.

Governance: Hapa ndiyo serikali ya awamu hii ina mazonge zonge mengi tu zaidi ya zile zilizopita. Mfumo wetu kisiasa unatakiwa kuwa wa vyama vingi lakini ukweli tunaendeshwa kichama kimoja na kichama dola. Wakati wananchi tunahimizwa kufuata sheria bila shuruti, serikali na polisi wao kwa ujumla inaelekea wana sheria zao hasa inapokuja kwenye haki za bina adamu.

Muendelezo: Kwa kutokuwa na mifumo mizuri yenye checks and balances, kila kiongozi anae ingia anaingia na yake na naamini pia anatoka na yake. Hivyo hata yale mazuri yatakayo patikana awamu hii huenda yakapotea na ujio wa awamu mpya. Hapa katiba na sheria zinazo zingatia haki zingeweza kusaidia lakini katiba tuna ambiwa siyo kipaumbele cha awamu hii. Katiba yetu imemkabidhi mtu "mmoja" maamuzi ya kuamua atupeleke wapi na hakuna mawazo mbadala. Na kwa nguvu aliyopewa ana uwezo hata wa kwenda kinyume na katiba na inakuwa vigumu sana kumbana. Bunge na mahakama ni mihimili ambayo haina nguvu za kutosha kupractice checks and balances pale executive anapokwenda kinyume na katiba au sheria.

 

[EvilSpirit]

Nadhani makala yako ina muelekeo tu wa kutujuza wana JF what is in your mind. I believe has nothing to do with his majesty jiwe, hata angefanikiwa kuisoma hii makala yako angeineglect,i believe yule ni mtu ambaye ameshindikana na hawezi kubadili kile anachokiamin hata kama ni cha kipuuzi tuache tu aenende kadri ya maono yake

 

[Mimi.]

Wamelala ngoja wapambe Nuksi waliojipa cheo cha watetezi wa Raisi waamke

 

[Missile of the Nation]

Umenifurahisha na jinsi wapambe walivyokuwa wakimuita JK wanaanza na neno "DAKTA"

Leo wapambe wa Magufuli wanaanza na neno "DOKITA"

Magufuli asipokuwa mjanja wa kutofautisha Sifa za kweli na Sifa za wapambe nuksi atajisahau na kujiona yeye ndo yeye kumbe wapambe wanampamba tu kwa sababu wakati huu yeye ndo ana power za kuajiri na kufukuza (Hire and Fire). Pindi muda wake ukiisha wapambe wanatafuta mwingine wa kumpamba!

 

[Fumadilu Kalimanzila]

Nadhani makala yako ina muelekeo tu wa kutujuza wana jf what is in your mind,I believe has nothing to do with his majesty jiwe,hata angefanikiwa kuisoma hii makala yako angeineglect,i believe yule ni mtu ambaye ameshindikana na hawezi kubadili kile anachokiamin hata kama ni cha kipuuzi tuache tu aenende kadri ya maono yake

Ni sawa lakini lazima Mhe.Rais Dr.Magufuli leo ajue na Wapambe (wachumia tumbo) ambayo leo hawataki kusikia mawazo utofauti wajue kuwa kuna Watanzania ambao wanajua for sure kuwa tuko kwenye "WRONG DIRECTION"! au " LIGHT DIRECTION" na wala si RIGHT DIRECTION kama inavyokuwa purported!

Mhe.Rais Mkapa leo anajua kuwa waliokuwa wakimshauri kuhusu EPA, Migodi ya Kiwira ,Net Group Solution nk walikuwa sahihi ila yeye ndo alikuwa " Mvivu wa kufikiri"!

Kama ambayo Mhe.Dokita John Pombe Joseph Magufuli" atakavyojua baadaye kuwa WAPIGA DILI walihamia upande upi baada ya kutoka Madarakani!

WAPIGA DILI ambao leo wamevaa koti la UZALENDO hawataki taarifa za CAG aliyepita Prof.Musa Assad,hawataki manunuzi kama ya Ndege yafuate sheria za manunuzi na wala hawataki idhini ya Bunge!

WAPIGA DILI wapya wanaotamani vifo vya akina TUNDU LISSU ,wanaochekelea kupotea ( disappeared and dead ) kwa akina Ben Saanane,Azory Gwanda,Diwani Kanguye na wanaofurahia kutekwa kwa Tito Magoti,Mo Dewji,Roma Mkatoliki, Raphael Ongangi, Bollen Ngetti, Allan Kiluwa, Lwajabe wa Fedha na wengineo wengi!

This will haunt you forever!

 

[Superbug]

Kwakweli ukitaka hasa ujue maana ya unafiki njoo ujifunze kwenye jamii ya Watanzania Yani huyu Mh wao amelifanyia kila baya taifa hili lakini Kuna watu wanamsujudu na kumpamba kinafiki.

Yaani amejaribu kumterorize kila Mtanzania ana muogopa yeye kuliko Mungu lakini pia tunashukuru ametufanya tuone umuhimu wa marais kuondolewa kinga ya kutoshtakiwa pindi wakiondoka madarakani yani huyu na genge lake wnatakiwa walipe ubaya wote waliolitendea taifa hili na mungu akaifute historia yake katika vitabu vya kumbukumbu amelitesa taifa anapaswa kulipia kila baya alilolitenda hatutamsahau wala kumsamehe

 

[samurai]

Wewe utakuwa mpiga dili au kibaraka wa Mbow kule CHADEMA.

Hela ipo mtaani nyingi tu, wewe fanya kazi kwa bidii tu mlizoea vya bure bure havipo sasa.. "Hapa kazi tu"

Wanaolalamika wengi ni CHADEMA, wapiga dili, vyeti feki na wale waliotumbuliwa lakini kwa wapiga kazi hali ni shwali kabisa..

Uchumi unakua kwa zaidi ya 7%, Hali ya umasikini mtaani imepungua, tuna hifadhi ya dola ya kutosha, shilingi imeimarika, SGR, Stieggler, Maflyover kila kona nk..

Watanzania mnataka nini? wakati mmeletewa masiha aka mkombozi JPM ambaye mpaka USA, UK huko ni gumzo huku wakenya wakitamani awe Rais wao..

 

[smartkitochi]

Lini jiwe likapokea ushauri Mkuu?

Sent using Jamii Forums mobile app

 

[Consigliere]

samurai,
Umesema vyema kabisa. Endelea zaidi utuambie imekuaje deni la taifa kupaa kutoka trilioni 29 hadi trilioni 52 kwa miaka minne tu!?

 

[Fumadilu Kalimanzila]

samurai,
Ni sawa ila utambue tu kuwa Shibe yako ni ya muda mfupi tu! Tukiwa hai miaka 10 si mingi utakosa mahali pa kuficha uso na tumbo lako! Sisi tunaongelea mifumo mibovu ya uendeshaji wa mifumo!

Kama kuna miujiza inafanywa na Serikali ya Awamu ya 5,mbona hujibu hoja ya kupaa kwa Deni la Taifa kutoka trillioni 29 hadi trillioni 52 ndani ya miaka 4!

Hakuna Uchumi unaokua hapo ni uzuzu wako tu ndo unakudanganya! Leo Ajiri hakuna na walioajiriwa na Serikali wanasaga meno hakuna nyongeza ya Mishahara ndani ya miaka 4!

Na hata ukitaka kujiajiri mazingira ni magumu mno, Mabenki yamechoka na hayana pesa! Nenda Benki yoyote kati ya tarehe 15 na 19 kila mwezi uone huo Uchumi unavyokuwa kwa kasi!

Tarehe hizo Ma - Teller wa Bank wanapiga miayo tu!

Nenda Kariakoo uone Wananchi walivyochoka!

 

[Proved]

Ushauri mzuri mkuu!

 

[EvilSpirit]

Ni sawa lakini lazima Mhe.Rais Dr.Magufuli leo ajue na Wapambe (wachumia tumbo) ambayo leo hawataki kusikia mawazo utofauti wajue kuwa kuna Watanzania ambao wanajua for sure kuwa tuko kwenye "WRONG DIRECTION"! au " LIGHT DIRECTION" na wala si RIGHT DIRECTION kama inavyokuwa purported!

Yeye mwenyewe kutambua kwamba he was in the wrong track ni baada ya kurudi uraini,kwa sasa hamna jinsi ili tuwe safe tufunge tu midomo yetu,tumuache yeye na wataja majina manne wake,wakati wa mkwere wachumia tumbo walikuwepo,ila hawa wa sasa wamepitiliza kwenye upambaji,nadhani ni kwasababu ya kutotabirika kwa mpambwaji any time anaweza kukurudisha jalalani,

 

[samurai]

Fumadilu Kalimanzila,

Wewe huoni hizi Mega projects zinazoendelea, unafikiri duniani kuna nchi haikopi? USA mwenyewe ana madeni sembuse TZ

Kwasasa tunajenga nchi waambie wawe wavumilivu, wajukuu zao watafaidi sana na waendelee kuchagua CCM na JPM 2020 maana nchi inajengwa na jemedari JPM kwa manufaa ya baadaye na ikiwezekana hata wafanye kazi bila mishahara..

Hao wafanya biashara ni wapiga dili na huko benki walikuwa wapiga dili na wezi CHADEMA sasa jemedari JPM ananyoosha njia wezi wote chali na sasa amerudisha weledi na utiifu kila mahala, heko JPM.

Tuwe wazelendo tumuunge mkono jembe letu JPM, maana watu wa hivi wanapatikana mara moja kama kakakuona.. Ni neema kwa watanzania kumpata JPM tumlinde na tumuongezee ulinzi ikiwezekana mabeberu wasije kumdhuru...

 

[Mfiaukweli]

samurai,

Kama kuna laana ilishawahi kutokea nchi hii basi ni ccm hii na Magufuli. This is the worst ever president, the gross incompetent of his kind and a coward of a lowest order.
Rais atakaekuja (assuming atakuwa ni competent enough) itabidi aanze kujenga upya mifumo ya utawala.

 

[Masanjaone]

Fumadilu Kalimanzila,
Raisi sasa hivi nikama analima! Mradi wa umeme bwawa la nyerere naReli yakatu vikiisha! Tutaanza mavuno yaani pesanikama kusukumanrevi.

Tuvumilien watanzania.

 

[Rasterman]

Fumadilu Kalimanzila,
Barikiwa Eewe Mtumishi wa Bwana.

Cha msingi tu kuwa makini na Noah nyeusi mahali popote unapokuwa.

Nikikumbuka Jinsi Kikwete alivyokuwa anapendwa na wanccm tena wale wa kwenye mrija wa maziwa leo hii ndio wale wale wanamkashifu na kumtukana na husikii wanaomtetea.

 

[Rasterman]

Kama kuna laana ilishawahi kutokea nchi hii basi ni ccm hii na Magufuli. This is the worst ever president, the gross incompetent of his kind and a coward of a lowest order.
Rais atakaekuja (assuming atakuwa ni competent enough) itabidi aanze kujenga upya mifumo ya utawala.

it is the Imbecile government ever happened in this continent, 10yrs inayokuja kama jamaa ayaendelea hivi hivi tutakuwa nchi ya hovyo kama Rwanda.

 

[Rasterman]

Fumadilu Kalimanzila,
Wapiga DILI wajanja sana, kwanza wanajua ili.wamuwin mr Mobutu lazima wamtengenezee mazingira na yeye Ale. Wakati huo huo wakimsidia mazingira ya camoufrage ili wote( wao na mobutu) wasijulikane.

Ndio maana ya kusabotage nguvu ya Bunge, Mahakama na Vyombo vya usalama. Kama kuna upigaji ni awamu hii. Afadhali hata awamu zilizopita angalau watu walijua na wakapiga kelele. Tokea 1.5T zilipopigwa basi wapiga DILI waligundua kikwazo kilichobaki ni CAG na wamefanikiwa kum-compromise.

 

[Midimay]

Umenifurahisha na jinsi wapambe walivyokuwa wakimuita JK wanaanza na neno "DAKTA"

Leo wapambe wa Magufuli wanaanza na neno "DOKITA"

Magufuli asipokuwa mjanja wa kutofautisha Sifa za kweli na Sifa za wapambe nuksi atajisahau na kujiona yeye ndo yeye kumbe wapambe wanampamba tu kwa sababu wakati huu yeye ndo ana power za kuajiri na kufukuza (Hire and Fire). Pindi muda wake ukiisha wapambe wanatafuta mwingine wa kumpamba!

Na hatuchoki. Sisi mashabiki wa kisiasa Ni kama mashabiki wa soka. Tukikusajili na ukafanya tunavyotaka basi tutakupamba bila kuchoka. Ukistaafu unakuwa historia. Tunaendelea na atakayekuwepo. Cheo chochote utakachotaka, sisi tutakuita. Zero brain and zero on paper ukitaka tukuite "Professor" tutakuita. Kwani tunapoteza nini? Zaidi Sana tunabenefit.