Debora Tluway Atembelea Chuo cha Vijana Kaskazini Unguja, Azindua Bananza la Utamaduni

[Stephano Mgendanyi]

Mjumbe wa Kamati ya Utekelezaji UVCCM Taifa, Komredi Debora Joseph Tluway tarehe 14 Desemba 2024 ametembelea Chuo cha Vijana Kaskazini Unguja na kujionea shughuli mbalimbali zinazofanywa na Chuo hicho

Aidha, Mhandisi Debora Joseph Tluway amezindua Bonanza la Utamaduni Kaskazini Unguja lililojumuisha michezo mbalimbali ikiwemo ngoma za asili, Sanaa ya maigizo, kukuna nazi, kuvuta kamba, nyimbo, kukimbia ndani ya gunia na mpira wa miguu.

Vilevile, Debora Joseph Tluway Akiongozana na viongozi mbalimbali waliompokea Uwanja wa Ndege wa Kimataifa wa Abeid Amani Karume, wametembelea maeneo ya miradi ya UVCCM ambapo wamejadili namna bora ya kuwa na miradi endelevu kwa lengo la kuinua uchumi wa vijana.

Pia, Debora Joseph Tluway ametembelea eneo la uwanja wa ujenzi wa nyumba ya Mtumishi (Katibu) wa UVCCM Mkoa wa Kaskazini Unguja ili kujionea mradi huo umefikia hatua gani ambapo ameahidi kushirikiana na Viongozi UVCCM Kaskazini Unguja kuhakikisha ujenzi unakamilika ili Mtumishi awe na mazingira mazuri ya kufanya kazi kwa ufanisi.

Mhandisi Debora Joseph Tluway amepongeza maendeleo mazuri ya mradi wa ujenzi wa Maduka ya Chipukizi ambao ulikuwa hatua ya Msingi katika kipindi cha Matembezi ya Zanzibar na sasa mradi huo umefikia hatua nzuri ya upauaji ambao unategemewa kuwa chanzo cha mapato ya Chipukizi wa CCM

Mwisho, akiipongeza Serikali ya Mapinduzi Zanzibar chini ya Rais Hussein Ali Mwinyi na Serikali ya Jamhuri ya Muungano wa Tanzania chini ya Rais Samia Suluhu Hassan, Debora Joseph Tluway amewasisitiza wananchi wa Zanzibar kushiriki kikamilifu katika Daftari la Kudumu la Mpiga Kura hasa muda wake utakapowadia.

 

[Alex Muuza Maembe]

Siasa kama siasa

 

[ndibuka]

Naomba kuuliza,huyu bibie hana uhusiano na familia ya Sumayi waziri mkuu mstaafu