√ Waziri Mkenda: Nafuatilia Shule ya Nkasi iliyofukuza Watoto kisa Wazazi wao ni CHADEMA Mkoani Rukwa

Roving Journalist

Roving Journalist

JF Roving Journalist
Apr 18, 2017
3,806
13,574
Salaam Wakuu,

Awali, ikidaiwa kwamba Mwalimu Mkuu (REGIUS MARTIN KAWIMBE Simu Namba *****75299) wa shule ya Msingi Izinga iliyopo kata ya Wampembe, Jimbo la Nkasi Kusini, Halmashauri ya Wilaya ya Nkasi na Mkoa wa Rukwa, na ambaye pia alikuwa MSIMAMIZI MSAIDIZI wa uchaguzi katika kijiji cha Izinga, AMEWAFUKUZA SHULE watoto ambao wazazi wao ni wanachama wa CHADEMA kwa madai kwamba ni maelekezo ya wizara ya Elimu yanayosimamiwa na Mkuu wa Wilaya ya Nkasi Ndugu AMBROSE LIJUAKALI.

Soma: DOKEZO - √ - Siasa Zetu: Watoto wa wanachama wa CHADEMA wasimamishwa Shule Nkasi kwa maelekezo ya Mkuu wa Wilaya na amri ya mwalimu Mkuu


Waziri wa Elimu, Sayansi na Teknolojia Mhe. Prof. Adolf Mkenda, alipoulizwa na JamiiForums, amesema ameshaona taarifa hii na kuchukua hatua. Kaagiza wadhibiti ubora kwenda kwenye Shule hii kufuatilia jambo hili.

Amesema Wizara inafuatilia kujua ukweli wa taarifa hizi. Haiwezekani Mwalimu ajitungie sheria zake Mwenyewe. Hakuna ubaguzi wowote kwa mtoto wa Mtanzania. Kila mtoto anatakiwa kusoma na Serikali inajenga Shule nyingi sana.

"Kama ni kweli hii taarifa itakuwa ni jambo la ajabu na kusikitisha sana". Amesema Waziri Mienda
 
Waziri wa Elimu Sayansi na Teknolojia, Profesa Adolf Mkenda ameagiza timu ya wataalamu udhibiti ubora kwenda kuchunguza taarifa ya wanafunzi 14 wa Shule ya Msingi Izinga, iliyopo Nkasi Kusini kufukuzwa shule kwa madai ya wazazi wao kuiunga mkono Chadema kwenye uchaguzi wa serikali za mitaa.

Mapema leo Desemba 5, 2024 ilisambaa taarifa kwenye mitandao ya kijamii ikieleza wanafunzi 14 wa shule hiyo kufukuzwa shule kwa madai ya wazazi wao kukiunga mkono chama hicho.

Pia, Soma: Siasa Zetu: Watoto wa wanachama wa CHADEMA wasimamishwa Shule Nkasi kwa maelekezo ya Mkuu wa Wilaya na amri ya mwalimu Mkuu

Akizungumza na Mwananchi Digital leo, Profesa Mkenda amesema amesikitishwa na taarifa hiyo na kwamba tayari asubuhi hii ametuma jopo la wataalamu kwenda kuchunguza ukweli wa taarifa hiyo.

"Nimeona taarifa za wanafunzi kwamba waliondolewa shule kwasababu wazazi wao ni wanachama wa Chadema, nimeshangazwa sana na taarifa hii na tayari timu yetu ya wadhibiti ubora nimeituma asubuhi hii ifike pale shuleni ituambie ukweli kuhusu jambo hili.

"Napenda nitoe msimamo wa Serikali kwamba watoto wote wa Kitanzania wana haki ya kusoma hakuna mwenye mamlaka ya kumtoa mtoto shuleni kwasababu kama hizo," amesema Profesa Mkenda.
 
Roving Journalist said:
View attachment 3169356
Waziri wa Elimu, Sayansi na Teknolojia Mhe. Prof. Adolf Mkenda ameshaona taarifa hii na kuchukua hatua. Kaagiza wadhibiti ubora kwenda kwenye Shule hii kufuatilia jambo hili.

Amesema hakuna ubaguzi wowote kwa mtoto wa Mtanzania. Kila mtoto anatakiwa kusoma.
Click to expand...
Ikidhibitika afisa elimu, mwalimu mkuu na chain nzuma fukuza wote
 
Waufukweni said:
Waziri wa Elimu Sayansi na Teknolojia, Profesa Adolf Mkenda ameagiza timu ya wataalamu udhibiti ubora kwenda kuchunguza taarifa ya wanafunzi 14 wa Shule ya Msingi Izinga, iliyopo Nkasi Kusini kufukuzwa shule kwa madai ya wazazi wao kuiunga mkono Chadema kwenye uchaguzi wa serikali za mitaa.
Click to expand...
Hao watoto hata kama hawakuwa na hisia ya siasa, kuwafukuza kunaweza kuwapa hasira na uchungu na kinyongo kuwa wanaharakati na wanasiasa wa baadae.
 
Huyo mwalimu mkuu anapaswa kufukuzwa kazi. Na kama yalikuwa na maagizo ya mkuu wa wilaya naye pia anapaswa kufukuzwa kazi.

Lakini kwa serikali hii ya huyu mama yenu, Mkenda ndiye anaweza kujikuta matatani huku hao wavunja sheria wakipewa promosheni.
 
You must log in or register to reply here.

Similar Discussions

Back
Top Bottom
Forums
New posts
Post thread
Back