Vyuo vikuu Tanzania havina umuhimu wowote, serikali iwekeze kwenye vyuo vya kati

Ninayeandika hapa si mhanga wa ajira baada ya kumaliza chuo kikuu , maana hamchelewi kusema stress za unemployment zinanichanganya.

Nina elimu ya university mwenye shahada ya Usimamizi wa Rasilimali watu na vifani vingine vingi. Ingawa sifanyi kazi ya HRM.

Iwe na sharti kila mahali penye sekondari pawepo na chuo cha kati . Wanafunzi wa vyuo vya kati ndio wabunifu wa mambo mbalimbali na wenye uthubutu kuliko wanafunzi wa vyuo vikuu.

Wanafunzi wa vyuo vikuu wanawaza upigaji tu, yaani wanawaza wapate ajira waanze kuliibia Taifa.

Wahitimu wa universities hapa nchini wanakimbilia siasa wengi wao, si kwa nia njema bali kwa nia ya kupata teuzi na ajira.

Wanafunzi wote wa kidato cha 4 wenye ufaulu wa angalau daraja la nne la alama 33 wapate fursa ya kujiunga na vyuo vya kati na 75% wajiunge na technical colleges.

Nilichogundua ni kwamba mwenye stashahada ya uhasibu anaweza kufanya kazi ya mwenye shahada, mwenye stashahada ya Uhandisi umeme anaweza kufanya kazi ya mwenye shahada ya uhandisi wa umeme.

Tena kwenye ufundi huko wenye stashahada wanaweza kufanya kazi nyingi ambazo wenye shahada hawawezi kufanya. Utofauti wao huyu wa shahada amesomea vitu vingi zaidi ya mwenye stashahada ingawa kuvipractice hawezi.

Kuna umuhimu gani wa shahada?

Mwenye stashahada ya manunuzi anaweza kufanya vizuri kazi ya mwenye shahada ya manunuzi.

Elimu katika kazi hapa Tanzania inatumika tu kutenganisha madaraja ya mishahara bila kujali impact ya mwajiriwa katika kazi.

Elimu hutumika kama kigezo cha kuchagua kiongozi katika kitengo.

Ninaumia sana ninapoona serikali inatumia gharama nyingi kusomesha watoto primary na secondary halafu baada ya hapo serikali inajitoa. Wahitimu wa kidato cha 4 na 6 wako tu mtaani bila ujuzi wowote. Sasa elimu ya sekondari inamsaidia nini mwananchi katika harakati za uzalishaji mali?

Kama serikali inaona mzigo wa kusomesha watoto colleges ni mkubwa wafute kidato cha 5 na 6 kisha nguvu wazipeleke colleges.

Miaka 2-3 ya college kijana anatoka akiwa safi kabisa kupambana mtaani.

Maneno bila takwimu ni umbea tu.

Elimu ya chuo kikuu ina faida ila ungeshauri iendesambamba na kuimarisha Elimu ya kati kwani ndipo wazalishaji walipo

MIMI NINGEKUWA NA NAFASI NINGEAJIRI WAALIMU WA HESABU SHULE ZA MSINGI PENGINE 60,000 WENYE PASS ZA KUELEWEKA ILI KILA MTANZANIA ANAYEINGIA MTAANI AWE NA MSINGI WA HESABU

Kwa kufanya hivyo naamini ningeongeza mapato kwa kuwa ukwepaji wa kodi ungepungua sana kwani watu wengepiga hesabu wenyewe na kutambua kuwa kutozwa faini ni ghali sana kuliko kulipa kodi na pengine hesabu rahisi kama ya kodi ya VAT wangejifanyia wenyewe na hivyo kuepuka adhabu au kukimbizana na TRA----Kwa sasa wafanyabiara wetu wengi wanatatizo kubwa sana la hesabu ya kodi kwa sababu waliokosa msingI huo huko chini hivyo ni ngumu sana kuwafundisha