RC Singida azindua kampeni ya upandaji miti milioni 1.5 wilaya ya Ikungi

[Stephano Mgendanyi]

RC SINGIDA AZINDUA KAMPENI YA UPANDAJI MITI MILIONI MOJA NA NUSU WILAYA YA IKUNGI​

Mkuu wa Mkoa wa Singida Mhe. Peter Serukamba amezindua kampeni ya upandaji miti Milioni moja na nusu (1,500,000) katika Wilaya ya Ikungi.

Katika uzinduzi wa kupanda miti Mbunge wa Jimbo la Singida Mashariki Mhe. Miraji Jumanne Mtaturu ameshiriki kampeni ya upandaji miti kiwilaya iliyozinduliwa na Mkuu wa Mkoa wa Singida.

Mhe. Miraji Jumanne Mtaturu (Mb) alipopata nafasi ya kusalimia wananchi waliojitokeza kwenye Kata ya Issuna aliwaambia wapande miti na kuitunza kwani miti ni kivutio cha Mvua na tukipata Mvua ya kutosha tutapata mavuno mengi hivyo kuwa ma usalama wa Chakula kwenye Wilaya, Mkoa hadi Taifa.

Aidha, Mhe. Miraji Jumanne Mtaturu (Mb) alimshukuru Mkuu wa Mkoa wa Singida Mhe. Peter Serukamba kwa kuja kutuzindulia kampeni kwenye Wilaya yenye lengo la kupanda miti 4500 na siku hiyo walipanda miti 1500.

Wengine walishiriki uzinduzi wa kampeni ya kupanda miti ni Mkuu wa Wilaya ya Ikungi Mhe. Jerry Cornel Muro.

 

[shatisuruali]

Good job. Tutunze mazingira. Tushushe bei ya gesi na tupunguze uchomaji mkaa.

 

[Dormant Account]

Safi sana kazi nzuri

 

[E and E]

Hii miti inamwagiliwa na kutunzwa vizuri, hizi kampeni za upandaji miti zinatumia gharama za posho na mafuta inapasa ifanywe tathmini kila mwaka ili tujue miti mingapi imeendelea vipi la sivyo hatuko serious na hili swala la climate change

 

[mrangi]

Safi sana

Haya ndiyo mambo watu wanatakiwa kuhamasishwa, siyo kila leo watu wanahamasishwa kwenda kuwangalia wakata mauno tu

Ova