Miss Zomboko
JF-Expert Member
- May 18, 2014
- 4,560
- 9,417
Mkurugenzi mkuu wa Baraza la Hifadhi na Usimamizi wa Mazingira (Nemc), Dk Samuel Gwamaka amekifunga kiwanda cha nondo cha Fujian Hexingwang kwa sababu hakina mazingira mazuri ya watu kufanya kazi.
Hatua hiyo imetokana na vifo vya wafanyakazi wawili wa kiwanda hicho kilichopo Wilaya ya Mkuranga mkoani Pwani baada ya kutokea mlipuko kwenye tanuru la kuyeyusha vyuma chakavu.
Dk Gwamaka amekitembelea kiwanda hicho leo Jumatano Mei 5, 2021 na kubaini kwamba hakijaweka mazingira mazuri kwa ajili ya usalama wa wafanyakazi, jambo ambalo limesababisha vifo vya watu wawili waliokuwa kazini.
"Kuanzia sasa ninakifunga kiwanda hiki mpaka watakapoboresha mazingira ya ufanyaji kazi na kuzingatia usalama wa wafanyakazi," amesema mkurugenzi huyo wa Nemc.
Amesema miaka mitatu iliyopita Nemc imekuwa ikigombana na kiwanda hicho hasa katika masuala ya uhifadhi wa mazingira na waliwahi kukifungia na kukipiga faini kwa nyakati tofauti.
Dk Gwamaka amesema wafanyakazi hao wamefariki kwa sababu kiwanda hicho hakijaweka utaratibu maalumu wa kuwalinda wafanyakazi wake, hakitafunguliwa mpaka wazingatie maelekezo waliyopewa.
"Tutafanya ukaguzi kwenye viwanda vyote vya nondo kuhakikisha mazingira ya wafanyakazi ni salama na rafiki kwao. Hatutaki kuona watu wengine wanapoteza maisha," amesema Dk Gwamaka.
Mwananchi
Hatua hiyo imetokana na vifo vya wafanyakazi wawili wa kiwanda hicho kilichopo Wilaya ya Mkuranga mkoani Pwani baada ya kutokea mlipuko kwenye tanuru la kuyeyusha vyuma chakavu.
Dk Gwamaka amekitembelea kiwanda hicho leo Jumatano Mei 5, 2021 na kubaini kwamba hakijaweka mazingira mazuri kwa ajili ya usalama wa wafanyakazi, jambo ambalo limesababisha vifo vya watu wawili waliokuwa kazini.
"Kuanzia sasa ninakifunga kiwanda hiki mpaka watakapoboresha mazingira ya ufanyaji kazi na kuzingatia usalama wa wafanyakazi," amesema mkurugenzi huyo wa Nemc.
Amesema miaka mitatu iliyopita Nemc imekuwa ikigombana na kiwanda hicho hasa katika masuala ya uhifadhi wa mazingira na waliwahi kukifungia na kukipiga faini kwa nyakati tofauti.
Dk Gwamaka amesema wafanyakazi hao wamefariki kwa sababu kiwanda hicho hakijaweka utaratibu maalumu wa kuwalinda wafanyakazi wake, hakitafunguliwa mpaka wazingatie maelekezo waliyopewa.
"Tutafanya ukaguzi kwenye viwanda vyote vya nondo kuhakikisha mazingira ya wafanyakazi ni salama na rafiki kwao. Hatutaki kuona watu wengine wanapoteza maisha," amesema Dk Gwamaka.
Mwananchi
