Kuchuma najitajidi sina bahati mwenzenu

[Mjamaa1]

Mtunzi: RamaB.

Hivi hawa matajiri, walifanya kazi gani?
Kuondoa ufakiri, wakawa mamilioni.
Nipeni yao siri, iniingie kichwani.
Kuchuma najitahidi, sina bahati mwenzenu.

Nikalikamata jembe, panga na shoka begani.
Nikautoa uzembe, mpunga panda kondeni.
Ukajaliwa na ng’ombe, nikabaki kichwa chini.
Kuchuma najitahidi, sina bahati mwenzenu.

Nikaitwaa mashua, nikaitweka baharini.
Samaki kwenda kuvua, mingisi si saladini.
Wimbi kubwa la bamvua, chombo kikenda mwambani.
Kuchuma najitahidi, sina bahati mwenzenu.

Carina nikanunua, teksi bubu kituoni.
Abiria nangojea, ilala na buguruni.
Trafiki kaniotea, shitaka mahakamani.
Kuchuma najitahidi, sina bahati mwenzenu.

Nikauza vitumbua, asubuhi na jioni .
Wateja walinijua, ni gwiji la mtaani.
Mgambo wakang’amua, nauza bila leseni.
Kuchuma najitahidi, sina bahati mwenzenu.

Nikaenda mgodini, kujichimbia madini.
Nikaona sa nawini, naunga umasikini.
Magufuli kabaini, ninauhujumu uchumi.
Kuchuma najitahidi, sina bahati mwenzenu.

Bunduki yangu begani, nikaingia porini.
Kuwawinda hayawani, kwenda uuza sokoni.
Wakaja nisweka ndani, segerea gerezani.
Kuchuma najitahidi, sina bahati mwenzenu.

Nikalipiga kabumbu, golikipa namba wani.
Nikawa kama mzungu, Ronado haoni ndani.
Nikavunjika mguu, nipo hoi taabani.
Kuchuma najitahidi, sina bahati mwenzenu.

Nikaicheza singeli, asiyejua nani?
Wote walikubali, si Tandika si Mtoni.
Nikazushiwa kejeli, navuta bange kizani.
Kuchuma najitahidi, sina bahati mwenzenu.

Bora nirudi nyumbani, ni Mafia kisiwani.
RamaB ni mashakani, sijui nifanye nini.
Zaharia na kinyemi, mwenzenu nisaidieni.
Kuchuma najitahidi, sina bahati mwenzenu.

Rabana nipe sahali, mja wako Ramadhani.
Mikiki nilo himili, na bado ni masikini.
Beti hizo ni kamili, peni naweka chini.
Kuchuma najitahidi, sina bahati mwenzenu.

 

[Bujibuji Simba Nyamaume]

🏸 siri ya utajiri ni kutunza siri ya utajiri wako

 

[Writter]

Beti zako nzuri kila mstari,
Badili mbinu pigana askari,
Tufanye huu uzi wa ushairi,
Japo watakuja wanaokariri,
watie sumu kwa zao shari,
Maisha ni vita kila la kheri,

 

[Mjamaa1]

Beti zako nzuri kila mstari,
Badili mbinu pigana askari,
Tufanye huu uzi wa ushairi,
Japo watakuja wanaokariri,
watie sumu kwa zao shari,
Maisha ni vita kila la kheri,

Maisha ni kupambana, silaha naweka begani.
Nabadili mbinu za vita, na ujanja wa porini.
Navaa buti mkanda, tayari kuianza kazi.
Maisha ni vita, vijana tupambaneni.

Endelea

 

[YHK geneous]

Kila mja analake, fungu mungu kaliunda.
Subiri mipango yake, hakika yeye hutenda.
Wala usihamanike, na tulia kama kinda.
Hakuna la kumshinda, amini mipango yake.

Wala usighadhibike, na mdomo ujavunda.
Riziki mipango yake, Jarubati ndiye chanda.
Kila mja anayake, yampasayo kutenda.
Hakuna la kumshinda, amini mipango yake.

 

[Numbisa]

Shairi zuri

 

[Choveki]

Mtunzi: RamaB.

Hivi hawa matajiri, walifanya kazi gani?
Kuondoa ufakiri, wakawa mamilioni.
Nipeni yao siri, iniingie kichwani.
Kuchuma najitahidi, sina bahati mwenzenu.

Nikalikamata jembe, panga na shoka begani.
Nikautoa uzembe, mpunga panda kondeni.
Ukajaliwa na ng’ombe, nikabaki kichwa chini.
Kuchuma najitahidi, sina bahati mwenzenu.

Nikaitwaa mashua, nikaitweka baharini.
Samaki kwenda kuvua, mingisi si saladini.
Wimbi kubwa la bamvua, chombo kikenda mwambani.
Kuchuma najitahidi, sina bahati mwenzenu.

Carina nikanunua, teksi bubu kituoni.
Abiria nangojea, ilala na buguruni.
Trafiki kaniotea, shitaka mahakamani.
Kuchuma najitahidi, sina bahati mwenzenu.

Nikauza vitumbua, asubuhi na jioni .
Wateja walinijua, ni gwiji la mtaani.
Mgambo wakang’amua, nauza bila leseni.
Kuchuma najitahidi, sina bahati mwenzenu.

Nikaenda mgodini, kujichimbia madini.
Nikaona sa nawini, naunga umasikini.
Magufuli kabaini, ninauhujumu uchumi.
Kuchuma najitahidi, sina bahati mwenzenu.

Bunduki yangu begani, nikaingia porini.
Kuwawinda hayawani, kwenda uuza sokoni.
Wakaja nisweka ndani, segerea gerezani.
Kuchuma najitahidi, sina bahati mwenzenu.

Nikalipiga kabumbu, golikipa namba wani.
Nikawa kama mzungu, Ronado haoni ndani.
Nikavunjika mguu, nipo hoi taabani.
Kuchuma najitahidi, sina bahati mwenzenu.

Nikaicheza singeli, asiyejua nani?
Wote walikubali, si Tandika si Mtoni.
Nikazushiwa kejeli, navuta bange kizani.
Kuchuma najitahidi, sina bahati mwenzenu.

Bora nirudi nyumbani, ni Mafia kisiwani.
RamaB ni mashakani, sijui nifanye nini.
Zaharia na kinyemi, mwenzenu nisaidieni.
Kuchuma najitahidi, sina bahati mwenzenu.

Rabana nipe sahali, mja wako Ramadhani.
Mikiki nilo himili, na bado ni masikini.
Beti hizo ni kamili, peni naweka chini.
Kuchuma najitahidi, sina bahati mwenzenu.

Pole nasema pokea, kujihisi masikini
Mungu ndiye ajalia, zaidi ya milioni
kichwani nafikiria, hujitazami mwilini
Wajihisi masikini, wekati wewe tajiri?

Utajiri si mapesa, wala magari ya ghali
Utajiri si kutesa, kwa hali pia na mali
Utajiri ni hamasa, afyayo ya kimwili
Wajihisi masikini, wakati wewe tajiri?

Masikini si mnyonge, au asiye na pesa
Masikini siyo bwege, uliza aliye tasa!
Masikini si mkenge, kwa mali uliyo kosa
wajihisi masikini, sakagti wewe tajiri?