The Palm Tree
JF-Expert Member
- Apr 13, 2013
- 7,951
- 12,540
Nimefurahishwa na taarifa rasmi iliyotolewa na serikali kupitia Afisa habari wa kurugenzi ya mawasiliano Ikulu Bi. Zuhura Yunus, kwamba Mh. Rais wa JMT, Bi. Samia Suluhu Hassan akiwa ktk ziara ya kiserikali nchini Ubelgiji amekutana na Mwanasheria, mwanaharakati, mwanasiasa machachari na makamu M/kiti Tanzania bara wa chama kikuu cha upinzani, CHADEMA ndugu Tundu Antipas Mughway Lissu.
Tundu Lissu yuko Ubelgiji nchi ya kigeni si kwa sababu ya kupenda bali kama mkimbizi wa kisiasa. Alikimbilia huko baada ya kutishiwa kuuwawa kwa mara ya pili na serikali ya Hayati Rais John P. Magufuli mara baada ya uchaguzi mkuu wa Rais, wabunge na madiwani Oktoba, 2020.
Katika uchaguzi mkuu huo, yeye alikuwa mgombea wa Urais kwa tiketi cha CHADEMA akichuana vikali na aliyekuwa mgombea wa CCM Hayati John P. Magufuli na mshindi wa uchaguzi huo na Tundu Lissu akishika nafasi ya pili.
Tundu Lissu ni mwanasiasa machachari kwa maana ya u - machachari kwelikweli. Ni mkosoaji mkubwa wa sera za serikali ya CCM tangu enzi za utawala wa awamu ya tatu chini ya Hayati Benjamin Mkapa, baadaye Jakaya Kikwete na kilele cha ukosoaji wake ikawa wakati wa utawala wa Hayati John P. Magufuli.
Wanasiasa wengi waliufyata wakati wa utawala wa awamu ya tano chini ya Hayati Rais John P. Magufuli ambaye ni kiongozi aliyesadifu tabia zote za kiongozi dikteta.
Tundu Lissu hakuwahi kumwogopa. Hakujali tabia ya udikteta wake. Alimkosoa waziwazi yeye binafsi na pia alikosoa sera, mipango na maamuzi mengi ya serikali aliyokuwa anaiongoza chini ya CCM.
Hayati Rais John P. Magufuli basically hakuwa kiongozi mvumilivu, hakupenda kukosolewa katika lolote analoamua. Kwa sababu za kisiasa, Tundu Lissu akawa adui namba moja wa Rais Magufuli na serikali yake na CCM.
Tundu Lissu akawa kero kwa Rais Magufuli, kero kwa serikali yake. Kwa sababu hizi wakatafuta kosa la kisheria kumfunga Tundu Lissu gerezani, wakakosa.
Wakajaribu kujibu hoja zake za ukosoaji dhidi ya Rais Magufuli na serikali yake zilizokuwa zinaibuliwa na huyu mtu, nako wakashindwa kuzipatia majibu sahihi ili kubalance shutuma zake ili umma umwone Tundu Lissu kama mtu mwongo na mzushi asiye mzalendo.
Bahati mbaya sana wakaja na mkakati mbaya, wa hovyo na wa kijinga wa kumuua tena kwa risasi za AK47 na SMG zaidi ya 35 huku 16 zikizama mwilini mchana kweupe katikati ya Jiji la Dodoma, Septemba 2017.
Kwa neema na rehema za Mungu mwenye enzi akazuia mauti ya kupangwa na wanadamu kumchukua mtu huyu. Tundu Lissu akaokokea ktk tundu la sindano kimiujiza na dunia nzima kushangaa.
Bahati mbaya sana, mtesi wake mkuu Rais John P. Magufuli mauti ikatangulia kumtwaa mwezi March, 2021 akamwacha aliyemdhania ni adui yake akiwa hai.
Makamu wake Bi. Samia Suluhu Hassan akatwaa kiti chake. Ndiye Rais wa JMT sasa.
Leo kafanya tukio kubwa sana na kukumbukwa. Kukutana na kufanya mazungumzo ya ana kwa ana na aliyedhaniwa ni adui wa taifa hili huku ukweli ukiwa kinyume chake.
Hongera sana Rais Samia S. Hassan. You are great leader in deed kwa kuvuka mstari wa laana kwa nchi yetu.
Hopefully, mazungumzo yenu yatazaa Tanzania mpya kijamii na kimahusiano kuanzia kesho. Aidha tunawataka hao ndugu zetu wanaoishi uhamishoni ktk nchi za kigeni kwa sababu za kisiasa na kwa kutopenda warudi nyumbani tujenge nchi yetu pamoja.
Sisi wananchi kwa kweli hatutaki kugombanishwa na wanasiasa waroho wa madaraka wachache. Tunataka kuishi kwa AMANI na UPENDO bila kujali tofauti zetu za itikadi za kisiasa na kidini.
Asanteni usiku mwema wote.
Tundu Lissu yuko Ubelgiji nchi ya kigeni si kwa sababu ya kupenda bali kama mkimbizi wa kisiasa. Alikimbilia huko baada ya kutishiwa kuuwawa kwa mara ya pili na serikali ya Hayati Rais John P. Magufuli mara baada ya uchaguzi mkuu wa Rais, wabunge na madiwani Oktoba, 2020.
Katika uchaguzi mkuu huo, yeye alikuwa mgombea wa Urais kwa tiketi cha CHADEMA akichuana vikali na aliyekuwa mgombea wa CCM Hayati John P. Magufuli na mshindi wa uchaguzi huo na Tundu Lissu akishika nafasi ya pili.
Tundu Lissu ni mwanasiasa machachari kwa maana ya u - machachari kwelikweli. Ni mkosoaji mkubwa wa sera za serikali ya CCM tangu enzi za utawala wa awamu ya tatu chini ya Hayati Benjamin Mkapa, baadaye Jakaya Kikwete na kilele cha ukosoaji wake ikawa wakati wa utawala wa Hayati John P. Magufuli.
Wanasiasa wengi waliufyata wakati wa utawala wa awamu ya tano chini ya Hayati Rais John P. Magufuli ambaye ni kiongozi aliyesadifu tabia zote za kiongozi dikteta.
Tundu Lissu hakuwahi kumwogopa. Hakujali tabia ya udikteta wake. Alimkosoa waziwazi yeye binafsi na pia alikosoa sera, mipango na maamuzi mengi ya serikali aliyokuwa anaiongoza chini ya CCM.
Hayati Rais John P. Magufuli basically hakuwa kiongozi mvumilivu, hakupenda kukosolewa katika lolote analoamua. Kwa sababu za kisiasa, Tundu Lissu akawa adui namba moja wa Rais Magufuli na serikali yake na CCM.
Tundu Lissu akawa kero kwa Rais Magufuli, kero kwa serikali yake. Kwa sababu hizi wakatafuta kosa la kisheria kumfunga Tundu Lissu gerezani, wakakosa.
Wakajaribu kujibu hoja zake za ukosoaji dhidi ya Rais Magufuli na serikali yake zilizokuwa zinaibuliwa na huyu mtu, nako wakashindwa kuzipatia majibu sahihi ili kubalance shutuma zake ili umma umwone Tundu Lissu kama mtu mwongo na mzushi asiye mzalendo.
Bahati mbaya sana wakaja na mkakati mbaya, wa hovyo na wa kijinga wa kumuua tena kwa risasi za AK47 na SMG zaidi ya 35 huku 16 zikizama mwilini mchana kweupe katikati ya Jiji la Dodoma, Septemba 2017.
Kwa neema na rehema za Mungu mwenye enzi akazuia mauti ya kupangwa na wanadamu kumchukua mtu huyu. Tundu Lissu akaokokea ktk tundu la sindano kimiujiza na dunia nzima kushangaa.
Bahati mbaya sana, mtesi wake mkuu Rais John P. Magufuli mauti ikatangulia kumtwaa mwezi March, 2021 akamwacha aliyemdhania ni adui yake akiwa hai.
Makamu wake Bi. Samia Suluhu Hassan akatwaa kiti chake. Ndiye Rais wa JMT sasa.
Leo kafanya tukio kubwa sana na kukumbukwa. Kukutana na kufanya mazungumzo ya ana kwa ana na aliyedhaniwa ni adui wa taifa hili huku ukweli ukiwa kinyume chake.
Hongera sana Rais Samia S. Hassan. You are great leader in deed kwa kuvuka mstari wa laana kwa nchi yetu.
Hopefully, mazungumzo yenu yatazaa Tanzania mpya kijamii na kimahusiano kuanzia kesho. Aidha tunawataka hao ndugu zetu wanaoishi uhamishoni ktk nchi za kigeni kwa sababu za kisiasa na kwa kutopenda warudi nyumbani tujenge nchi yetu pamoja.
Sisi wananchi kwa kweli hatutaki kugombanishwa na wanasiasa waroho wa madaraka wachache. Tunataka kuishi kwa AMANI na UPENDO bila kujali tofauti zetu za itikadi za kisiasa na kidini.
Asanteni usiku mwema wote.
