Waufukweni
JF-Expert Member
- May 16, 2024
- 1,509
- 3,992
Wakuu
Muktadha: Wakati mchakato wa kuhesabu kura kuwapata viongozi wapya wa Baraza la Wanawake la Chadema (Bawacha) ukiendelea, baadhi ya wanaodaiwa kuwa makada wa chama hicho wanashikiliwa na polisi kwa madai ya kuanzisha vurugu.
Tukio hilo limetokea leo Ijumaa, Januari 17, 2025 wakati kura za wajumbe wa mkutano mkuu, baraza kuu, na viongozi wa Bawacha zikihesabiwa katika ukumbi wa mikutano wa Ubungo Plaza, jijini Dar es Salaam.
Soma: Vurugu zazuka nje ya ukumbi wa uchaguzi Bawacha, Wafuasi wa Lissu na Mbowe wazichapa
Inadaiwa wafuasi hao walianzisha vurugu wakitaka kuingia ndani ya uzio wa ukumbi huo, lakini hawakuruhusiwa kwa sababu si wahusika wa mkutano huo, hatua iliyozua mvutano kati yao na walinzi waliokuwa eneo hilo.
Mwananchi limeshuhudia askari polisi wapatao sita wakiingia kwenye korido za ukumbi huo kupitia mlango mwingine na kwenda moja kwa moja nje ya uzio wa ukumbi kuwakamata wanaodaiwa kuanzisha vurugu na kuondoka nao.
Vurugu zimeanzishwa na wanaume wanaodaiwa kurandaranda nje ya ukumbi walipo wapigakura.
Chanzo: Mwananchi
Soma, Pia: Uzi maalumu wa matokeo Uchaguzi wa Baraza la Vijana (BAVICHA) na Baraza la Wazee (BAZECHA) na wanawake (BAWACHA) CHADEMA Taifa 2025
Muktadha: Wakati mchakato wa kuhesabu kura kuwapata viongozi wapya wa Baraza la Wanawake la Chadema (Bawacha) ukiendelea, baadhi ya wanaodaiwa kuwa makada wa chama hicho wanashikiliwa na polisi kwa madai ya kuanzisha vurugu.
Tukio hilo limetokea leo Ijumaa, Januari 17, 2025 wakati kura za wajumbe wa mkutano mkuu, baraza kuu, na viongozi wa Bawacha zikihesabiwa katika ukumbi wa mikutano wa Ubungo Plaza, jijini Dar es Salaam.
Soma: Vurugu zazuka nje ya ukumbi wa uchaguzi Bawacha, Wafuasi wa Lissu na Mbowe wazichapa
Inadaiwa wafuasi hao walianzisha vurugu wakitaka kuingia ndani ya uzio wa ukumbi huo, lakini hawakuruhusiwa kwa sababu si wahusika wa mkutano huo, hatua iliyozua mvutano kati yao na walinzi waliokuwa eneo hilo.
Mwananchi limeshuhudia askari polisi wapatao sita wakiingia kwenye korido za ukumbi huo kupitia mlango mwingine na kwenda moja kwa moja nje ya uzio wa ukumbi kuwakamata wanaodaiwa kuanzisha vurugu na kuondoka nao.
Vurugu zimeanzishwa na wanaume wanaodaiwa kurandaranda nje ya ukumbi walipo wapigakura.
Chanzo: Mwananchi
Soma, Pia: Uzi maalumu wa matokeo Uchaguzi wa Baraza la Vijana (BAVICHA) na Baraza la Wazee (BAZECHA) na wanawake (BAWACHA) CHADEMA Taifa 2025
