Tunatoka Tutakaporudi muda si mrefu

B

bnhai

JF-Expert Member
Jul 12, 2009
2,824
2,381
Hatuna muelekeo. Tupo tupo tu. Wenye kuona wameshaona na ahadi nyingi za ajabu na nyingine kushindikana kwa kasi;
  • Hivi ile bei ya Sukari tuliyoahidiwa ndio hii ya sasa? Mbona inapanda? Au ndio kuongeza makusanyo ya kodi?
  • Usafi nao uliishia wapi? Mbona Jiji ndio linazidi kuchafuka. Masoko ni machafu haswaa na kipindupindu kitaibuka muda si mrefu.
  • Nini tathmini ya elimu bure? Mbona hatuzungumzi namna michango inavyorudi kwa mlango wa nyuma. Ilikuwa ni haraka au sifa?
  • Toka tumejivika weledi wa utumbuzi, nani ameadhibiwa? Hapa nimgusie Mh Kilango. Mama yule wakati wenzake wamekazana kuifilisi nchi aliwahi kuinuka na kupiga kelele, wananchi wanaibiwa. Leo hii kadanganyika, basi akawa mdhalilishwaji wa hali ya juu. Tukikosea hakuna onyo? Ukipewa kazi ya udereva, ukigonga tu hata kama ni kwa sababu ya ubovu wa chombo wewe ni kunyang'anywa leseni na hutoendesha gari tena. Kwani hakuweza kurekebishika mama yule?
Hatuna muelekeo, kuna matumizi mengi yanaongezeka lakini upande mwingine tunajifanya kuchangia matumizi. Hivi serikali inajipaje uwezo wa kuchangia umeme (maana TANESCO inakwenda kwa ruzuku) wakati kuna wananchi taa hazijawaka. Kulikuwa na sababu ya kuondoa service charge kwa biashara yenye hasara? Hizi zote ni political decision ambazo zinakosa rationality
 
mtima nyongo said:
Tuko kwenye msimu wa kusifia tu
ukioji mambo ya msingi utaandamwa na matusi toka lumumba mpaka ukome
Click to expand...
Mie dhana si Lumumba, bali uhalisia. Hatujaanza safari na tunakaribia miezi sita. Kubwa tumefanikiwa kufanya ufunguzi wa daraja la Kigamboni na kuweka jiwe la msingi barabara TAZARA. Haya ndio mafanikio.
 
huna hoja wewe hivi hujasikia hata ujenzi wa flyover ya Tazara????
 
Kama kulikuwa na sukari inaingizwa bila kodi lazima kuwepo kipindi cha mpito chenye matatizo ya sasa. Miwa ni zao la msimu. Viwanda sasa wajipange kukithi soko la ndani. Mwakani hawatakuwa na excuse tena. Mahitaji yetu yanajulikana waongeze uzalishaji bila ya hofu kuwa italetwa sukari ya nje isiyolipiwa kodi na kuifanya ya ndani iwe bei kubwa.
 
Hii hoja si sahihi na serikali ilitakiwa kujipanga kabla ya kukurupuka. Kama tatizo lilikuwa ni kodi ingeelezwa hivyo na si kufanya sukari iadimike.
 
Serikali ya Bwana POMBE bado haina dira wa mwelekeo! Unachotakiwa ni kusifia tu!
 
hakika utakuwa umejiandaa kisaikolojia mana watakuja na matusi mazito.
 
bnhai said:
Hii hoja si sahihi na serikali ilitakiwa kujipanga kabla ya kukurupuka. Kama tatizo lilikuwa ni kodi ingeelezwa hivyo na si kufanya sukari iadimike.
Click to expand...
Hili suala hata uanzie wapi huwezi kukwepa transition period. Siamini kama JPM kapiga marufuku ya moja kwa moja. Amewapa watengenezaji wa ndani waonyeshe kuwa wanaweza kukidhi soko letu la ndani. Wakishindwa, watamlaumu nani? Hapo itabidi iagizwe nje ya nchi lakini kwa utaratibu mzuri zaidi ili serikali ipate kodi bila kuwaumiza wananchi kwenye bei.
 
Transition yoyote ina mpangilio. Tatizo hatuna mipango ya kueleweka. Bahati mbaya taarifa za habari zinajaa watu wanaofukuzwa kazi. Hivi tukimaliza kuwafukuza wote, tutatoa kibao kipi. Maana majipu yapo kwenye chati sasa hivi. Dar es Salaam, sukari imeongezeka bei kwa sababu ya mipango ambayo kama ingepangwa vyema wananchi wangenufaika, nyama imepanda baadhi ya maeneo kwakuwa mabucha yamefungwa. Yaani ni vituko tu.
 
Mbadala wa CCM na Serikali yake ilipaswa kuwa "UKIWA" oh samahani nilimaanisha UKAWA. Matendo yao na maamuzi yako yanadhihirisha kuwa kuihesabu UKAWA inayoongozwa na CHADEMA kuwa ni mbadala wa CCM ni wendawazimu.

Unapoonyesha udhaifu wa mtawala aliyepo onyesha makosa yake na namna ambavyo wewe ungefanya kwa ubora zaidi.Nchi inapokuwa na mpinzani ambaye uwezo wa hoja zake ni kususa,kukosoa na kulalamika tambua kuwa zaidi ya aliyepo hakuna njia bora zaidi.

Wajenga hoja makini Dr.Slaa na Pro. Lipumba walipoondoka na kuwaachia UKAWA makapi ya CCM,wahamiaji walikuja na wapiga debe wao. Kazi yao imebaki moja tu kukosoa bila kutoa nini kifanyike. Njia za mirija zinazibwa lazima walie. Mamluki lazima walie.

Mtalalamika jibu hoja.Jibu langu ni kwamba uwanja unaotaka kujenga nyumba nzuri lazima usafishwe,uchimbwe msingi na kuleta vifaa. Pale palipo na nyumba nzuri iliyojengwa na wazazi na ikaachwa bila matunzo ,warithi wakija husafisha eneo lao,hufanyia matengenezo majengo yao,hupaka rangi kabla ya kuanza kuitumia.

JPM anasafisha nyumba iliyochafuliwa. Miongoni wa waliounda timu ya uchafuzi ni pamoja na mhamiaji aliyekipora CHADEMA na UKAWA kesho yake akawa kielelezo cha timu mpya. Wenye nyumba wamesema huyu siye. Kama JPM anakosea sana kwa kufanya yaliyotofauti na matakwa ya wenye nyumba furahini, Maana 2020 mtapeta kwa kuaminiwa.

Mimi ni mmoja wanaoamini kuwa kwa mwaka 2020 wapinzani wafikirie namna ya kupata wabunge kwa kiti cha magogoni JPM atakuwa na kazi moja tu kueleza alichokifanya.

Kuna swali kila tukiuliza jibu ni matusi.CDM walishindwa kusimamia kanuni za chama chao tu kupata mwakilishi wa nafasi ya Urais ,ni kipi kitawafanya Watanzania wawaamini kuwapa ikulu yetu na kutuongoza kuleta maendeleo? si watabadili maamuzi angani.

Hamuyaoni tunayoyaona JPM anaondoa misingi ya uovu na dhuluma. Si muda mrefu kabla ya miaka 5 ya awamu yake ya kwanza mtaelewa.Asiyefanya kazi hapaswi kula.
 
Hili ndio tatizo tulilonalo. Watu bado mko kwenye aidha kampeni za uchaguzi au mnavinadi vyama. Huu si wakati wake. Sasa hivi kipaumbele ni nchi yetu. Nimegusia machache ya maamuzi yasiyoeleweka, hujatolea ufafanuzi hata moja zaidi ya kuona ni chama na uchaguzi. Kuna mengine zaidi ya hayo. Kuna watu wanadai mafao yao hawajalipwa, kuna elimu mbovu (mbadala wa mawaziri kutatua tatizo la elimu ya msingi ni kuleta wataalam wa nje), ujambazi nk. Dhana si kila Mkuu wa Nchi akisimama kusema mtu ameondoka. Hii tabia ilimpendeza sana Headmaster wangu, mkuu wa nchi atuambie huko kwenye viwanda, ajira, kilimo bora, elimu ya kueleweka na si ya bure, tunafika vipi.
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…