DOKEZO Serikali wasaidieni Wastaafu wa CANVAS (Morogoro), miaka 25 hawajapata haki yao, wenzao 140 wameshatangulia mbele ya haki

[Anonymous]

Mimi ni mtoto wa mmoja wa Wazee Wastaafu wa Kiwanda cha Maturubai (CANVAS) mkoani Morogoro ambao wamekuwa wakidai fidia zao kwa zaidi ya miaka 25 sasa bila mafanikio yoyote huku ikisemekana kwamba Hazina ndio kikwazo kikubwa katika mchakato huu.

Nimelazimika kuandika huku Jamii Forums baada ya kuona hali inazidi kuwa mbaya, wazee wetu wanakufa wakiwa na masononeko na Serikali yao.

Waliokuwa Wafanyakazi zaidi ya 700 wa kiwanda hicho wamekuwa wakidai malipo yao ya mishahara tangu Mwaka 1997 hadi 1998.

Mzee wangu na wenzake wamepokea ahadi mara kwa mara kutoka Hazina kuhusu malipo haya, lakini hadi leo (Septemba 2024) hakuna hatua madhubuti zilizochukuliwa.

Hazina iliahidi kuanza mchakato wa malipo Mwaka 2021 kwa jumla ya Shilingi Bilioni 123 na Milioni 400, lakini hakukuwa na utekelezaji wowote tangu wakati huo.

Soma Pia: Vilio vya Wastaafu wa majeshi vitatuliwe haraka, kinachoendelea ipo siku kitatengeneza ‘matunda yasiyofaa’

​

 

[kipanga85]

duuuuh!

 

[Inside10]

Haya mambo yanaumiza sana sijui kwanini wahusika wanafanya hivyo?!
Kesi kama hiyo ipo kwa wastaafu wa TAZARA.
Chakushangaza zaidi haohao wastaafu ndio ccm nambari 1

 

[Msweet]

Masikitiko makubwa sana🥲🥲

 

[Mwamuzi wa Tanzania]

Watanzania ni kama matahira.
Hatuendi kwa huruma, tunaenda kwa haki
Mahakama imeamua nini?
Kila mtu akikwama anamlilia Waziri mkuu au Rais.
Huu utamaduni si mzuri. Kuna mahakama nyingi za level tofauti

 

[FRANCIS DA DON]

Sasa miaka 25 wanasubiri kulipwa mshahara au pensheni?

 

[Waka Waka]

All the best