MWANZA: Mtu Mwingine auawa kwa kukatwa mapanga usiku Sengerema

Donatila said:

Wakati upelelezi wa tukio la watu saba wa familia moja kuuawa kwa kukatwa mapanga na watu wasiojulikana ukiendelea, mauaji mengine ya aina hiyo yametokea wilayani Sengerema.

Safari hii, mkazi wa Kijiji cha Bilulumo, Kata ya Kafunzo, James Mgambo (71) aliuawa kwa kukatwa mapanga na watu wasiojulikana.

Kwa mujibu wa Diwani wa Kata ya Kafunzo, Dotto Bulunda, mke wa Mgambo aliyetajwa kwa jjina la Nyangalo Masisa (65) alijeruhiwa katika tukio hilo na amelazwa Hospitali ya Wilaya ya Sengerema.
“Chanzo cha mauaji hayo hakijajulikana na polisi wamefika kwa ajili ya uchunguzi,” alisema Bulunda.

Ofisa Mtendaji wa Kijiji cha Bilulumo, Said Makelemo alisema mapanga mawili yanayoaminika kutumika yalikutwa eneo la tukio.

Mmoja wa majirani wa familia hiyo, Lameck Kasabulilo alisema hawakusikia kelele za kuomba msaada.
Kwa mujibu wa msemaji wa familia, Hakimu Elisha, mazishi ya Mgambo yanatarajiwa kufanyika leo katika makaburi ya ukoo yaliyopo kijijni hapo.

Mgaga Mkuu wa Hospitali Teule Wilaya ya Sengerema, Dk Mary Jose alisema mwili wa marehemu umehifadhiwa chumba cha kuhifadhi maiti, huku hali ya majeruhi ikiendelea vizuri.

Mkuu wa Wilaya Sengerema, Zainab Telack alisema tayari uchunguzi wa kina kuhusu tukio hilo umeanza na kuapa wahusika watasakwa na kutiwa mbaroni.

Click to expand...

Entim said:

Looh, inabidi nikamchukue bibi yangu huko nyakalilo, sengerema maana ana macho mekundu wasukuma hawachelewi kufyaranga mapanga kisa macho ya uzeeni hayana afya kwa sababu ya moshi wa mabua.

Click to expand...

fattys said:

Mwanza na Kanda ya Ziwa Kwa ujumla imani za kishirikiana zimetawala sana. Mauaji mengi ni ya kulipizana kisasi. Hata mtu akifariki kwa kifo cha kawaida lazima waende kwa waganga. Huko wanatoka na jina la mtu nao wanakuja kumua huyo alitajwa. Ndugu wa aliyeuwa nao kama wanaubavu wanaua Familia iliyomuua ndugu yao hivyo kufanya mzunguko usioisha wa mauaji ya kulipiza kiasi.
Wana Mwanza na Watanzania Kwa ujumla ileleweke kifo ni majaliwa ya Mwenyezi Mungu. Kila mmoja lazima atakufa. Kwa mtu akifa hakuna sababu ya kumkatia rufaa kwamba kifo chake hakikuwa cha haki. Kama kungekuwa na rufaa hiyo mwenyekuisikiliza angekuwa ni Mungu. Mbona basi tunatoa hukumu ya hiyo rufaa sisi wanaadamu!?

Click to expand...

kenge mwekundu said:

ukiwangali wapole saana watu wa mwanza unajiuliza haya mauaji wanayafanyaje mbona wana nyuso za kondoo saana wanaonekana wakarimu, au kuna wageni toka nchi jirani huja kufanya hili tukio?

Click to expand...