Mpina afungua kesi dhidi ya Spika wa Bunge, Waziri wa Fedha, Waziri wa Kilimo, Kamishna wa TRA, AG na Makampuni ya kuagiza Sukari

[JanguKamaJangu]

Mpina awafungulia kesi Spika wa Bunge, Waziri wa Fedha, Waziri wa Kilimo, Kamishna wa TRA, AG na Makampuni yaliyopewa tenda ya kuagiza Sukari

Mbunge wa Kisesa (CCM), Luhaga Mpina amefungua kesi mbili Mahakama Kuu Kanda ya Dar es Salaam, ambapo kesi ya kwanza ni dhidi ya Spika ambapo anahoji juu ya uhalali wa kuadhibiwa na Bunge kwa kusimamishwa vikao 15.

Kesi ya pili ni Mpina dhidi ya Waziri wa Kilimo, Waziri wa Fedha, Kamshina wa TRA na Mwanasheria Mkuu wa Serikali pamoja na kampuni ya Itel na Zanzibar Merchandise ambapo anahoji uhalali wa utaratibu uliotumika kutoa vibali vya uagizaji wa Sukari, ambapo Mpina anadai kuwa utaratibu huo ulikiuka Sheria, ambayo anadai kuwa vibali vinatakiwa kutolewa kwa muagizaji ambaye ni mazalishaji wa sukari.

Aidha kesi nyingine imefunguliwa na Mkulima anayetambulika kwa jina la Mzigondevu dhidi ya Waziri wa Kilimo na Mwanasheria wa Serikali, ambapo Mkulima huyo anayewawakilisha wengine wanahoji mabadiliko ya Sheria ya Fedha ya Mwaka 2024 ambayo wadai yamefungua mlango wa uagizaji holela wa sukari, Kwamba Waziri anaweza kuruhusu yeyote kuagiza sukari jambo ambalo wanadai kuwa likitekelezwa linaweza kuathiri wazalishaji wa ndani.

Akizungumzia kesi hiyo, Wakili Boniface Mwambukusi ambaye amesema anaungana na Mawakili wengine takribani 100, akiwemo Wakili Dkt. Rugemeleza Nshala kusimamia kesi hizo tatu.

Ameeleza mteja wao kwenye kesi ya pili anahoji masuala mbalimbali "Anahoji uhalali na usalama wa sukari inayoingizwa nchini kama unafuata taratibu za kiafya na taratibu za taratibu zilizowekwa kimataifa kuhusu uingizwaji wa sukari. Lakini vilevile anataka kupata majawabu kama ilikuwa sahihi kwa misamaha ya Kodi iliyotoka ikiwa ni mabilioni, ambayo mteja wetu anaamini zinatakiwa kuingia kama Kodi au tozo"

Amesema nia kubwa ya mteja wao (Mpina) ni kutekeleza haki za ulinzi wa Taifa na usimamizi wa sheria.

Aidha, Mpina akiwa mahakamani hapo leo August 28, 2024 amesema "Niseme kwamba najua katika uamuzi huu niliouchukua ni uamuzi wa maamuzi magumu kwa Mbunge kuchukua hatua hizi."

Amesema uamuzi huo ni 'challenge' kwa Bunge na Wabunge wenzake pamoja na watu ambao wamepewa dhamana ya uwakilishi

PIA SOMA
- Kuelekea 2025 - Luhaga Mpina amshtaki Spika Tulia na Mwanasheria Mkuu wa Serikali kwa kuondolewa Bungeni kinyume na Sheria

 

[Benjamini Netanyahu]

Mahakama hii ambayo ni tawi la UVCCM haiwezi kutenda haki

 

[Lethergo]

Ebu subiri tuone

 

[johnthebaptist]

Mpina bado yuko CCM?🐼

 

[Hu Jintao]

Politricks

 

[Extrovert]

Kwa akili za "Vegetable Party" kuna kila dalili za kusikia huyu mbunge kaokotwa Katavi.

 

[Bulelaa]

Shida inayoangamiza taifa letu, ni viongozi wengi kujipendekeza na kuacha wajibu wao kisheria

Isingekuwa kujipendekeza, Wasingefikishwa mahakamani

 

[City Owl]

Nchi umeanza kuchangamka tena.
Siku mahakama zikiwa huru, mabadiliko yatakuwa mengi sana.

 

[DUBULIHASA]

Ccm siwapendi kabisa na huyu pia simuungi mkono maana anafanya mambo kwa maslahi yake binafsi... Enzi za jiwe sikumwona akisema chochote... Apambane na Hali yake mi nipo zangu nakula kitimoto

 

[Vishu Mtata]

Hii nchi ingekua inaendeshwa kwa haki hata kwa kwa asimilia kadhaa tu, ufisadi kama usingelikua unatokea kwa uwazi namna hii.

 

[ndolelejiUduhe]

Mpina bado yuko CCM?🐼

Mnataka kumfukuza aondoke na ile Nyomi ya jimbo la Kisesa iliyompokea siku zile aliposimamishwa kuhudhuria Bungeni ??😅😱

 

[Smart911]

Ngoja tuone...


Cc: Mahondaw