Makontena ya Makonda yadoda, kugawiwa kwa umma

[Mwanahabari Huru]

IWAPO Makontena 20 ya Mkuu wa Mkoa wa Dar es Salaam, Paul Makonda yanayopigwa mnada na Mamlaka ya Mapato nchini (TRA) kupitia Kampuni ya Udalali ya Yono Auction Mart yatakosa mnunuzi, yatagaiwa kwenye taasisi za umma.

Leo tarehe 15 Septemba 2018 makontena hayo yalipigwa mnada kwa mara ya nne mfululizo na kukosa wanunuzi, kutokana na wateja waliohudhuria kwenye mnada uliofanyika bandarini jijini Dar es Salaam, kushindwa kufika bei elekezi.​

Makontena hayo 20 yenye samani mbalimbali ikiwemo meza na viti vya ofisi, yanapigwa mnada baada ya kukwama bandarini kutokana na kudaiwa kodi ya kiasi cha Sh. 1.2 bilioni. Na kwamba TRA imepanga bei elekezi kwa kila kontena kuwa ni Sh. 60 milioni ili kufidia deni hilo.

Kwa mujibu wa Kamishna wa TRA,Charles Kichere amesema kuwa, bei elekezi ya makontena hayo haitaweza kupungua kwa mujibu wa Sheria ya Ushuru wa Forodha ya Afrika Mashariki, kama baadhi ya wateja wanavyopendekeza.

Akizungumza na MwanaHALISI Online, Kamishna Kichere ameeleza kuwa, endapo wanunuzi hawatafika bei elekezi, sheria inaelekeza kuwa, makontena hayo yagaiwe kwenye taasisi za umma.

“Bei inapangwa kwa mujibu wa sheria, kabla ya bei kupangwa hesabu hukokotolewa ikiwemo ushuru wa forodha na gharama za kuhifadhi mizigo. Sheria ya Ushuru wa Forodha ya Afrika Mashariki inaelekeza jinsi ya kukokotoa bei elekezi,” amesema na kuongeza Kamishna Kichere.

“Bei ya makontena iliyopangwa haiwezi kupunguzwa kwa mujibu wa sheria, na kama yakikosa wateja kuna utaratibu wake unaofuata. Inawezekana yakagaiwa katika taasisi za umma au kwenye huduma za kijamii.”

 

[Khalidoun]

First priority - Walimu

 

[Erythrocyte]

Hii tullijua tangu mapema , ni kama samaki wa Magufuli kama walivyogawiwa kwa wanaccm wenye njaa

 

[Etwege]

Chadema watakoma kwa roho zao za korosho

 

[masara]

Naamini mikoa yote itanufaikabna kazi nzuri wa makonda ya kuleta msaada na sasa utagusa watu wengi zaidi

 

[masara]

Wakikkuambia tatizo na mimi nijulishe maana na mimi ni mhenga

 

[Pohamba]

Vikigawiwa Na Mikoa Mingine maana yake Kazi ya Bw. Makonda imeanza kuvuka Mipaka ya 'Mkoa wake'

Itathibitisha kuwa Paulo Ni Mkuu wa Wakuu wa Mikoa japo RC
bora anatoka Simiyu

 

[mwayena]

Chadema watakoma kwa roho zao za korosho

Mnatingisha viuno tu.mnasimamia lipi nyie watu?

 

[MWANDENDEULE]

Yapelekwe kwa wananchi mwanza

 

[Nyanidume]

Ingekuwa hiyo sheria wanayoing'ang'ania imetoka kwa Mungu sawa tungesema haiwezi kutenguliwa, lakini sheria zenyewe hizi zilizotungwa na akina Musukuma, kwanini hiyo bei isishuke?

 

[zithromax]

Ndo ulimukeni wa TRA hata kama kitu Ni cha 5m wao wanataka 10m

 

[MpendaTz]

Hapo kuna jambo linafichwa, Watanzania tuko warahisi kweli kudanganywa. Ukiisha sikia wanagawia ofisi za umma au huduma ya jamii, basi hutaijua "criteria" ya kugawa na hapo ndipo walioagiza watakapochukua mzigo bila kulipa kitu. Hakika hakuna cha kushangaza au kipya. Waliorudisha za Escrow hatujui ni lini, wapi na kiasi gani, Waliorudisha za EPA pia hatujui chochote. Sasa mwananchi atajua hili litaishia wapi? Ahhh!

 

[100bucks]

Chadema watakoma kwa roho zao za korosho

Kumbe hawa chadema ndio wamekwamisha hili zoezi,sad!