Majadiliano ya kijamii kuhusu ununuzi wa magoli na athari zake katika soka tanzania

Bwana kaduga said:

Tupo na jamaa zangu kijiweni, tukifanya mazungumzo kuhusu soka. Ghafla mmoja wetu akatokea na kusema, "Unajua, mama anaupiga mwingi sana, hasa kwenye suala la kununua goli moja kwa milioni tano!"

Mwingine alihitaji ufafanuzi, akahoji, "Anaweza kununua magoli kisha anayauzia wapi?" Kabla ya kupata majibu, mwingine akajibu, "Labda anaweka kwenye maktaba ya Ikulu kama kumbukumbu!"

Mwanzisha mada alijitokeza na kusema, "Si hivyo ndugu zangu. Mama anafanya hivyo ili timu zetu ziwe na nguvu za kufanya vizuri kimataifa."

Mtu mwingine akainuka na mtazamo wake, akasema, "Vipi kuna ulazima wa kununua hayo magoli bora? Ingekuwa bora angeendelea kutukopesha vijana kwa masharti nafuu, kisha tunazirudisha serikalini fedha hizo. Hali hii inatufanya tushindwe kuelewa faida ya matumizi haya ya fedha za magoli."

Soma Pia: Rais Samia kununua kila goli Tsh. Milioni 5 mechi za Simba, Yanga CAF

Nilijikuta nikiondoka baada ya kuona mjadala umekuwa mzito, ghafla nikasikia mtu ananiita, "Bwana Kaduga, mbona unaondoka bila kusema chochote?" Nilipogeuka niseme neno lolote, niligundua kuwa nilikuwa nikistuka kutoka usingizini.

Click to expand...

uhurumoja said:

Yuko kuhamasisha utalii wa michezo hizi team zinapofanya vizuri utalii kupitia michezo unaongezeka na pato la taifa na mtu mmoja mmoja kuongezeka
Waarabu wamechelewa kujua hili Sasa wanapambana ila Uingereza soka ni bidhaa inayowaingizia pato kubwa na kuajiri watu wengi

Click to expand...

Benny Haraba said:

Mahesabu rahis,i uwanja wa mkapa unachukua watu 60,000 fanya kima cha chini cha kiingilio uwanjani kiwe elfu 3 inamaanisha ukijazwa zitapatikana milioni 180. Je ni ving"amuzi vingapi vya Azam tanzania nzima vinavyo oneshesha mpira piga kwa mwezi wanalipia 28,000 serikali inapata kiasi gani? Kwa mwezi na kwa siku?

Kwa maneno mengine hizi hela zinarudi kilaini sana, ninamna nzuri ya kurudisha fedha kwa wale waliosababisha ziingie

Click to expand...