Je, lini Waafrika wataacha kujaribu kuvuka bahari ya Mediterranean kwenda Ulaya?

[Richard]

Jumatatu ya terehe 3 mwezi huu , meli maarufu ya uokoaji ya Italia iitwayo Dattilo iliokoa wahamiaji wapatao 1000 kwenye pwani ya Catania kwenye mji wa Sicily nchini Italia pembezoni mwa bahari maarufu ya Mediterranean.

Hivyo ilikuwa ni kazi ya uokoaji ya siku mbili kati ya kazi 72 ambazo meli hiyo imefanya na kufanikiwa kuokoa maisha ya waafrika wapatao 10,000 ambao walikuwa wakijaribu kuvuka bahari ya Mediterranean kwa kutumia meli ndogo au mitumbwi ya kujazwa upepo.

Katika shughuli hiyo ya uokoaji waokoaji waligundua miili 28 ya binadamu ambayo ilikuwa imelala sehemu ya chini ya meli hiyo ndogo ambayo ilikuwa imejaza watu wasopungua 1000.

Wahamiaji karibu wote wanahisiwa kutokea kusini mwa jangwa la Sahara hususan katika nchi za Chad, Nigeria, Mali, Niger, Sudan, Somalia, Libya, Ghana, Burkina Faso, Benin, Eritrea na Ethiopia.

Wavushaji wa wahamiaji hao au "smugglers" hulipwa kiasi kikubwa cha fedha hadi kufikia dola 5000 kwa mtu mmoja ili aweze kupata nafasi kwenye meli za kuwavusha na kuna kesi zingine kwamba baadhi ya wahamiaji hao waso na uwezo huwezwa kupelekwa kwa mkopo yaani bure na wakifika kwenye nchi husika ndugu zao hubanwa kuanza kufanya malipo kidogokidogo au kwa awamu.

Wahamiaji hawa ni mbali ya wale wahamiaji wa kutoka Syria au Iraq na Afghanistan ambao sitawazungumzia hapa lakini kwa kuangalia nchi za Afrika na idadi ya watu hawa wanaojaribu kuhatarisha maisha yao kila siku kujaribu kuvuka bahari ya Mediterannean inazidi kutisha.

Wahamiaji vijana wakiiruka miili ya waafrika wenzao ambao wamefariki na ndoto ya kwenda Ulaya.

Idadi ya waafrika wanaofariki katika majaribio ya kwenda Ulaya ni kati ya 22 na 30 kwa jaribio moja.

Boti moja ndogo ya wavusaji huweza kujaza watu wapatao 1000 kwa safari moja.

Ndoto za kwenda Ulaya ni kwa wote si kwa wanawake si kwa wanaume, vijana wa Elitrea wakijaribu bahati yao.

Kijana mdogo wa kutoka Afrika akiwa bado haamini kama ameweza kuokolewa.

Mtoto mdogo akiwa ndani ya meli ndogo ilojaza watu.

Waafika hawa wakigombea koti ya uokozi au life jacket baada ya kufikiwa na meli ya uokoaji.

Hadi sasa waafrika wapatao 132,000 ndiyo walofanikiwa kufika salama nchini Italy ambapo sharia ya sasa inataka waeombe hifadhi ya ukimbizi katika ktuo cha kwanza wanapotia mguu barani Ulaya.

Lakini lengo kuu la wahamiaji hao ni kwenda kaskazini mwa Ulaya hususan kwenye nchi za Ujerumani au Uingereza ambazo nazo sasa hivi zinarekebisha sheria zao za uhamiaji.

Ila sababu kubwa ya wimbi hili la wahamiaji hawa wa kiuchumi ni umaskini, vita, ukandamizaji wa haki za binadamu na kutafuta maisha bora.

Je, Serikali za Afrika zinapoona hali hii huwa zinafikiria nini ili kuwanusuru vijana hawa ambao ndiyo nguvu ya maendeleo katika nchi zao?

Je, Umoja wa Afrika unaona hali hii na kama ni hivyo mbona umekaa kimya?

Kipi kinaweza kufanyika?

Chanzo cha picha: AFP.

 

[Zamiluni Zamiluni]

Wapo wapi "wale wenye kushobokea ati tulikuwa WATUMWA" ?????????

 

[Nucky Thompson]

Wataacha pale ambapo watazingatia elimu, kucha tamaa na uvivu, maisha ya short cut, hii ni kuanzia kwa viongozi hadi wananchi wa kawaida
Afrika tutasonga mbele kwa elimu na kufanya kazi tu

 

[Victoire]

Mimi wananiudhi jamani, yaani sijui ni upungufu wa akili, jamani maisha popote pale, kama huwezi kwenda ulaya legal baki nchini kwako. Wanaudhi sana kwa kweli.Inabidi african union iingilie kati. Iwatokomeze kwanza hao wanaolipwa hela ili kuwajaza watu kwenye boat

 

[Mr Hero]

Viongozi wa kiafrika wengi wao madikteta, wamesahau maendeleo ya nchi zao na watu wao, wanachojali wao ni kujilimbikizia Mali, kujaza majeshi kwa ajili ya kulinda vyeo vyao, hakuna kiongozi afrika anaejali raia wake,
Hata hivyo wacha wazamie tu wazungu wapuuzi sana, mtu pekee aliekuwa amedhibiti Uhamiaji haramu alikuwa Gaddafi kwa sababu hawa wahamiaji ili wafike ulaya lazima wapite pwani ya Libya kuingia lampedusya Italy, sasa Ile pwani iko free na wazungu wanachowaza ni kuiba mafuta ya Libya tu huku uchochoro wa kuingia ulaya ukiwa wazi,
Sizungumzii wanaopitia Turkey kutokea mashariki ya Kati nao ni maelfu ya wahamiaji, wacha ulaya ijae tu hakuna namna

 

[Richard]

Mimi wananiudhi jamani, yaani sijui ni upungufu wa akili, jamani maisha popote pale, kama huwezi kwenda ulaya legal baki nchini kwako. Wanaudhi sana kwa kweli.Inabidi african union iingilie kati. Iwatokomeze kwanza hao wanaolipwa hela ili kuwajaza watu kwenye boat

Nina wasiwasi sana na hawa wanaowavusha wasije kuwa ni baadhi ya watu wazito kutoka kwenye nchi za Afrika, yaani mradi fulani hivi.

 

[stephot]

Yote hii inasababishwa na viongozi wa nchi za Kiafrika wanao ng'ang'ania madaraka kwa tamaa za kujitajirisha,picha nininayoipata hapa ni kuwa hawa wahamiaji haramu ni watu ambao wamesha amua kufa au kupona,ni watu waliokata tama kabisa ya kuendelea kuishi,sio kwamba hawajua fate ya hatua wanayoichukua ya kusafiri kwa hiyo mitumbwi isiyo salama,wanachokifanya ni kujilipua liwalo na liwe.

 

[Victoire]

Yote hii inasababishwa na viongozi wa nchi za Kiafrika wanao ng'ang'ania madaraka kwa tamaa za kujitajirisha,picha nininayoipata hapa ni kuwa hawa wahamiaji haramu ni watu amabao wamesha amua kufa au kupona,ni watu waliokata tama kabisa ya kuendelea kuishi,sio kwamba hawajua fate ya hatua wanayoichukua ya kusafiri kwa hiyo mitumbwi isiyo salama,wanachokifanya ni kujilipua liwalo na liwe.

Hapana kwa kweli, kama huyo mwananchi anaweza afford dola 5000 almost milioni kumi akiwa nchini kwake, akikaa na kuizalisha hiyo si anaishi vizuri tu nchini mwake ? Ya nini kuwatajirisha wavushaji huku unakwenda kufa au unakwenda teseka ulaya, maana hawa kupata refugees resident permit itakuwa ngumu, as for now ulaya ipo busy na wakimbizi wa syria

 

[Victoire]

Nina wasiwasi sana na hawa wanaowavusha wasije kuwa ni baadhi ya watu wazito kutoka kwenye nchi za Afrika, yaani mradi fulani hivi.

Inawezekana pia, maana hii biashara inalipa kuliko hata madawa ya kulevya.

 

[BDN]

Hii ni hatari sana, hata kama ulaya ni kuzuri kumeendelea lakini maisha ni popote na Mungu ndiye amepanga ikiwa ni mpango wa Mungu utafika tu, Ingekuwa Mungu anakuuliza wewe uzaliwe wapi sidhani kama kuna mtu angechagua kuzaliwa Afrika.

 

[Auz]

Viongozi wa Afrika wako busy sana katika kupora rasilimali za nchi zao, kupora demokrasia, kupora utu na uhai wa wananchi wao ikiwa hata hiyo ya kuchukua pesa na kuwahadaa hao waende nchi za Ulaya kutafuta maisha mazuri ambayo wao wanashindwa kutengeneza mazingira ya kuyawezesha nchini mwao.

 

[Nichumu Nibebike]

Umeuliza swali lako kama mbunge. Hongera...
Kuhusu kuacha kuvuka labda mpaka hali ya Amani na uchumi wa Afrika utakapoboreka...

 

[samsun]

Nina wasiwasi na Balotel nae itakuwa aliingia Italy kwa njia hiyo,maana wa west Africa wengi wanafikiria kwenda kucheza soka huko Europe,mademu kujiuza au kucheza picha chafu na uhalifu mwingine.

 

[fungi]

Nina wasiwasi na Balotel nae itakuwa aliingia Italy kwa njia hiyo,maana wa west Africa wengi wanafikiria kwenda kucheza soka huko Europe,mademu kujiuza au kucheza picha chafu na uhalifu mwingine.

Acha kuchafua jina la Baloteli
Baloteli anasumbuliwa la kisaikolojia baada ya kugundua wazazi wake walimuuza ulaya
Japo aliishi maisha mazuri lakin baada ya kugundua hili ndio utukutu ulipoanza

 

[Richard]

Nina wasiwasi na Balotel nae itakuwa aliingia Italy kwa njia hiyo,maana wa west Africa wengi wanafikiria kwenda kucheza soka huko Europe,mademu kujiuza au kucheza picha chafu na uhalifu mwingine.

Unafahamu Baloteli ana utajiri kiasi gani, yaani net worth pesa kwenye akaunti yake ya benki?

Fuatilia historia nzuri ya huyu kijana.

Kuna watu wamejitahidi kwelikweli kumtafutia matatizo lakini Baloteli anatumia akili kwenye maisha yake.

Sasa anachezea timu ya Nice na anafanya vizuri sana.

 

[Richard]

Acha kuchafua jina la Baloteli
Baloteli anasumbuliwa la kisaikolojia baada ya kugundua wazazi wake walimuuza ulaya
Japo aliishi maisha mazuri lakin baada ya kugundua hili ndio utukutu ulipoanza

Wazazi wa Baloteli walikuwa ni wahamiaji nchini Italia na Baloteli ana wadogo zake watatu wa kuzaliwa na mama mmoja wanaitwa Abigail, Enoch, na Angel Barwuah.

Anawatunza ndugu zake pamoja na kwamba yeye alililewa na familia ya kiyahudi ya Baloteli.

Baloteli na utajiri usiopungua Euro milioni 38 kama akiba benki na ana nyumba ya kifahari mjini Manchester nchini Uingereza.

Hiyo nyumba thamani yake ni Euro milioni 2.5

 

[Mshuza2]

Kuna watu wanajua Kutake risk..