Je, kila mtu anaweza kuwa tajiri? Ukweli usiosemwa kuhusu uwiano wa maisha

[Davidmmarista]

Habari wakuu wa JamiiForums,

Natumai wote mko salama na mnaendelea vyema na harakati za maisha. Leo nina jambo la kufikirisha kidogo, ambalo nataka kulileta mezani kwa mjadala. Hili ni jambo ambalo wengi wetu tunalitazama kwa jicho moja, lakini tukilitazama kwa jicho la pili, tunaweza kuona undani wake halisi.

Hadithi ya Kijiji cha Utopia(Fiction story but has a message inside)

Zamani za kale, palikuwa na kijiji kimoja kilichoitwa Utopia. Kijiji hiki kilikuwa tofauti sana na vijiji vingine vyote. Hapa, kila mtu alitamani kuwa tajiri mkubwa. Watu wa Utopia walikuwa na ndoto moja tu—kupata utajiri wa kupindukia.

Siku moja, mkulima mmoja aliyeitwa Mzee Majaliwa aliamka asubuhi na kusema:

"Nimechoka kuwa mkulima! Hiki kilimo hakinipeleki popote. Nimeamua kuwa tajiri wa madini!"

Kwa haraka, akauza shamba lake na kwenda kuanza biashara ya kuuza madini. Watu wa kijiji walimshangaa, lakini haikupita muda wakaanza kumfuata. Mchinjaji wa kijiji, fundi seremala, na hata mama ntilie waliamua kuachana na kazi zao na kutafuta njia ya kuwa matajiri wakubwa.

Mwaka mmoja ulipita…

Maisha yalibadilika Utopia. Hakukuwa na mtu wa kulima chakula, hakuna aliyebaki kuchinja mifugo, hakuna aliyebaki kupika chakula, na hata fundi wa kutengeneza nyumba hakuwepo. Kila mtu alikuwa anahangaika kutafuta utajiri wake binafsi.

Ghafla, kijiji kilianza kudorora. Chakula kilianza kuadimika, watu wakaanza kufa njaa, na hata pesa walizotafuta kwa bidii hazikuwa na maana tena—kwa sababu hakuna aliyekuwa tayari kuuza chakula, hakuna aliyeosha magari, hakuna aliyepika chakula cha mgahawani, na hakuna aliyefua nguo.

Hatimaye, wakaelewa kitu kimoja…

Katika maisha, haiwezekani kila mtu awe tajiri. Jamii inahitaji uwiano. Lazima kuwe na wakulima, mafundi, wachuuzi, wafanyabiashara, walimu, madaktari, na hata vibarua. Ndiyo maana maisha yamepangwa kwa namna hii—kila mmoja ana nafasi yake.

Ikiwa kila mtu angekuwa tajiri, nani angefanya kazi nyingine muhimu za kila siku? Nani angeuza madafu? Nani angeosha magari? Nani angefua nguo?

Ndio maana kuna maskini, watu wa kati, matajiri, na super wealthy. Mfumo huu unahakikisha kwamba maisha yanaendelea kusonga mbele.

Nimalize kwa kusema,
Mafanikio hayaji kwa kutamani tu kuwa tajiri—yanakuja kwa kuelewa thamani ya kila kazi katika jamii. Siyo kila mtu atakuwa bilionea, lakini kila mtu anaweza kuishi kwa heshima, akifanya kazi yake kwa bidii.

Hivyo, wakuu wa JamiiForums, je, mnakubaliana na falsafa hii? Au kuna jambo ambalo halijaelezwa? Karibuni kwa mjadala!

 

[Numbisa]

Duh

 

[Tanganian]

Haiwezi neno tajiri ni kinyume cha maskini ,kuna utajiri kwa vile kuna umaskini.

 

[realMamy]

Ni kweli

 

[antimatter]

Kuna mtu ambaye ni lazima aajiriwe ili alipwe ujira kwa kuwa hawezi kujisimamia. Mtu wa hivi hata akipata mtaji mkubwa unayeyuka chap chap kama barafu juani. Huyo na utajiri ni kama mbingu na ardhi

 

[joseph_mbeya]

Nimependa hiyo falsafa ina ukweli ndani yake

Nadhani lazima kuwepo na uwiano huo katika maisha hili kuwepo na madaraja tofauti tofauti katika maisha

 

[ndege JOHN]

Serikali duniani kote zinatuhamasisha tujenge uchumi means tuzalishe na ndo maana hata sasa wanawake wa kiislam wanafanya kazi to faut na dini zinavotaka

 

[Davidmmarista]

Haiwezi neno tajiri ni kinyume cha maskini ,kuna utajiri kwa vile kuna umaskini.

Siku hizi katika maisha Yetu mwisho wa mambo yote ni kila anayepamban awe tajiri which isn't true at all

 

[Davidmmarista]

Serikali duniani kote zinatuhamasisha tujenge uchumi means tuzalishe na ndo maana hata sasa wanawake wa kiislam wanafanya kazi to faut na dini zinavotaka

Kufanya kazi sio kuwa tajiri there must be equality between two sides rich&poor nk

 

[rumplelstiltskin]

Hata kama watu wote wakiwa matajiri wakulima watakuwepo tu kwa sababu utajiri ni swala la fursa

 

[gonamwitu]

Utajiri sio kitu ambacho kinaweza kuja kwa kupanga japokuwa mara chache hutokea. I second you sio kila mtu anaweza kuwa tajiri na ukiweka sana dhamira ya kuwa tajiri muda mwingine itabidi ufanye hata vitu vibaya ili utimize adhima yako.

Hii ni kusema muda mwingine utajiri unakuja na gharama ambayo unatakiwa uilipe na ukishindwa kulipa gharama ni mateso na majuto tu ndo vitakavyofuatia.

Fanya kazi kwa bidii maarifa na weledi halafu uache utajiri uje wenyewe if you were those few chosen to be a rich man or woman.

"A man called gonamwitu"

 

[Davidmmarista]

Hata kama watu wote wakiwa matajiri wakulima watakuwepo tu kwa sababu utajiri ni swala la fursa

Who will employ the other

 

[Smart911]

Ngoja tuone...


Cc: Mahondaw

 

[rumplelstiltskin]

Who will employ the other

Top tier

 

[Mzee Kimamingo]

Tatizo watu wanadhani kujimilikisha mali kwa kukusanya material things ndio utajiri mambo hayapo ivo

 

[Davidmmarista]

Tatizo watu wanadhani kujimilikisha mali kwa kukusanya material things ndio utajiri mambo hayapo ivo

Facts