Waufukweni
JF-Expert Member
- May 16, 2024
- 1,515
- 4,017
Mamlaka ya Udhibiti wa Huduma za Nishati na Maji (EWURA) imetangaza kushuka kwa bei za mafuta ya petroli na dizeli nchini kwa mwezi Novemba 2024, ikilinganishwa na bei za mwezi Oktoba.
Kwa mujibu wa EWURA, bei ya petroli kwa lita moja kwa bandari ya Dar es Salaam imepungua kutoka Shilingi 3,011 mwezi Oktoba hadi Shilingi 2,943 kwa mwezi Novemba. Kwa bandari ya Tanga, bei ya petroli imeshuka kutoka Shilingi 3,016 hadi Shilingi 2,948, huku Mtwara ikishuhudia bei ikishuka kutoka Shilingi 3,016 hadi Shilingi 3,015 kwa lita moja.
Kwa upande wa dizeli, bei ya rejareja kwa lita moja Dar es Salaam imeshuka kutoka Shilingi 2,846 hadi Shilingi 2,844. Tanga, bei imeshuka kutoka Shilingi 2,859 hadi Shilingi 2,855, na Mtwara kutoka Shilingi 2,862 hadi Shilingi 2,916 kwa lita moja. Hata hivyo, mafuta ya taa yameendelea kuwa na bei inayotofautiana kidogo katika maeneo tofauti.
Mkurugenzi Mkuu EWURA Dkt. James A. Mwainyekule amesema kushuka kwa bei hizi kunatokana na mabadiliko ya bei za kimataifa za mafuta yaliyosafishwa, pamoja na gharama za uagizaji na viwango vya ubadilishaji wa fedha za kigeni.
Amesema bei ya petroli katika soko la dunia iliongezeka kwa asilimia 1.56, na dizeli kwa asilimia 4.99, ikilinganishwa na mwezi Septemba 2024. Gharama za uagizaji wa mafuta (Premiums) kwa mwezi huu zilibadilika kwa kiwango kikubwa kwa bidhaa mbalimbali, ambapo gharama za dizeli zilipanda kwa asilimia 14.48, jambo ambalo linaweza kuathiri bei za ndani za mafuta.
EWURA pia imewataka wafanyabiashara wa mafuta kuhakikisha kuwa bei zinazouzwa kwenye vituo vyao haziendi juu ya bei kikomo iliyotolewa na kwamba mabango yenye bei sahihi ya mafuta yaonekane bayana ili kusaidia ushindani wa kibiashara na kulinda maslahi ya walaji.
Kwa mujibu wa EWURA, bei ya petroli kwa lita moja kwa bandari ya Dar es Salaam imepungua kutoka Shilingi 3,011 mwezi Oktoba hadi Shilingi 2,943 kwa mwezi Novemba. Kwa bandari ya Tanga, bei ya petroli imeshuka kutoka Shilingi 3,016 hadi Shilingi 2,948, huku Mtwara ikishuhudia bei ikishuka kutoka Shilingi 3,016 hadi Shilingi 3,015 kwa lita moja.
Kwa upande wa dizeli, bei ya rejareja kwa lita moja Dar es Salaam imeshuka kutoka Shilingi 2,846 hadi Shilingi 2,844. Tanga, bei imeshuka kutoka Shilingi 2,859 hadi Shilingi 2,855, na Mtwara kutoka Shilingi 2,862 hadi Shilingi 2,916 kwa lita moja. Hata hivyo, mafuta ya taa yameendelea kuwa na bei inayotofautiana kidogo katika maeneo tofauti.
Amesema bei ya petroli katika soko la dunia iliongezeka kwa asilimia 1.56, na dizeli kwa asilimia 4.99, ikilinganishwa na mwezi Septemba 2024. Gharama za uagizaji wa mafuta (Premiums) kwa mwezi huu zilibadilika kwa kiwango kikubwa kwa bidhaa mbalimbali, ambapo gharama za dizeli zilipanda kwa asilimia 14.48, jambo ambalo linaweza kuathiri bei za ndani za mafuta.
EWURA pia imewataka wafanyabiashara wa mafuta kuhakikisha kuwa bei zinazouzwa kwenye vituo vyao haziendi juu ya bei kikomo iliyotolewa na kwamba mabango yenye bei sahihi ya mafuta yaonekane bayana ili kusaidia ushindani wa kibiashara na kulinda maslahi ya walaji.
