Bakari Msuya TBC 1 na David Mayunga TBC Taifa Walipofika Maktaba Kunihoji Kuhusu Muungano

[Mohamed Said]

TBC1 BAKARI MSUYA NA TBC TAIFA DAVID MAYUNGA WAMEPIGA HODI MAKTABA: KIPINDI CHA MUUNGANO

Sikutegemea kuwa nitatembelewa kwa siku moja na vijana hawa watangazaji hodari kutoka TBC 1 Bakari a Msuya na TBC Taifa David Mayunga kunihoji kuhusu Muungano wa Tanganyika na Zanzibar mwaka 1964.

Sikutegemea kuwaona vijana hawa wachangamfu wakipishana kwenye kizingiti cha mlango wangu huyu anabisha hodi anaingia yule anaaga anatoka.

Kitu kimoja kilinifurahisha sana ni kuwa hofu yangu ilikuwa kwa kuwa wote wanatoka chombo kimoja cha habari TBC mahojiano yetu yatafanana kwa hiyo kuondoa ladha kwa mhojiwa na halikadhalika watazamaji na wasikilizaji.

Haikuwa hivyo.

Haikuwa hivyo ila kwa swali moja tu.

Huenda kwa kuwa mimi ni mzee na wenzangu ni vijana wadogo sana wote walitaka nieleze nchi mbili hizi zilikuwaje kabla ya Muungano.

Wote wanasema hawakuwapo wakati wa Muungano.

Wote walitaka nieleze nini kifanyike kizazi cha sasa kiwe na uzalendo mkubwa na kuthamini Muungano.

Niliwapitisha kwa haraka na wima wima kwenye historia ya Mapinduzi ya Zanzibar ya mwaka 1964.

Baada ya hapo ndipo nilipowakalisha kitako tuzungumze kuhusu Muungano.

Vipindi hivi In Shaa Allah vitarushwa leo Ijumaa tarehe 26 Aprili siku ya kusheherekea Muungano.

Picha ya kwanza Bakari Msuya na picha ya pili ni David Mayunga.

​

 

[falcon Q]

Maadam ushatoa hints hakuna haja ya kukiangalia hicho kipindi si ajabu na mhojiwa unasubiri kukitizama

 

[Mohamed Said]

Maadam ushatoa hints hakuna haja ya kukiangalia hicho kipindi si ajabu na mhojiwa unasubiri kukitizama

BAKARI MSUYA TBC1
Shukrani sana Sheikh Mohamed Said kwa kuridhia wito wetu wa kuja kwako kuchota maarifa.
🙏🙏🙏

DAVID MAYUNGA TBC Taifa
Ahsante sana Mzee wangu, hakika wewe ni tunu kubwa na hazina kwa Taifa hili, nitaendelea kushukuru kwa ukarimu wako daima, umekuwa ukitupokea kwa mikono miwili na kwa unyenyekevu mkubwa katika kufanikisha kuchota maarifa yako kwa ajili ya ustawi wa Taifa lako.

Kipindi chetu kimekamilika kimekuwa kizuri sana, utanitumia email nikutumie.

Pia kesho nitapata ratiba muda wa kuruka.

Ubarikiwe sana Mzee wangu🙏

Mwandishi akimwonyesha David Mayunga vitabu vipya
alivyozawadiwa na rafiki zake
​

 

[nzalendo]

Asalaam aleykum Sheikh Said
Nina hakika kwamba wewe ni hazina ya historia ya Taifa hili la Tanzania,
Ni kitambo sana nilisikia kijuu juu kwamba katika mapinduzi ya Zanzibar kulikuwa na mchaga mmoja anaitwa 'somebody'... Kisasi lakini hatajwi sana kwenye Mapinduzi hayo....Bila shaka unaweza kuwa na historia yake japo kidogo utumegee....ili kina 'Bwashee' wajue kuna ndugu yao alitoa mchango kwenye mapinduzi hayo.
Natanguliza Shukran.

 

[mrangi]

Hivi mwarabu asingeingia huko zanzibar naona kusingekuwepo na muungano,tanganyika ingekuwa moja

Ova